1. |
U word verwys na Inrigtingshulpbronondersteuningsminuut: 0001/2016 waarin skole versoek is om die name van graad R- tot 12-leerders, wat van die WKOD-befondsde leerdervervoer gebruik maak, op die Sentrale Onderwysbestuursinligtingstelsel (SOBIS) vas te lê. |
2. |
Die bovermelde proses is afgehandel en die name van gemagtigde leerders word op SOBIS volgens roete en oplaaipunt weergegee. |
3. |
Prinsipale word versoek om seker te maak dat die korrekte leerdername aan roetes en oplaaipunte toegeken word en om enige teenstrydighede met betrekking tot die leerdername, wat op SOBIS vir vervoer gemagtig is, by me Rhonell de Vries aan te meld. Sy is werksaam by die Subdirektoraat: Leerdervervoerskemas (LVS) by Hoofkantoor en sy kan by tel. 021 467 2136 of per e-pos by Rhonell.DeVries@westerncape.gov.za gekontak word. |
4. |
Let asseblief daarop dat alle addisionele leerders, wat hierna gemagtig word, deur amptenare by LVS vasgele sal word en dat prinsipale van tyd tot tyd 'n geleentheid sal kry om leerders wat nie meer van leerdervervoer gebruik maak nie, te verwyder. Die stelsel sal outomaties die name van leerders wat die skool verlaat, verwyder.
|
5. |
U samewerking word waardeer. |
GETEKEN: TS MATSELISO
ADJUNK-DIREKTEUR-GENERAAL: INRIGTINGSONTWIKKELING EN -KOÖRDINERING
DATUM: 2016:10:27
|
![](images/shim.gif) |