1. I-Cape Town Science Centre isingatha oomasifundisane be-Africa Code Week "Train the Trainer" abaxhaswa ngemali yinkampani ye-software yamazwe ngamazwe eye yaqalisa ukusetyenziswa yi-Simplon and Galway Education Centre.

2. I-Africa Code Week liphulo elisalingwayo lelizwekazi iAfrika ngokubanzi lokukhuthaza inkqubo yokufaka iikhowudi (coding) ekhompyutheni (iprogram yekhompyutha) kulutsha kusetyenziswa i-software efumaneka simahla.

3. Oomasifundisane be-Africa Code Week boku-"Qeqesha uMqeqeshi" benziwa simahla kusenzelwa ngokukodwa ootitshala baseNtshona Koloni.
3.1 Oomasifundisane abasimahla boku-"Qeqesha uMqeqeshi" bootitshala baya kusingatha le miba ilandelayo:

  • Kutheni kusetyenziswa inkqubo yokufaka iikhowudi ekhompyutheni/yokuprograma ikhompyutha?
  • Indlela yeprogram yokufaka iikhowudi ekhompyutheni/iprogram yokufaka iikhowudi ekhompyutheni kusetyenziswa i-SCRATCH (i-software yasimahla).
  • Indlela yokuququzelela umasifundisane weprogram yokufaka iikhowudi ekhompyutheni/iprogram yokufaka iikhowudi ekhompyutheni yabafundi abaneminyaka eyi-8 ukuya ku-16.
  • Indlela yokuququzelela oomasifundisane babafundi ngethuba le-Africa Code Week ukususela nge-15 ukuya kwi-23 Oktobha 2016.
3.2 Aba masifundisane baxhobisa ootitshala bafundise abafundi izakhono zokufaka lula iikhowudi ekhompyutheni. Ukufaka ikhowudi ekhompyutheni/iprogram yokufaka iikhowudi ekhompyutheni kwanokubethelela umdla kwizakhono zokufunda zenkulungwane ye-21 ngaphandle kwaseklasini, bekhuthaza:

  • ulwazi lokufunda nokubhala;
  • iMathematika;
  • izakhono zokusombulula iingxaki;
  • ulwazi lwesiseko lwekhompyutha (computer literacy skills); kunye
  • nolwazi lwendlela yokusebenza kwekhompyutha (procedural literacy), o.k.t. ukucinga ngeenkqubo ezikhoyo kwihlabathi liphela.
4. I-Africa Code Week liphulo ngoku elikunyaka wesi-2 yaye nabaqalisi balo bakhuthaza ootitshala baseNtshona Koloni babe ngabokuqala ukuzibandakanya kweli nyathelo liyimbali lelizwekazi ngokubanzi leAfrika ngokubhalisela ukuthatha inxaxheba koomasifundisane basimahla boku-"Qeqesha uMqeqeshi". Ootitshala abathatha inxaxheba baya kunikwa izixhobo zasimahla, iziphungo neSatifikethi sokuHamba ooMasifundisane (Certificate of Attendance).

5. ISebe leMfundo leNtshona Koloni (WCED) likhuthaza izikolo ukuba zibhalise kwaye zithathe inxaxheba koomasifundisane i-Africa Code Week "Train the Trainer" ngo-2016.

6. IWCED icela izikolo ziqwalasele le mihla ichaphazelekayo yesi siganeko sange-22 ne-23 Julayi 2016 (Emva kwemini ngoLwesihlanu nangoMgqibelo). Ootitshala banokuza kwiseshoni yakusasa okanye yasemva kwemini engadlulanga kwimizuzu eyi-90 nokuba loluphi kolunye lwezi ntsuku.

7. Makuthunyelwe lonke unxibelelwano nge-imeyili, nge-SMS kunye/okanye ngefoni e-Cape Town Science Centre. Ootitshala mababhale phantsi indlela abakhetha ukuba kuqhagamshelwane ngayo nabo xa kubhaliswa.

8. Malunga nemibuzo engaphezulu okanye ubhaliso kucelwa uqhagamshelane ne-Cape Town Science Centre ngefoni, ifeksi okanye ungene kwiziko lewebhu:

Ifoni 021 300 3200 (Gabi okanye iNgcaciso); 083 276 9501 (Julie)
Ifeksi 086 519 7227
I-imeyili nomfundo@ctsc.org.za okanye julie@ctsc.org.za
Iziko lewebhu http://ctsc.org.za

9. Kucelwa iinqununu zazise okukule ngcaciso imfutshane bonke ootitshala bamaBakala 3 ukuya kwele-10 ukuze bakuthathele ingqalelo.


ISAYINWE: NGU-PAD BEETS
USEKELA MLAWULI-JIKELELE OBAMBELEYO WOLAWULO LWEKHARITYHULAM NOVAVANYO
UMHLA: 2016:07:14