1. URhulumente weNtshona Koloni (WCG) neSebe leMfundo leNtshona Koloni (WCED) bakhethe i-eLearning njengesinye isicwangciso sobuchule se-"Game Changers" ezenzelwe ukuvula iingcango zamathuba amahle kulutsha ngokutshintsha ngamandla ukufunda nokufundisa kusetyenziswa izibonelelo zethekhnoloji kwizikolo zephondo ngokubanzi ngokuthi lufikelele kumaqonga olwazi lwethekhnoloji (digital knowledge platform).

2. Sinovuyo ngokukwazisa ukuba iSebe iWCED belisikhethe isikolo sakho ekuqaleni njengesikolo esiyi-Enhanced School njengenxalenye yeprogram i-eLearning Game Changer programme.

3. Izikolo ii-Enhanced schools, zomgangatho wethekhnoloji ophezulu ngokweli phulo, ziya kubanako ukufikelela kwethekhnoloji zokufundisa (teaching technology) ukuqalisa nokwakha iikhonsepthi ii-eLearning concepts nokwandisa ukufikelela kwabafundi kwi-eLearning.

4. URhulumente weNtshona Koloni neSebe iWCED baya kuqala ngokubonelela ezi zinto zilandelayo kwithuba leminyaka emithathu ezayo:

  • Ukufakwa kwe-Wide Area Network (WAN)
  • Ukufakwa kwe-Local Area Network (LAN) ekhonektha igumbi ngalinye lokufundisela kwi-WAN
  • Ukufikelela kootitshala kwii-wireless points
  • Ukufikelela kootitshala kwiiklasi ezenziwe zazii-technology enabled classrooms
  • Ukufikelela kwabafundi kwizixhobo ngokwamabakala abakuwo kwizixhobo zokufunda ekwabelwana ngazo okanye ezabo izixhobo zokufunda ii-Bring Your Own (BYO) learning devices.
  • Ukuhlaziya (okuyimfuneko) iilebhu ezingasetyenziswayo (defunct computer labs) ngephulo elibizwa i-SLIMLAB initiative
  • Uqeqesho olugxininisa kwizakhono ezithile (skills-specific training) nophuhliso lwabo bonke ootitshala nabaphathi bezikolo
  • Izibonelelo zethekhnoloji (digital resources) zokufundisa nokufunda
  • Umcebisi we-eLearning onika inkxaso ukuhlanganiswa kwezibonelelo zethekhnoloji (integration of digital resources) ekufundiseni ezikolweni
  • I-Integrated Quality Management System
  • Inkxaso ngezethekhnoloji enikwa yi-Centre for eInnovation (CeI) Service Desk
5. Ukuba uyavuma ukuthatha inxaxheba njengesikolo esiyi-enhanced school, sicela ukuba:

  • useke ikomiti eyi-eLearning team;
  • wenze isicwangciso sombono (vision) nokuphunyezwa kwe-eLearning;
  • wenze umgaqo-nkqubo we-eLearning obandakanya ukusetyenziswa kweselula ii-smart phones; yaye
  • unike igama neenkcukacha zoqhagamshelwano zegosa eliphambili le-eLearning (eLearning lead) kwakunye namanye amabini aya kunika inkxaso kwi-eLearning (eLearning advocates) esikolweni sakho.
6. Ukubonisa ukuba uzimisele yaye uyakuxhasa ukuphunyezwa kwe-eLearning uyacelwa uzalise le fom iqhotyoshelweyo uze uyibuyisele apha warda.conrad@westerncape.gov.za ungadlulanga owe-14 Oktobha 2016.

7. Njengoko ithuba lokumiselwa kweli phulo liyiminyaka emithathu, uya kuzichazelwa iinkcukacha ezingaphezulu ezicacileyo xa usondele umhla wokuqaliswa kweli phulo.

8. Ukufumana ingcaciso engaphezulu, uyacelwa uqhamshelane no-Clinton Walker ngefoni apha 021 467 2351 okanye nge-imeyili apha clinton.walker@westerncape.gov.za

9. Iyathakazelelwa yaye ixatyisiwe intsebenziswano yenu ngokumalunga noku.


ISAYINWE: NGU-BK SCHREUDER
INTLOKO EBAMBELEYO: YESEBE LEMFUNDO
UMHLA: 2016:09:28

ILETA YOKUZIBOPHELELA  (ubukhulu: 57 KB)