1. Die Wes-Kaap Onderwysdepartement (WKOD) het 'n aanlyn voorraadopnamestelsel vir skoolmeubels en -toerusting ontwikkel.
2. Die doel van hierdie aanlyn stelsel is om te help met die aantekening van alle meubels en toerusting wat in skole se besit is.
3. Dit is belangrik dat daar voldoende meubels en toerusting is om aan die behoeftes van leerders en personeel in skole te voldoen. Deur die vaslegging van die data vir meubels en toerusting by skole, sal ons in staat wees om die tekorte en surplusse makliker te bepaal.
4. Ten einde met die aanvang van die aanlyn vaslegging van alle data ten opsigte van meubels en toerusting te begin, moet alle openbare skole tussen 23 en 27 Mei 2016 op die SOBIS aanteken.
5. Wanneer toegang tot die SOBIS verkry word, moet skole die "Administration"-opsie op die kieslysbalk kies. Op die aftuimellysie, kies "Furniture and Equipment" en kies dan "Welcome" of die "Capture"-skerm. Op die verwelkomingskerm sal skole voorsien word van algemene inligting oor die aanlyn stelsel en op die "Capture"-skerm sal skole in staat wees om die data oor spesifieke meubels en toerusting vas te lê.
6. Indien u bystand met die vaslegging van u meubel- en toerustingbesonderhede sowel as die aftekenproses benodig, kan die volgende persone gedurende die vasleggingstydperk gekontak word:

Rene Alberts (tel. no. 021 467 2137) of e-posadres
Rene.Alberts@westerncape.gov.za

Scobinae Snyders (tel. no. 021 467 2004) of e-posadres
Scobinae.Snyders@westerncape.gov.za

Le-Roy Sylvester (tel. no. 021 467 2115) of e-posadres
Le-Roy.Sylvester@westerncape.gov.za

7. Die verslagikoon (report icon) aan die linkerkant van die skerm voorsien die opsie om die volledige lys meubels en toerusting wat vasgelê is, te druk.
8. Sodra die besonderhede van die meubels en toerusting vasgelê is, word daar van die prinsipaal verwag om op die stelsel af te teken.
9. Verkry asseblief so spoedig moontlik toegang tot die SOBIS gedurende die vasleggingstydperk om te verseker dat die vasleggings- en aftekeningprosesse betyds afgehandel word.
10. Bring asseblief die inhoud van hierdie minuut onder die aandag van alle betrokke personeel.


GETEKEN: HA LEWIS
WAARNEMENDE ADJUNK-DIREKTEUR-GENERAAL: ONDERWYSBEPLANNING
DATUM: 2016:05:10