| 1. |
Kucelwe iSebe leMfundo leNtshona Koloni (WCED) liSebe leMfundo esiSiseko (iSebe iDBE) ukuba lazise zonke izikolo ezifundisa izifundo zobugcisa ngesikhokelo sethutyana sokuqaliswa kwezifundo ezikhethekileyo ezigxila kubugcisa (technical specialisation subjects), kubandakanywa ii-Technical Mathematics ne-Technical Sciences. |
| 2. |
NgoMatshi 2016, kwapapashwa iSetyhula S1 ka-2016 liSebe iDBE ukunika ingcaciso ngemihla yokuqaliswa kokubhengezwe kwiGazethi kaRhulumente 39435 ye-20 Novemba 2015 nakwiSetyhula S15 ka-2015 yeSebe iDBE ngokunjalo. |
| 3. |
ISetyhula S1 ka-2016 inika ingcaciso ngezilungiso ezidweliswe kwiSetyhula S15 ka-2015 nemihla yokuqaliswa koku ebhengezwe kwiGazethi kaRhulumente 39435. |
| 5. |
Injongo yolu xwebhu lusisikhokelo sethutyana yayikukunika ingcaciso kwizithili nasezikolweni ngokuqaliswa kwezifundo ezikhethekileyo zobugcisa (technical specialisation subjects), kuqukwa i-Technical Mathematics ne-Technical Sciences. |
| 6. |
Nakuba kunjalo, bekukho izimvo ezahlukeneyo malunga nokucaciswa kwemigqaliselo yomgaqo-nkqubo nemimiselo kwiGazethi kaRhulumente noxwebhu olusisikhokelo ngenxa yeemeko ezifundiswa phantsi kwazo ezi zifundo zobugcisa zichaphazelekayo. |
| 7. |
Kwadraftwa uxwebhu olusisikhokelo sokuqaliswa kwezi zifundo oluhlaziyiweyo. Olu xwebhu lwapapashwa ngowe-21 Julayi 2016 yaye lumele ukufundwa nala maxwebhu omgaqo-nkqubo alandelayo:
- I-National Policy Pertaining to the Programme and Promotion requirements of the National Curriculum Statement Grades R to 12;
- I-Regulations Pertaining to the National Curriculum Statement for Grades R to 12;
- I-National Policy Pertaining to the Conduct, Administration and Management of the National Senior Certificate examinations;
- I-Regulations Pertaining to the Conduct, Administration and Management of the National Senior Certificate examinations;
- I-National Curriculum and Assessment Policy Statements (CAPS; kunye
- neSetyhula S15 ka-2015
Ayafumaneka la maxwebhu omgaqo-nkqubo kazwelonke angentla nemimiselo kwiziko lewebhu leSebe i-DBE apha www.education.gov.za phantsi ko-Resources- Policies.
|
| 8. |
Iinqununu maziqinisekise ukuba ukudityaniswa kwezifundo kwizikolo ezigxila kwizifundo zobugcisa (technical-focus schools) ziyazithobela i-National Policy Pertaining to the Programme and Promotion Requirements of the National Curriculum Statement for Grades R to 12, njengoko ifakelwe izilungiso. Kule mimiselo kukho nomqathango wokuba isikolo esigxininisa kwizifundo zekhondo lobugcisa (technical pathway) simele ukufundisa ezi zifundo zidityaniswe ngolu hlobo lulandelayo:
- I-Mathematics ne-Physical Sciences;
- I-Technical Mathematics ne-Technical Sciences; okanye
- I-Mathematics ne-Technical Sciences.
Makuqatshelwe:
- Umfundi akanakwenza i-Technical Mathematics ne-Physical Sciences.
- I-Mathematical Literacy ayisayi kufundiswa njengenxalenye yepakheji yezikolo ezigxila kwizifundo zekhondo lobugcisa.
- Abafundi abalandela eli khondo lobugcisa mabenze i-Engineering Graphics and Design njengesifundo esinyanzelekileyo.
|
| 9. |
Kucelwa wazise okuqulethwe yile ngcaciso imfutshane bonke ootitshala abasesikolweni sakho ukuze bakuthathele ingqalelo. |
ISAYINWE: NGU-BK SCHREUDER
INTLOKO EBAMBELEYO: YESEBE LEMFUNDO
UMHLA: 2016:10:22
|
 |