Ter opsomming: hierdie projek is deel van die Wes-Kaapse Regering se program om hoe-spoed-, breebandkonnektiwiteit regoor die provinsie te verskaf deur met skole te begin.

Die nuwe breebandstelsel het dit moontlik gemaak om die nuwe e-posstelsel gratis aan skole te verskaf en dit sal help om kommunikasie tussen skole, die Wes-Kaap Onderwysdepartement (WKOD) en alle rolspelers te verbeter.

Dit is belangrik om daarop te let dat die WKOD in die toekoms slegs van die nuwe e-posstelsel vir alle amptelike kommunikasie met skole gebruik sal maak.

Omdat die nuwe e-posstelsel 'n webgebaseerde stelsel is, sal dit almal in staat stel om te aller tye, op enige plek, vanaf enige toestel wat 'n internetverbinding het, toegang tot hul e-pos te kry.

Die koppelvlak is vir alle toestelle, van tafelrekenaars tot tablette en slimfone, geskik. Dit sal onmiddellike toegang bied tot belangrike inligting wat in jou e-posrekening gestoor is aangesien jou e-pos en nodige inligting altyd tot jou beskikking sal wees, waar jy ook al mag wees.

Let asseblief op die volgende:

1. Oriëntering oor die nuwe stelsel sal teen einde Augustus 2016 afgehandel word. Alle prinsipale en skooladministrateurs sal teen daardie tyd uitnodigings ontvang het om die sessies by te woon.

   Dit is baie belangrik om daarop te let dat prinsipale nie personeellede kan stuur om hulle by hierdie sessies te verteenwoordig nie omdat ons volgens wet nie gebruikersinligting aan 'n alternatiewe persoon kan verskaf nie. Indien jy uitgenooi is, is bywoning dus uiters belangrik. Na 31 Augustus sal ons nie addisionele sessies reel nie.

2. Indien jy om een of ander rede nie 'n oriënteringsessie bygewoon het nie, kontak asseblief jou Kringbestuurder vir jou e-posmagtiging en instruksies oor hoe om toegang tot jou e-pos te kry. Jou Kringkantoor sal ook besonderhede verskaf oor waar en hoe om toegang tot die ondersteuningsmateriaal te verkry.

3. Op 01 September 2016 tree die nuwe stelsel vir alle skole in werking. Die WKOD sal die nuwe OWA-e-posadres as jou skool se primêre e-posadres gebruik en die skool se huidige of ou e-posadres as die sekondêre e-posadres. Dit is belangrik om te let dat alle amptelike kommunikasie intussen na beide e-posadresse gestuur sal word. Die WKOD sal die sekondere e-posadres teen Desember 2016 uitfaseer.

4. Alle tegniese navrae kan aan ons Gesentraliseerde Hulpdiens by 021-900 7123 gerig word of stuur 'n e-pos na SchoolsIT.Helpdesk@westerncape.gov.za.

5. Alle steunmateriaal vir die nuwe stelsel is beskikbaar by https://wcgschools.sharepoint.com/sites/TrainingMaterial/SitePages/Home.aspx. Let asseblief daarop dat jy jou e-posrekeningbesonderhede benodig om toegang tot die opleidingsmateriaal te verkry.