1. Ten einde vir 2017 voor te brei, moet skole hul Konsep-skoolverbeteringsplan (SVP) teen 17 Oktober 2016 voltooi. Dit sluit in 'n voorlopige oorsig van 2016, 'n voorlopige aksieplan vir 2017, asook daardie aspekte van hul Skoolprofiel wat nie na akademiese teikens verwys nie. Van meer belang is dat hierdie konsep die inskrywingsplanne vir 2017 insluit.

2. Die voltooiing van die Konsep-SVP teen hierdie datum stel:

  • skole in staat om vir 2017 te begin beplan;
  • distrikte in staat om 'n Distriksverbeteringsplan (DVP) te ontwikkel wat op die behoeftes en versoeke van skole reageer; en
  • die provinsie in staat om te beplan vir bevoorrading wat met die inskrywingsgetalle verband hou.
3. Die Akademiese Prestasieverbeteringsplan en alle verwante akademiese teikens, soos teikens vir die Jaarlikse Nasionale Assesserings en die Wes-Kaap Onderwysdepartement (WKOD) se Sistemiese Evaluerings, sal in 2017 voltooi word sodra toets- en jaareindpunte beskikbaar is.

4. Die skool behoort teen 17 Oktober 2016 die KONSEPPLAN af te teken. Dit is 'n nakomingsaftekening en dui die begin van 'n tydperk vir betrokkenheid met die konsepplanne aan. Die kringbestuurder sal ook afteken om die voorlegging van die konsep teen die keerdatum te bevestig. Daarna behoort konsepplanne ontleed, inskrywings geprojekteer en bystand, indien nodig, versoek te word. Deur die loop van die 4de kwartaal sal die kringbestuurders, waar nodig, hulp en advies aanbied. Die stelsel sal deurgaans oop bly sodat skole hul planne soos nodig kan bywerk en verander.

5. Die tweede voorlopige aftekening van die planne deur alle skole sal teen 15 Februarie 2017 wees. Teen 22 Februarie 2017 sal die teikens in die SVP en DVP outomaties aanlyn gesinchroniseer word en alle partye sal in 'n posisie geplaas word om op die SVP's, sowel as die DVP's, af te teken. Teen 24 Februarie 2017 behoort die plan, insluitende akademiese verbeteringsteikens, ook deur die beheerliggaam goedgekeur te wees. Die stelsel sal in oorleg met die kringbestuurders oop bly om vir finale veranderinge toe te laat en sal op 28 Februarie 2017 sluit, wat die finale aftekendatum is.

6. Opsomming van datums:

Item Verantwoordelik Datum
Aftekening van Konsep-SVP op SOBIS wat:

  • 'n oorsig van 2016;
  • versoeke om bystand vir 2017;
  • inskrywingsprojeksies; en
  • 'n aksieplan insluit.
 Skool in oorleg met beheerliggaam 17 Oktober 2016
Aftekening om te bevestig dat die Konsep-SVP teen die keerdatum afgehandel is Kringbestuurder 23 Oktober 2016
Hersienings aan inhoud soos nodig Skole in oorleg met kringbestuurder en beheerliggaam Deurlopend
Aftekening van SVP op SOBIS Skool en beheerliggaam handel formele aftekening van voorlopige SVP af 15 Februarie 2017
Hersienings aan teikens soos nodig Skole in oorleg met kringbestuurder en beheerliggaam 15—20 Februarie 2017
SVP-teikens en DVP-teikens op SOBIS in lyn gestel WKOD verseker inlynstelling op stelsel 22 Februarie 2017
Finale aftekening van SVP op SOBIS Skool, deur beheerliggaam ondersteun 24 Februarie 2017
Aftekening van afgehandelde SVP Kringbestuurder 28 Februarie 2017

7. Tegniese besonderhede is soos volg:

  • Inskrywingssyfers op die SVP sal "lewendig" bly totdat 'n skool sy teikens teen 15 Februarie 2017 afteken.
  • Aan die begin van 2017 sal die uitslae van die WKOD se sistemiese toetse vir graad 3, 6 en 9, en die Nasionale Senior Sertifikaat-uitslae bygevoeg word sodra dit beskikbaar is.
  • Die aanlyn SVP vir 2017 is opgestel om die geteikende SLAAGPERSENTASIE te gebruik. Daarna sal die korresponderende GETAL leerders outomaties in die gepaste kolom verskyn.
8. 'n Templaat van die plan is hierby aangeheg om met die voorbereiding van die 2017 SVP te help.

9. Gestruktureerde kwartaallikse monitering (Skoolverbeteringsmonitering) sal in 2017 deur distriksamptenare by skole uitgevoer word.

10. Navrae sal deur die betrokke kringbestuurder hanteer word.

11. Ons dank u vir u betrokkenheid by onderwys van gehalte.


GETEKEN: PA VINJEVOLD
HOOF: ONDERWYS
DATUM: 2016:08:30

Skoolverbeteringsplan 2017/18  (grootte: 95 KB)
"Feedback to the Teacher / HOD / School / District / Head Office"  (grootte: 79 KB)