1. Die Klientetevredenheidsverslag bied jaarliks aan die bestuur van die Wes-Kaap Onderwysdepartement (WKOD) die geleentheid om nabetragting te hou oor die WKOD se dienslewering en om strategies te beplan om huidige diensvlakke te verbeter.
2. Vir 2016 is die opname vir die eerste keer aan alle gewone en spesiale openbare skole aangebied en . maksimum van vyf institusionele personeellede per skool was nodig om dit te voltooi. Die deelnemers het dienste wat deur die WKOD se Hoofkantoor se distrikskantore aan skole gebied word, beoordeel deur 'n 5-punt beoordelingskaal te gebruik waar 1 = Uiters Swak; 2 = Swak; 3 = Bevredigend; 4 = Goed en 5 = Uitstekend is. Deelnemers is ook genooi om op diensleweringselemente kommentaar te lewer, dit te komplimenteer en/of te kritiseer.
3. Ongeveer 3 100 voltooide opnames is aanlyn deur SOBIS vasgele en meer as 60% van die geteikende skole het gereageer. Hierdie syfers en/of insette het uitgeloop op 'n volledige verslag wat as terugvoering en vir nabetragting en aanmoediging vir toekomstige deelname vir deurlopende verbetering van dienslewering beskikbaar is.
4. Die volgende hoogtepunte van die verslag is alfabeties getabuleer, waar beoordelings van 1 en 2 = Swak, Bevredigend = 3 en 4 en 5 = Goed is.

Element Goed Bevredigend Swak
Administrasie van aangeleenthede ten opsigte van werknemersverhoudinge 32% 58% 10%
Administrasie van graad 3-, 6- en 9-toetsing 40% 53% 7%
Administrasie van aangeleenthede ten opsigte van salarisse en salarisstrokies 50% 41% 9%
Administrasie van diensvoorwaardes 41% 49% 10%
Vra om verskoning vir foute en doen verbeterende stappe 25% 54% 21%
Skenk onmiddellik, professioneel en hoflik aandag aan navrae 34% 56% 10%
Kringbestuurdersondersteuning 66% 31% 3%
Kommunikasie met skole 51% 43% 6%
Kurrikulum- skoolbesoekondersteuning 52% 41% 7%
Distrikskantoorondersteuning 59% 37% 4%
eLeerstrategie-ondersteuning 29% 56% 15%
eWerwingsbestuur 32% 55% 12%
Hoofkantoorondersteuning 39% 53% 8%
Menslikehulpbronbestuursdienste (bv. personeelvoorsiening) 36% 52% 12%
Infrastruktuur- en instandhoudingsondersteuning 21% 47% 32%
Taal- en Wiskunde-ondersteuning 42% 49% 9%
Leerdervervoerskema-ondersteuning 37% 48% 15%
LOA: Besoeke aan skole 47% 43% 10%
LOO: Ondersteuning aan leerders 43% 45% 12%
Matriekondersteuningsprogram 46% 47% 7%
MGO-sentrumprogram 29% 54% 17%
Verwerk versoeke binne 14 dae 26% 54% 19%
Lewer vorderingsverslag indien daar vertragings is 21% 52% 27%
Reaksie op telefoonnavrae 36% 50% 14%
Reaksie op skriftelike navrae binne vyf dae 24% 51% 25%
Bel binne 24 uur terug 25% 48% 27%
Veilige Skole-ondersteuning 33% 50% 17%
Skoolvoedingsprogramondersteuning 62% 32% 6%
Gespesialiseerde ondersteuning deur maatskaplike werkers 30% 47% 22%
Gespesialiseerde ondersteuning deur sielkundiges 29% 44% 27%
Ondersteuning aan SGOS 29% 50% 22%
Handboekvoorraad 55% 39% 6%
Opleiding by Kaapse Onderrig- en Leierskapinstituut 52% 42% 5%
WKOD-inbelsentrum (korporatiewe aangeleenthede) 40% 53% 7%
WKOD Veilige Skole-inbelsentrum 36% 54% 10%
WKOD-instapsentrum (menslikehulpbron- en finansiële aangeleenthede) 40% 56% 4%
5. Die WKOD spreek graag sy waardering uit teenoor almal wat aan die opname deelgeneem het – die administratiewe klerke vir hul rol en die prinsipale vir die administrasie van die oefening. Ons sal daarna streef om klagtes wat aangeteken is te ondersoek, die komplimente wat ontvang is met personeel te deel en enige uitvoerbare voorstelle wat gemaak is te implementeer. U word daaraan herinner dat die WKOD se amptelike Klagtemeganisme deur die Direktoraat: Kommunikasie bestuur word en dat toegang daartoe op die WKOD-webwerf by http://wced.school.za/home/webmaster.html verkry kan word.
6. Toegang tot die volledige 2016 Kliëntetevredenheidsverslag kan op die WKOD-webwerf by http://wcedonline.pgwc.gov.za/home/ verkry word. Deel asseblief die inhoud van hierdie minuut met alle institusionele personeel.


GETEKEN: BK SCHREUDER
WAARNEMENDE HOOF: ONDERWYS
DATUM: 2016:09:28