| 1. |
ISebe leMfundo leNtshona Koloni (iWCED) lacelwa liSebe leMfundo esiSiseko likazwelonke ukuba lazise zonke izikolo ezifundisa izifundo zobugcisa kwiPhondo leNtshona Koloni malunga nokuqaliswa kwezifundo zobungcali bezobugcisa (technical specialisation subjects) kuqukwa i-Technical Mathematics kunye ne-Technical Sciences zezikolo zobugcisa. |
| 2. |
Zonke izikolo zazisiwe ngokusebenzisa iNgcaciso eMfutshane yeCandelo loPhuhliso lweKharityhulam yeFET i-DCF 0005/2015 malunga nomhla wokuqalisa kwenkqubo leyo. |
| 3. |
Impumelelo yokuqaliswa kwezifundo zobugcisa ezitsha, kuqukwa i-Technical Mathematics kunye ne-Technical Sciences, kuxhomekeke ekuqeshweni kwabasebenzi abanezakhono ezifunekayo kunye nolwazi lwekhontenti. |
| 4. |
Ngoko ke kukho imfuneko yokuba kuqeqeshwe ootitshala abaya kufundisa izifundo zobugcisa ezitsha. IWCED ityumbe amaziko axhotyiswe ngokukuko akufaneleyo ukuqhuba uqeqesho lwaba titshala. |
| 5. |
Kubalulekile ngoko ke ukuba bonke ootitshala abasuka kwizikolo zobugcisa basebenzisane ukuqinisekisa ukuba ootitshala abafundisa i-Civil, Electrical ne-Mechanical Technology, kwanabo titshala batyunjelwe ukufundisa i-Technical Mathematics kunye ne-Technical Sciences, baya kwiiseshoni zoqeqesho ezintlantlu mbini zeentsuku ezintlanu ukususela ngoMvulo ukuya ngoLwesihlanu ngethuba leeholide zesikolo zikaJuni noSeptemba ka-2016. Imihla ngqo neendawo ekuya kubanjelwa kuzo uqeqesho ziya kwaziswa kungekudala.
|
| 6. |
Izifundo zobungcali zobugcisa ze-CAPS (CAPS technical specialisation) sele ziqalisiwe kwiBakala 10 ngo-2016 yaye ziya kuqaliswa kwiBakala 11 ngo-2017. Ngoko ke, uqeqesho nokwazisa ngezakhono kootitshala beBakala 11 makuqhubeke ngo-2016. |
| 7. |
Kucelwa wazise okukule ngcaciso imfutshane bonke ootitshala esikolweni sakho ukuze bakuthathele ingqalelo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2016:03:09
|
 |