| 1. |
IMimiselo i-Regulations Pertaining to the Conduct, Administration and Management of Assessment for the National Senior Certificate yangoMeyi 2014, icacisa imigaqo yomsebenzi wovavanyo okumgangatho ofanayo (CAT) weSifundo seLO osetwa yaye umodareyithwe ngaphandle. |
| 2. |
Injongo yale ngcaciso imfutshane kukwazisa izikolo ngenkqubo emayilandelwe kulawulo lwe-CAT yeSifundo seLO. |
| 3. |
Ukuprintwa, ukupakishwa nokusiwa kweCAT yeSifundo seLO
ISebe leMfundo leNtshona Koloni (ISebe iWCED) liya kuprinta amaphepha emibuzo eCAT yeSifundo seLO abo bonke abafundi kwiphondo ngokwedatha yobhaliso yokugqibela (final registration data) echazwe kwi-Centralised Education Management Information System (CEMIS) lize liwase kuzo zonke izikolo ezifundisa iSatifikethi seMatriki sikaZwelonke (National Senior Certificate (NSC)). |
| 4. |
Ukubhalwa kwe-CAT yeSifundo seLO |
| 4.1 |
I-CAT yeSifundo seLO yinxalenye yamanqaku okupasa okugqibela kwiBakala 12 yaye ke ngoko zonke izikolo maziyibhale. |
| 4.2 |
Umhla wokubhalwa kweCAT yeSifundo seLO nguLwesihlanu we-02 Septemba 2016, ukususela ngo-09:00 ukuya ku-11:00. Nakuphi na ukushenxa kulo mhla neli xesha, kuya kuthathwa njengesitenxo esixhomisa amehlo. |
| 4.3 |
I-CAT yeSifundo seLO iya kuba nephepha eliziiyure ezimbini (2) elinamanqaku ayi-80. Iya kuthatha indawo yoMsebenzi 4 kwiKota 3 yaye iya kwenza i-20% yamanqaku okuphela konyaka (final mark) eSifundo seLO. |
| 4.4 |
Zakuyifumana iinqununu imvulophu enamaphepha emibuzo, mazithwale uxanduva ngokupheleleyo njengaBagadi baBaviwa abaziiNtloko ukuqinisekisa ukuba iyathotyelwa yonke imiqathango nemigaqo emalunga neemviwo zeNSC. |
| 4.5 |
Iinqununu maziyivule imvulophu ngomhla woviwo kukho nabafundi zize zikubeke esweni ukuhanjiswa kwamaphepha emibuzo. |
| 4.6 |
Ootitshala abasifundisayo esi sifundo mabangabagadi abaviwa ababhala i-CAT yeSifundo seLO. Iinqununu maziqinisekise ukuba abagadi babaviwa bahlala bebagadile abaviwa ngeliso elibukhali lo gama bebhala i-CAT yeSifundo seLO. |
| 4.7 |
Emva kokubhalwa kweCAT, amaphepha eempendulo makafakwe etywiniwe kwisingxobo (bag) ekubonelelwe ngaso aze agcinwe kwigumbi elinqatyisiweyo lesikolo kude kuqaliswe inkqubo yokumakishwa kwawo. |
| 4.8 |
Amagama abafundi abanezizathu ezivokothekileyo nezamkalekileyo zokungabikho makabhalwe kwisiHlomelo A, esiqhotyoshelwe kule Ngcaciso iMfutshane yeCandelo loVavanyo, size sithunyelwe nge-imeyili apha: Ragiema.Geldenhuys@westerncape.gov.za phambi kowe-05 Septemba 2016. |
| 4.9 |
Iimviwo zokuxabangela ze-CAT yeSifundo seLO ziya kubhalwa ngoLwesibini, we-11 Oktobha 2016, ukususela ngo-09:00 ukuya ku-11:00. Iinqununu maziqinisekise ukuba iyathotyelwa yonke imiqathango nemigaqo emalunga neemviwo zeNSC. |
| 5. |
Iingxoxo ngesikhokelo sokumakisha |
| 5.1 |
Iintlanganiso zeengxoxo ngesikhokelo sokumakisha ziya kuqhubeka ukususela kwi-14 ukuya kwi-15 Septemba 2016. |
| 5.2 |
Isikhokelo sokumakisha sokugqibela (final marking guideline) siya kunikwa ootitshala ungadlulanga owe-16 Septemba 2016, neencwadi zeempendulo zinokukhutshwa kuphela kwigumbi elinqatyisiweyo ngosuku ekuqala ngalo ukumakishwa kwazo. |
| 6. |
Ukumakishwa kwe-CAT yeSifundo seLO |
| 6.1 |
Ukumakishwa kwe-CAT kumele ukuqhutyelwa esikolweni phantsi kweliso lenqununu notitshala oneqhuzu okanye neNtloko yeSifundo ebambeleyo njengemodareyitha yangaphakathi. |
| 6.2 |
Inkqubo yokumakisha imele ukuqala nge-16 Septemba 2016 yaye mayigqitywe ungadlulanga owe-30 Septemba 2016. |
| 7. |
Ukumodareyithwa kobungqina babafundi |
| 7.1 |
Ubuncinane yi-10% yeencwadi zeempendulo ezimakishiweyo esikolweni ezimele ukumodareyithwa ngutitshala oneqhuzu okanye yiNtloko yeSifundo. |
| 7.2 |
Umcebisi wesifundo se-LO makamodareyithe isampula yeencwadi zeempendulo zezikolo ezikhethiweyo. Umcwangcisi wekharityhulam omkhulu weSifundo se-LO makangenise ingxelo kwiCandelo loLawulo loVavanyo engokumodareyithwa okwenziwe ngabacebisi bezifundo. Le ngxelo inokungeniswa kwiseshoni yokumodareyithwa kweCAT yeSifundo seLO. |
| 7.3 |
Ukumodareyithwa kwe-CAT yeSifundo seLO kwiphondo kuya kuqhubeka ukususela ngowe-04 ukuya kowe-05 Oktobha 2016 kwi-Ofisi yeSithili i-Metro North Education District Office. |
| 8. |
Ukufakwa kwamanqaku eCAT yeSifundo se-LO |
| 8.1 |
Imakhishithi ekhethekileyo (special mark sheet) iya kunikwa izikolo ukwenzela ukufakwa kwamanqaku (recording of marks). Le makhishithi iya kuba yeyongezelelweyo (additional) kwimakhishithi eqhelekileyo ekhutshelwa iSifundo se-LO. |
| 8.2 |
Imakhishithi ye-CAT (CAT mark sheet) mayithunyelwe kwiSebe i-WCED kunye nezinye iimakhishithi zovavanyo oluqhubekela esikolweni (school based assessment mark sheets). |
| 9. |
Ziyacelwa iinqununu zenze amalungiselelo ayimfuneko okubhalwa kolu vavanyo. |
| 10. |
Kucelwa wazise ngale ngcaciso kubo bonke ootitshala nabafundi beSifundo seLO ukuze bayithathele ingqalelo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2016:07:19
|
 |