| 1. |
I-Letterkundeondersteuningkomitee (LOK) imema bonke ootitshala besi-Afrikansi bamaBakala 10 no-12 ukuba beze kwiSimpoziyam ka-2016 eya kuba ngoMgqibelo we-20 Februwari 2016 ukuqala ngo-8:00 - 14:30 eDurbanville High School eDurbanville.
|
| 2. |
Eyona njongo iphambili yale simpoziyam kukunika inkxaso ukufundiswa koncwadi kodwa kuya kugxininiswa ngamandla kwezinye iinkalo zezifundo ezifana nokubhala negrama. |
| 3. |
Iprogram yesimpoziyam iya kufumaneka kwiziko lewebhu leSebe leMfundo leNtshona Koloni (WCED) phantsi ko-:Curriculum Development, http://www.wcedcurriculum.westerncape.gov.za we-22 Januwari 2016. Klikha ku-"FET: Further Education and Training"; khetha u-"Languages" kwi-drop-down menu; emva koko ukhethe u-"Afrikaans"; uze uklikhe ku-"Downloads"; ukhethe u- "Onderwysbronne". |
| 4. |
Intlawulo yokubhalisela iSimpoziyam ka-2016 yi-R100 kootitshala ukuze ibe yi-R75 kubafundi abasisigxina. Abantu abanomdla bangayidipozitha le mali kwi-akhawunti yetshekhi ye-LOK eNedbank, kule nombolo ye-akhawunti: 1089131240. Iitshekhi mazenziwe zibe zezihlawulwa kwi-LOK. Kucelwa usebenzise esi shunqulelo "LOK" negama lesikolo esichaphazelekayo njengesalathiso (reference) xa ufaka idipozithi yakho. Abacebisi bezifundo zesi-Afrikansi ne-Department of Afrikaans and Nederlands kwiYunivesithi yaseWestern Cape, baya kuthwala uxanduva lwamalungiselelo olawulo nokuqhubeka kweSimpoziyam ye-LOK.
|
| 5. |
Abalindeleke ukuba bathathe inxaxheba mabazalise le fom yokubhalisa iqhotyoshelweyo (isiHlomelo A), baze bayithumele ngefeksi kunye nobungqina bentlawulo ku-Nks Janine Pekeur weYunivesithi yaseWestern Cape kule nombolo yefeksi 021 959 1249 ungadlulanga owe-5 Februwari 2016. Xa ufuna ukunxibelelana noNks Pekeur, sebenzisa le nombolo yakhe yomnxeba : 021 959 2112 okanye usebenzile idilesi yakhe ye-imeyile: lokfeb@2015@gmail.com. Niyakhunjuzwa kwakhona ukuba nisebenzise esi shunqulelo "LOK" negama lesikolo esichaphazelekayo njengesalathiso. |
| 6. |
Ootitshala abahamba umgama we-250 km okanye ngaphezulu (uhambo lokuya okanye olokubuya kuphela) kwisimpoziyam baya kubuyiselwa ngeehambo zabo ngokweentlawulo neenkqubo zeSebe iWCED. (Makufundwe iziHlomelo B - D malunga neefom zokugunyazisa uhambo (trip authority forms)). Bonke ootitshala abafaka amabango eendleko zohambo bayacelwa ukuba bazalise ifom yeBAS (isiHlomelo D) kwibhanki echaphazelekayo. Banokwenza ibango lesithuthi esinye ngesikolo ngasinye kuphela ngohambo. |
| 7. |
Ukunceda abaququzeleli beSimpoziyam ye-LOK, bayacelwa ootitshala ukuba babambelele kule mihla ibekiweyo yobhaliso. Akuyi kwamkelwa zicelo zifike emva kwexesha. |
| 8. |
Kucelwa wazise ngokuqulethwe kule ngcaciso imfutshane bonke abachaphazelekayo ukuze bakuthathele ingqalelo. |
ISAYINWE: NGU-PAD BEETS
USEKELA MLAWULI-JIKELELE OBAMBELEYO WOLAWULO LWEKHARITYHULAM NOVAVANYO
UMHLA: 2016:01:26
|
 |