| 1. |
Die Wes-Kaap Onderwysdepartement sal weereens die implementering van die Skoolverbeteringsplanne in 2016 monitor. |
| 2. |
In 2016 sal die volgende areas in die Skoolverbeteringsmonitering (SVM) van die Skoolverbeteringsplan (SVP) gemonitor word:
- Voorbereiding vir en implementering van die SVP;
- Werkboeke;
- Handboeke en skryfbehoeftes;
- Onderrig en leer;
- Bestuur (vergaderings met ouers, databestuur, skooltoelatings; leerder- en opvoederbywoning, vul van vakatures, opvoederontwikkeling);
- Lessenaars en stoele;
- Infrastruktuur, met die fokus op toilette en klaskamerakkommodasie; en
- Finansiele bestuur.
|
| 3. |
Die besonderhede vir elke kwartaal in 2016 kwartaal word in die aangehegte dokument verskaf. |
| 4. |
Die SVM moet soos volg deur beide die skool en beamptes voltooi word:
| Tydperk |
Sperdatum |
| Kwartaal 1 |
17 Maart 2016 |
| Kwartaal 2 |
23 Junie 2016 |
| Kwartaal 3 |
29 September 2016 |
| Kwartaal 4 |
15 November 2016 |
|
| 5. |
Ten einde monitering te vergemaklik, moet die volgende prosedure gevolg word: |
| 5.1 |
Moniteringsfokusitems sal vir aftekening op SOBIS onder "ADMINISTRATION" verskaf word. |
| 5.2 |
Die prinsipaal sal antwoorde aanlyn vasle. |
| 5.3 |
Kringbestuurders sal 'n afspraak maak om die antwoorde te bespreek en die voltooide blad sal deur beide partye onderteken word. |
| 5.4 |
Die prinsipaal sal op SOBIS afteken. |
| 5.5 |
Een drukstuk sal, vir ouditeringsdoeleindes, deur die Kringbestuurder bewaar word. 'n Tweede een moet by die skool gehou word. |
| 5.6 |
Die Kringbestuurder sal op Eduinfosearch afteken. |
| 6. |
Neem asseblief kennis dat dit die enigste minuut in hierdie verband vir 2016 sal wees. Die nuwe patroonplaat vir elke kwartaal sal aan die begin van die kwartaal op SOBIS gelaai word. |
| 7. |
Enige navrae sal deur die Kringbestuurder of die Spesialeskoolprogrambestuurder hanteer word indien dit met gespesialiseerde onderrigaspekte verband hou. |
| 8. |
Vanjaar is die eerste jaar dat die SVM deur spesiale skole voltooi sal word. Enige aanbevelings vir verbeterings moet na die Direktoraat Inklusiewe en Gespesialiseerde Onderrigondersteuning gestuur word om vir insluiting by die 2017 SVM vir spesiale skole oorweeg te word. |
| 9. |
Ons dank u vir u gebondenheid aan gehalte-onderrig. |
GETEKEN: PA VINJEVOLD
HOOF: ONDERWYS
DATUM: 2016:01:26
|
 |