Die projek maak deel uit van die WKR se program om hoespoed, breeband konnektiwiteit regdeur die provinsie te verskaf deur by skole te begin.

Die program sluit in Plaaslike Area Netwerke (LANs) in skole wat by 'n Wye Area Netwerk (WAN) aansluit en die hele provinsie dek.

Dit is vir ons 'n voorreg om u in te lig dat verwante projekte 'n nuwe e-posdiens insluit om kommunikasie tussen skole, die Wes-Kaap Onderwysdepartement (WKOD) en alle rolspelers te verbeter.

Die WKR sal die e-posdiens gratis aan skole verskaf.

Skole betaal tans 'n wye verskeidenheid internetdiensverskaffers (ISPs) en elke skool kry tans 'n subsidie van die WKOD om die koste van hierdie telekommunikasiedienste te dek.

Aangesien die breebandkonnektiwiteit gratis hoespoed internetkonnektiwiteit en verbeterde toegang tot sentrale administrasiestelsels soos SOBIS moontlik maak, sal die WKOD se subsidies stelselmatig ontrek word nadat skole na die nuwe rekenaarnetwerke migreer het.

Indien beheerliggame dit sou verkies, kan hulle steeds voortgaan om ISPs vir internet- en eposdienste uit hul eie fondse te betaal, bo en behalwe die internet- en e-posdienste wat deur die WKR verskaf word.

Die WKR sal die nuwe e-posdiens op 1 April 2016 bekendstel. Die voordele sal die volgende insluit:

• 'n Webgebaseerde diens, wat gebruikers in staat sal stel om op enige plek en te enige tyd toegang tot hul e-pos te verkry.
• Die diens sal wolkgebaseer wees, wat dit makliker maak om die dienste na alle skole te ontplooi.
• Die gebruikerkoppelvlak sal beste praktyk reflekteer, geskik vir alle toestelle, van lessenaarrekenaars tot tablette en slimfone.
• Die stelsel sal veilig en betroubaar wees, danksy die Enterprise-graadspesifikasies.
• Die stelsel sal die teiken, naspoor en bestuur van e-poskommunikasie deur alle rolspelers vergemaklik.

Die WKR sal drie e-posrekeninge vir elke skool voorsien, wat die volgende behels:

• 'n E-posrekening vir die prinsipaal.
• 'n E-posrekening vir die skooladministrateur.
• 'n Generiese e-posrekening vir die skool.

Die prinsipaal en administrateur sal toegangsregte tot die generiese rekening he. Hul rekeninge sal aan die name van die betrokke mense gekoppel word.

Die domeinnaam van die diens sal wees: (naam van skool-/rekeninghouer)@wcgschools.gov.za.

Die diens sal posbusse met 'n houvermoe van 20 GB vir elke rekening verskaf. Gebruikers sal groepe vir grootmaat-e-posverspreidingsdoeleindes kan skep.

Die Sentrum vir e-Innovasie (SEI) sal tegniese ondersteuning en orientering verskaf. Orienteringsessies sal in Februarie en Maart 2016 plaasvind.

Die sessies sal advies insluit oor hoe om toegang tot die diens te verkry, hoe om dit te gebruik en hoe om u posbusse op te stel. Ons sal u binnekort van die datums en tye van hierdie sessies in kennis stel.

SEI sal ook gebruikersgidse en antwoorde op vrae wat dikwels gevra word, verskaf.

Ons sien daarna uit om saam met u te werk om die sukses van hierdie opwindende projek te verseker.