| 1. |
ISebe leMfundo leNtshona Koloni (iWCED) liza kufundisa izifundo eziza kusasazwa ngqo, kusetyenziswa i-interactive Telematic platform (izifundo ezisasazwa ngethekhinoloji yesathalayithi) ukuqala ngoFebruwari - Novemba 2016. |
| 2. |
Ezi zifundo ngoFebruwari noMatshi ziya kwenzelwa abafundi abakwiBakala 12 njengangoku kunye nabo abaza kubhala iimviwo zokuxabangela zeSatifikethi seMatriki sikaZwelonke (NSC). |
| 3. |
Abaviwa abaza kubhala iimviwo zokuxabangela bangaya kwizikolo ezine-Telematic ezikufuphi neendawo abahlala kuzo (jonga isiHlomelo B ukukhangela ezi zikolo). Kufuneka aba baviwa beze kwezi zifundo nezinto zabo zokubhala. Abaviwa abangakwazi ukufikelela kuso nasiphi na isikolo esifakwe kuluhlu olukwisiHlomelo B bangathenga izifundo zokubanika inkxaso ezikwii-DVD ngexabiso elifikelelekayo kwiSebe iWCED ngokuthi bafonele u-EDUMEDIA apha 021 689 9536. Jonga Kwicatalogue eqhotyoshelweyo. |
| 4. |
Ezi zifundo ziya kwenzelwa la mabakala ahlukeneyo ngolu hlobo lulandelayo:
| NgoFebruwari ukuya kuMatshi |
Abafundi beBakala 12 njengangoku kunye nabo babhala iimviwo zokuxabangela |
| Ngo-Apreli ukuya ku-Septemba |
AbeBakala 12 |
| Ngo-Oktobha ukuya Novemba |
AbeBakala 11 |
|
| 5. |
Izifundo eziya kufundiswa zezi zilandelayo kumaBakala 11 no-12:
- i-Mathematics
- i-Physical Sciences
- i-Accounting
- i-Geography
|
- i-Life Sciences
- i-Business Studies
- i-History
|
|
| 6. |
IsiHlomelo A esiqhotyoshelwe apha sinika uluhlu lwamaxesha-ezifundo. |
| 7. |
Izihloko zezifundo zizakubhalwa kwiincwadana zabafundi abayakuzi – fumana kwisifundo ngasinye kwezi zisixhenxe. Inqununu mazibuze ku-Co-ordinator we-FET kwizithili zazo ukuba ezincwadana azifikanga ezikolweni zazo kwada kwangumhla we-22 Januwari 2016. |
| 8. |
Abasasazi (presenters) ziincutshe zootitshala abakhethwe ngenxa yobungcali babo kwizifundo zabo. |
| 9. |
Njengoko izifundo ziqhutywa emva kweeyure zesikolo apha evekini, kubaluleke gqitha ukuba iinqununu zixoxe ngamalungiselelo nabazali babafundi bamaBakala 11 no-12, kwakunye namabhunga olawulo azo. |
| 10. |
Ukuya kwezi zifundo kwabafundi kuya kubekwa esweni rhoqo nguNdlunkulu nangamagosa ezithili zemfundo. |
| 11. |
Kuya kulindeleka ukuba iinqununu zinike ingxelo ye-kota malunga nokubakho kwabafundi kwezi zifundo kwakunye nempumelelo okanye ubunzima ezibufumanayo malunga nale nkqubo. |
| 12. |
Ukuba ninayo nayiphi na imibuzo ngale nkqubo, kucelwa ningalibazisi niqhagamshelane noDr G Schreuder, kule nombolo yefoni 021 467 2576 okanye ngale dilesi ye-imeyili Glynis.Schreuder@westerncape.gov.za
|
| 13. |
Kucelwa iinqununu zezikolo ezingena-Telematics zikhuthaze kwaye zincedise abaviwa abaza kubhala iimviwo zokuxabangela ukuba basebenzise eli thuba lihle kangaka balinikwayo. |
| 14. |
Kucelwa iinqununu zazise okukule ngcaciso imfutshane ootitshala abachaphazelekayo; abafundi bamaBakala 11 no-12 kunye nabazali babo okanye abagcini (guardians) babo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2016:01:13
|
 |