1. Na aanleiding van Strategiese Mensbestuurminuut 0002/2015 van 09 Maart 2015 ten opsigte van die drie prestasiebestuurstelsels rakende opvoeders en staatsdienspersoneel, heg ons die jaarlikse kalenders vir die PPBOS-, PBOS- en GGBSprosesse vir 2016 aan.

2. Hierdie kalenders bied 'n gids vir die vereiste prosedures en relevante sperdatums. Skole word vriendelik versoek om te hou by die indieningsdatums wat deur die distrikte voorsien word, ten einde sperdatums te haal soos op die kalenders aangedui.

3. Prestasiebestuur is 'n stelsel wat organisatoriese strategiee en doelwitte aan subeenheidsdoelwitte en dan aan individuele poste verbind. Dit is daarop gemik om rigting te gee aan individuele prestasie en dit te verbeter, om sodoende organisatoriese en institusionele doeltreffendheid te verhoog.

4. Deurlopende prestasiebestuur help met:

  • die vestiging van 'n kultuur van uitnemende prestasie;
  • verbetering van bewustheid en begrip van verwagtinge;
  • die verbetering van kommunikasie;
  • die aansporing van billike en objektiewe assessering;
  • die bied van geleenthede vir ontwikkelingsdoeleindes;
  • proaktiewe bestuur van onbevredigende prestasie;
  • die leiding en ondersteuning van werknemers; en
  • die daarstel van 'n grondslag vir toekomstige besluite.
5. Dit is die verantwoordelikheid van die lynbestuurder (toesighouer) en die werknemer om seker te maak dat 'n prestasie-ooreenkoms bestaan indien dit 'n voorvereiste van die toepaslike prestasie-instrument is. Dit is noodsaaklik dat alle lynbestuurders en werknemers seker maak dat prestasie-evaluering gereeld uitgevoer word. Alle werknemers, hetsy permanent, op proef of op kontrak aangestel, is onderhewig aan 'n prestasie-evaluering en elke prestasiegradering moet op bewyse gebaseer wees.

6. Dit is dus verpligtend vir alle lynbestuurders en toesighouers, as deel van hul prestasie-ooreenkomste (staatsdienspersoneel) of werkplanne (kantoorgebaseerde opvoeders) om "Personeelprestasiebestuur" as een van hulle sleutelresultaat-areas (SRA's) of sleuteldoelwitte te he.

7. Dit is die verantwoordelikheid van alle lynbestuurders en werknemers om seker te maak dat hersienings en finale evaluerings plaasvind, soos in die toepaslike prestasiebestuursinstrument uiteengesit. Dit is belangrik dat daar by die sperdatums vir die indiening van die vereiste dokumentasie gehou word. Versuim om aan hierdie sperdatums te voldoen, sal tot gevolg he dat die implementering van die salarisaanpassing, graadprogressie of prestasiebonusse (in die geval van staatsdienspersoneel) vertraag word of nie aan die betrokke werknemer(s) toegeken word nie.

8. Versuim deur lynbestuurders of werknemers om die vereiste dokumentasie voor te le kan daartoe lei dat 'n werknemer nie 'n salarisaanpassing of 'n prestasiebonus (in die geval van staatsdienspersoneel) ontvang nie. Indien bevind word dat die lynbestuurder of die werknemer in hierdie opsig nalatig is, kan daar strafgevolge vir die betrokke persoon wees.

9. Bring asseblief die inhoud van hierdie minuut onder die aandag van alle personeel onder u toesig.


GETEKEN: PA VINJEVOLD
HOOF: ONDERWYS
DATUM: 2016:04:20

PPBOS-Bestuurskalender  (grootte: 26 KB)
PBOS Kalender  (grootte: 23 KB)
GGBS-Bestuurskalender  (grootte: 27 KB)