| 1. |
Die Skoolverbeteringsplanne moet teen 29 January 2016 op SOBIS voltooi wees. Aanpassings kan, in oorleg met die skool se Kringbestuurder, gemaak word tot op 17 Februarie 2016, die datum vir die finale afhandeling van die planne. U word aangemoedig om u prestasie noukeurig teenoor teikens na te gaan en alles in u vermoe te doen om te verseker dat hierdie taak waarde toevoeg. Dit is belangrik vir die beheerliggaam om deel te wees van die afteken en monitering van die plan. |
| 2. |
Die Wes-Kaap Onderwysdepartement sal weereens die implementering van die Skoolverbeteringsplanne in 2016 monitor. |
| 3. |
In 2016 sal die volgende areas in die Skoolverbeteringsmonitering (SVM) van die Skoolverbeteringsplan (SVP) gemonitor word:
- Voorbereiding vir, en implementering van, die SVP;
- Werkboeke;
- Handboeke en skryfbehoeftes;
- Onderrig en leer met 'n fokus op slaagkoerse vir graad 1 en 9, die pas waarteen die kurrikulum afgehandel word en assessering, skoolgebaseerde ondersteuningspanne;
- Bestuur (vergaderings met ouers, databestuur, skooltoelatings; leerder- en onderwyserbywoning, vul van vakatures, onderwyserontwikkeling);
- Dae waarop onderrig nie plaasgevind het nie, insluitende vir eksamens en vergaderings;
- Tafels en stoele;
- Infrastruktuur, met die fokus op toilette en klaskamerakkommodasie; en
- Finansiele bestuur.
|
| 4. |
Die besonderhede per kwartaal word in die aangehegte dokument verskaf. |
| 5. |
Die SVP moet soos volg deur beide die skool en beamptes voltooi word:
| Tydperk |
Sperdatum |
| Kwartaal 1 |
17 Maart 2016 |
| Kwartaal 2 |
23 Junie 2016 |
| Kwartaal 3 |
29 September 2016 |
| Kwartaal 4 |
15 November 2016 |
|
| 6. |
Ten einde die monitering te vergemaklik, moet die volgende prosedure gevolg word: |
| 6.1 |
Moniteringfokusitems sal op SOBIS onder "ADMINISTRATION" verskaf word vir aftekening. |
| 6.2 |
Die prinsipaal sal antwoorde aanlyn vasle. |
| 6.3 |
Kringbestuurders sal 'n afspraak maak om die terugvoering te bespreek en die voltooide blad sal deur beide partye onderteken word. |
| 6.4 |
Die prinsipaal sal op SOBIS afteken. |
| 6.5 |
Een harde kopie sal, vir ouditeringsdoeleindes, deur die Kringbestuurder bewaar word. 'n Tweede een moet by die skool gehou word. |
| 6.6 |
Die Kringbestuurder sal op Eduinfosearch afteken. |
| 7. |
Neem asseblief kennis dat dit die enigste minuut in hierdie verband vir 2016 sal wees. Anders as vorige jare sal daar geen herinnering wees nie. Die nuwe templaat vir elke kwartaal sal aan die begin van die kwartaal op SOBIS gelaai word. |
| 8. |
Enige navrae sal deur die Kringbestuurder hanteer word. |
| 9. |
Ons dank u vir u verbintenis tot gehalte-onderrig. |
GETEKEN: PA VINJEVOLD
HOOF: ONDERWYS
DATUM: 2016:01:20
|
 |