1. Die gepubliseerde Kitsopname van skole vir leerders met spesiale onderwysbehoeftes sal op 01 Maart 2016 gehou word. Prinsipale sal versoek word om leerderdata op SOBIS af te teken. Die opname sal vanaf 19 Februarie 2016 aan skole beskikbaar wees. Maak asseblief seker dat die volgende teen 01 Maart 2016 korrek op SOBIS weergegee word.
1.1 Leerders is in die korrekte grade, klasse en taal-van-leer-en-onderrig- (TLO) kategorie.
1.2 Leerderoorplasings (in en uit) is voltooi.
1.3 Inligting oor leerdergestremdhede is korrek.
1.4 Opvoederinligting is korrek.
1.5 Graadveranderings is voltooi.
1.6 Alle vasleggingskerms is voltooi.

2. Die Kitsopname vereis ook dat alle bywerkings van gestremdhede deur senior sielkundiges/leerderondersteuningsbestuurders (GLOO-hoofde) voltooi word.

3. Aftekening deur leerderondersteuningsbestuurders (GLOO-hoofde) in distrikte oor Kitsopnamedata word teen 15 Maart 2016 verlang.

4. As die institusionele OBIS-beampte moet die prinsipaal die dataprosesse bestuur om te verseker dat bewys van verifikasie en die handtekeninge van personeel wat gedelegeer is om die data te kontroleer, op versoek van ouditeurs getoon kan word. Vir meer inligting, verwys asseblief na Kennis-en-inligtingsbestuursminuut 0003/2012.

5. Daar sal van hospitaalskole verwag word om 'n drukstuk van die opname te voltooi. Die opname sal direk aan skole verskaf word.

6. . Nasionale Identiteitsnommer (ID) is verpligtend vir alle leerders op alle gerekenariseerde skooladministrasie- en bestuurstelsels. 'n Verslag is op SOBIS aan skole beskikbaar om leerders wat nie identiteitsnommers het nie te identifiseer en om die vaslegging van ontbrekende identiteitsnommers te fasiliteer. Adviseer asseblief die ouer oor die proses om vir 'n ID via die Departement van Binnelandse Sake (verwys na Omsendbrief 0008/2014) aansoek te doen indien die leerder nie in besit van 'n geldige ID-nommer is nie. Waar moontlik, word prinsipale versoek om die ouers by te staan om die proses deur die Departement van Binnelandse Sake te fasiliteer.

7. Prinsipale moet die Kitsopnameprosesse koordineer om die akkuraatheid van data wat vasgele is en tydige voltooiing te verseker.

8. Kontak asseblief die toepaslike amptenare indien jy bystand verlang.

DISTRIK DISTRIKS- SOBIS-ADMINISTRATEUR TELEFOON-NOMMER E-POS
Weskus Mervan Davids 021 860 1596 mervan.davids@westerncape.gov.za
Eden en Sentrale Karoo Yvonne Ngwane /
Ayabulela Pinzie		 044 803 8352 /
044 803 8353		 yvonne.ngwane@westerncape.gov.za /
ayabulela.pinzie@westerncape.gov.za
Kaapse Wynland Keith Zibi /
Wafeeqah Ismail		 023 348 4633 /
023 348 0635		 keith.zibi@westerncape.gov.za /
wafeeqah.ismail@westerncape.gov.za
Overberg Kevin Van Eeden 028 214 7411 kevin.vaneeden@westerncape.gov.za
Metro-Noord Anecia Conradie 021 938 3039 anecia.conradie@westerncape.gov.za
Metro-Suid Anastasia Rose /
Sive Jara		 021 370 2120 /
021 370 2106		 anastasia.rose@westerncape.gov.za /
sive.jara@westerncape.gov.za
Metro-Oos Buseka Ndinisa /
Thembeka Dlamini		 021 900 7180 /
021 900 7181		 buseka.ndinisa@westerncape.gov.za /
thembeka.dlamini@westerncape.gov.za
Metro-Sentraal Anita Mcgrath /
Tercia Southgate		 021 514 6751 /
021 514 6737		 anita.mcgrath@westerncape.gov.za /
tercia.southgate@westerncape.gov.za


GETEKEN: PA VINJEVOLD
HOOF: ONDERWYS
DATUM: 2016:02:24