| 1. |
ISebe leMfundo esiSiseko (iSebe i-DBE) lithathe inyathelo lokuqinisekisa ukuba i-physical education yenza inxenye ebaluleke gqitha yamava okufunda ewonke. NgeNkcazo yoMgaqo-nkqubo weKharityhulam noVavanyo, abafundi bafumana i-physical education njengenxenye yeKharityhulam yeSifundo soLwazi ngezoBomi. Oku kunegalelo kwi-Integrated School Sport Programme, eyintsika nesiseko esiluqilima semidlalo kweli lizwe. |
| 2. |
INyanga ye-Physical Education iphawulwe njengethuba leprogram yenkxaso engamandla, yentsebenziswano nokuthatha inxaxheba koninzi ngokumalunga nokuphunyezwa kweprogram yenyanga ye-physical education eqhutywa ukususela nge-06 Apreli ukuya kwi-10 Meyi 2016. Injongo yale program kukubonelela iqonga lokuphucula inqanaba le-physical education eMzantsi Afrika. Ukuthathela ingqalelo nokubhiyozela iNyanga yePhysical Education, ziya kukhuthazwa zonke izikolo ze-Further Education and Training Band, ukuba zithathe inxaxheba kwimisebenzi ye-physical education egxininisa kwikharityhulam neya kufikelela kuvuthondaba ngoSuku lwe-Physical Education nge-10 Meyi 2016. |
| 3. |
Ngowe-10 Meyi 2016, ukuqala ngo-08:00, ukubhiyozela uSuku lwe-Physical Education, iSebe i-DBE lisebenzisana ne-Physical Education Institute of South Africa namaqela achaphazelekayo, limema izikolo zithathe inxaxheba kumsebenzi wokuxhuma-xhuma uvule izandla nemilenze wemizuzu emibini. Eli lilinge lokumisela irekhodi elitsha lehlabathi (new world record) "labona bantu baninzi baxhuma-xhuma bevule izandla nemilenze ngaxeshanye kwiindawo ezininzi kangangemizuzu emibini elandelelanayo". |
| 4. |
Ziya kucelwa izikolo zilidibanise ixesha lazo ukwenzela ukuba ziwufezekise lo mngeni, yaye zizirekhode zona ngokwazo ngokufanelekileyo. |
| 5. |
Ukurekhodwa nokujongisiswa kwerekhodi lehlabathi kuya kwenziwa ngabasebenzi berekhodi lehlabathi (world record personnel). |
| 6. |
Izikolo ezithatha inxaxheba ziya kubekwa esweni ngabacebisi bezifundo besithili beSebe leMfundo leNtshona Koloni. |
| 7. |
Ziyacelwa iinqununu ukuba zazise okuqulethwe kule ngcaciso imfutshane ootitshala beSifundo soLwazi ngezoBomi ukuze bakuthathele ingqalelo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2016:04:18
|
 |