| 1. |
Die gepubliseerde Jaarlikse Opname van gewone skole sal op 01 Maart 2016 gehou word. Prinsipale sal versoek word om oor die akkuraatheid van die leerlingdata op SOBIS af te teken. Maak asseblief seker dat die volgende teen 01 Maart 2016 korrek op SOBIS reflekteer: |
| 1.1 |
Leerders is in die korrekte grade, klasse en taal-van-leer-en-onderrig- (TLO) kategorie. |
| 1.2 |
Leerderoorplasings (in en uit) is voltooi. |
| 1.3 |
Graadveranderings is voltooi. |
| 1.4 |
Die vasleggingskerms vir algemene inligting, insluitende die vrae oor skoolveiligheid, is voltooi. |
| 2. |
Die Jaarlikse Opname vereis ook dat skole opvoederinligting bywerk en die vasleggingskerms voltooi. Hierdie taak moet teen nie later nie as 31 Maart 2016 afgeteken word deur die volgende te verseker: |
| 2.1 |
Opvoederinligting betreffende die jare ondervinding en die grade en vakke wat net in 2016 onderrig is, is bygewerk (verwyder grade en vakke wat in vorige jare onderrig is indien nie op die opvoeder se 2016-werklading van toepassing nie). |
| 2.2 |
Die nuwe opvoederskerm is voltooi vir verifikasie van vakkwalifikasies. |
| 2.3 |
Alle vasleggingskerms is voltooi en vooraf-ingevulde skerms is bygewerk, bv. skoolgeld en infrastruktuurtabelle. |
| 3. |
'n Addisionele skerm met betrekking tot koshuisinligting sal vanaf 22 Februarie 2016 vir vaslegging op SOBIS beskikbaar wees. Slegs skole met koshuise sal hierdie addisionele opname kan besigtig. |
| 4. |
As die institusionele OBIS-beampte moet die prinsipaal die dataprosesse bestuur om te verseker dat bewys van verifikasie en die handtekeninge van personeel wat gedelegeer is om die data te kontroleer, op versoek van ouditeurs getoon kan word. Die skool- OBIS-data besigheidsproses moet opgeteken word om aanspreeklikheid vir die akkuraatheid van data te verseker aangesien die inligting ouditeerbaar is. Vir meer inligting, verwys asseblief na Kennis-en-inligtingsbestuursminuut 0003/2012. Prinsipale word ook daaraan herinner dat akkurate SOBIS-data vanaf 2014 'n voorvereiste vir skole is om die tweede oorplasing van norme-en-standaarde-befondsing te ontvang (Kennis-en-inligtingsbestuursminuut 0044/2013). |
| 5. |
'n Nasionale Identiteitsnommer (ID) is verpligtend vir alle leerders op alle gerekenariseerde skooladministrasie- en bestuurstelsels. 'n SOBIS-verslag is beskikbaar om leerders wat nie identiteitsnommers het nie te identifiseer en om die vaslegging van ontbrekende identiteitsnommers te fasiliteer. Adviseer asseblief die ouer oor die proses om vir 'n ID via die Departement van Binnelandse Sake aansoek te doen indien die leerder nie in besit van 'n geldige ID-nommer is nie. Waar moontlik, word prinsipale versoek om die ouers by te staan om die proses deur die Departement van Binnelandse Sake te fasiliteer. Vir verdere inligting, verwys na Inrigtingsbestuur-en-Beheerbeplanningsminuut 005/2014. |
| 6. |
Indien enige probleme met die voltooiing van die opname ondervind word, skakel asseblief met die tersaaklike kringbestuurder of toepaslike distriksamptenaar hieronder gelys:
|
| 7. |
Prinsipale moet die Jaarlikse Opname-prosesse koördineer om akkuraatheid van data wat vasgelê is en tydige voltooiing te verseker. |
GETEKEN: PA VINJEVOLD
HOOF: ONDERWYS
DATUM: 2016:02:18
|
 |