1. Die prosedure vir die aanstelling van 'n aflosopvoeder in 'n addisionele pos tydens die afwesigheid van 'n opvoeder weens siekte, kraamverlof of spesiale verlof is in omsendbriewe 0006/1997, 0024/1997, 0052/1997, 0082/1997 en 0003/2011 gekommunikeer. Hierdie kommunikasieminuut vul die bepalings van hierdie omsendbriewe aan en versterk dit.

2. Hoofstuk 3, paragraaf 7(2)(b) van die Wet op Indiensneming van Opvoeders, 1998 (Wet 76 van 1998), soos gewysig, bepaal dat 'n uitvoerende gesag, binne die betrokke begroting, opvoeders in 'n tydelike hoedanigheid vir 'n vaste tydperk in diens kan neem, hetsy in 'n voltydse, deeltydse of gedeelde kapasiteit.

3. Die afgelope paar jaar was dit die beleid van die Wes-Kaap Onderwysdepartement (WKOD) om aflosopvoeders op 'n vastetermynkontrak tydens die afwesigheid (vir 10 dae of langer) van 'n dienende opvoeder in diens te neem.

Hoewel dit 'n dubbele betaling vir dieselfde taak uitmaak, word 'n aflosopvoeder aangestel sodat leerders nie deur die langdurige afwesigheid van 'n dienende opvoeder benadeel sal word nie.

4. Gegewe die huidige begrotingsuitdagings van die WKOD, het die Hoof van Onderwys die volgende maatreels goedgekeur:

  1. Aansoeke om die aanstelling van addisionele opvoeders as aflossers tydens die afwesigheid van opvoeders sal slegs oorweeg word waar die pligte nie deur ander personeel uitgevoer kan word nie.
  2. Aflossers sal slegs oorweeg word vir afwesigheid van 15 werksdae of langer weens siekte-, kraam-, onbetaalde of spesiale verlof.
  3. 'n Motivering deur die Kringbestuurder (KB) en die Distriksdirekteur moet enige aansoek wat nie in punt (b) hierbo genoem is nie, vergesel.
  4. Die KB en die Distriksdirekteur moet eers poog om:
    1. vas te stel of die werkslading deur bestaande personeel gedeel kan word;
    2. 'n botallige opvoeder vanaf die beskikbare botallige yste te verwerf;
    3. die ekstra uitgawes uit besparings binne die distrik te befonds.
  5. In gevalle waar die opvoeder vir langdurige tydperke afgeboek word, moet die prinsipaal en die KB die saak na die Onafhanklike Berading- en Adviesdienste (ICAS) verwys en die proses vir die uitdienstrede weens swak gesondheid inisieer.
  6. Geen aflosser sal aangestel word sonder die voorafgoedkeuring van die gedelegeerde outoriteit nie (Direkteur: Verwing en Keuring).
  7. Geen versoeke vir nuwe aflossers sal goedgekeur word indien hulle met ingang van 21 November 2016 tydens die laaste kwartaal van die skoolkalender aangestel word nie.
5. Die hoof van die inrigting, in samewerking met die beheerliggaam, moet die volgende dokumentasie by die KB indien:

  1. Die permanente werknemer se aansoekvorm om verlof;
  2. 'n Afskrif van die mediese sertifikaat;
  3. Motivering ten opsigte van buitengewone omstandighede vir die toekenning van 'n aflosser;
  4. Die aansoekvorm (DPA 01) vir die doeleindes van die aanstelling van 'n aflosser (afskrif aangeheg); en
  5. Alle verbandhoudende dokumente wat vir die aanstelling van die genomineerde vereis word.
6. Die aansoek moet deur die KB geverifieer en aanbeveel word (soos uiteengesit in die aansoekdokument DPA 01).

7. Die volledige aansoek moet vir goedkeuring by die Direkteur: Werwing en Keuring ingedien word.

8. Alle aflosaanstellings is onderhewig aan goedkeuring deur die Direkteur: Werwing en Keuring. Alles moontlik moet gedoen word om goedkeuring voor die aanvang van 'n aflosaanstelling te verkry.

9. Die inrigting sal aanspreeklik gehou word vir enige aflosaanstellings wat voor die goedkeuring van die Direkteur: Werwing en Keuring aangestel is.

10. Bring asseblief die inhoud van hierdie minuut onder die aandag van alle betrokkenes.


GETEKEN: BK SCHREUDER
WAARNEMENDE HOOF: ONDERWYS
DATUM: 2016:10:08

"Employment of Educators Act, 1998 (Act 76 of 1998)"  (grootte: 160 KB)
"Nomination for appointment as an educator in a substitute post"  (grootte: 122 KB)