| 1. |
ISebe leMfundo esiSiseko (ISebe iDBE) likhuphe nge-02 Disemba 2016 i-National Assessment Circular 3 ka-2016, echaza ukuba kuvunyiwe ukunyuselwa kwabafundi kwiimeko ezizodwa ukulungiselela abafundi abanokuchatshazelwa ngokungalunganga ziimfuno ezimiselweyo ezinyanzelekileyo zokufumana inqanaba 3 (40%) kwiMathematika ukupasa badlulele kwibakala elilandelayo. |
| 2. |
Kwimeko yaxa umfundi ezifezekisile zonke iimfuno ezimiselweyo zokupasa adlulele kwelinye ibakala (o.k.t. iBakala 7, 8 no-9), ngaphandle kokuba akaphumelelanga ngenqanaba 3 (40%) kwiMathematika yaye ke ngoko kufuneke ukuba agcinwe kwelo bakala, abafundi abalolu hlobo mabanyuselwe kwiMathematika ngokuxhomekeke ekubeni bafumana ipesenti engu-20% kwiMathematika neyona isezantsi. |
| 3. |
Ihlala isebenza inkqubo yokutshintshwa kwamanqaku apha naphaya njengoko kumiselwe kwiNgcaciso eMfutshane yoLawulo loVavanyo 0020/2015. Oku kuthetha ukuba makwenziwe kuqala ukutshintshwa kwamanqaku apha naphaya njengoko kuchaziwe kwiNgcaciso eMfutshane yeCandelo loVavanyo 0020/2015 yaye kuya kuba semva koku kuphela ukuze kuqaliswe ukusetyenziswa le nkqubo yokunyuselwa komfundi kwiimeko ezizodwa. |
| 4. |
Kucetyiswa ukuba izikolo ezisebenzisa iiprogram zeSebe iWCED zokurekhoda nokwenza iiripoti (WCED recording and reporting programmes) kumaBakala 7, 8 no-9, mazilandele le nkqubo ichazwe apha ngezantsi: |
| 4.1 |
Ziyacelwa izikolo zikhuphele (download) iiprogram ezintsha zamaBakala 7, 8, no-9 kwiCEMIS zize zithathe (import) iifayili zazo ezikhoyo zizenze iinguqulelo (versions) ezintsha. |
| 4.2 |
Maliklikhwe kanye kuphela iqhosha kwi-Schedule sheet yeprogram ukuzalisa zombini ezi nkqubo: eyokutshintsha amanqaku apha naphaya neyokunyusela umfundi. |
| 4.3 |
Ikhasi lokungqinisisa ishedyuli (schedule verification page) nekhadi i-report card ziya kuzibonisa ngokuzenzekelayo ezi nguqu. |
| 4.4 |
Kuya kuba yimfuneko ukuba kuprintwe kwakhona i-schedule verification sheet ne-report cards kuphela zabo bafundi bachaphazelekayo yile nkqubo yokunyuselwa kwabafundi kwiimeko ezizodwa. |
| 5. |
Izikolo ezisebenzisa iiprogram zazo nezinabafundi abachaphazelekayo yile nkqubo yonyuselo intsha yeemeko ezizodwa maziyenze le nkqubo njengoko ichaziwe kule Setyhula DBE National Assessment Circular 3 ka-2016 eqhotyoshelweyo (IsiHlomelo A). |
| 6. |
Ishedyuli ehlaziyiweyo, ilisti yabafundi abanamanqaku atshintshwe apha naphaya nekhasi i-verification page maziprintwe zize zingeniswe kuMphathi weSekethe. |
| 7. |
Apho kuyimfuneko, imo yokupasa komfundi ukuya kwelinye ibakala (promotion status of learners) kwiCEMIS mayifakwe ngolu hlobo "Promoted with Mathematics condonation". |
| 8. |
Kucelwa niqaphele ukuba le nkqubo yokunyuselwa isebenza kuphela ngo-2016 kumaBakala 7, 8 no-9. |
| 9. |
Kwimeko yabafundi beBakala, makuqatshelwe ukuba abafundi abafumana amanqaku angu-20% awona asezantsi, abayi kuvunyelwa bayithathe iMathematika kwiBakala 10. ISebe iDBE liyalele ukuba mababhalisele i-Mathematical Literacy kuphela. Kufuneka amanqaku angu-30% angawona asezantsi kumfundi oza kufunda iMathematika kwiBakala 10. Esi sigqibo siya kuyichaphazela ngokucacileyo indibanisela yezi zifundo (i-Physical Sciences ne-Accounting ezifuna i-Mathematika). |
| 10. |
Lixela uxolo iSebe iWCED ngokuthunyelwa emva kwexesha kwesi saziso seSebe iDBE. |
| 11. |
Ziyacelwa iinqununu ukuba zazise okuqulethwe kule ngcaciso imfutshane bonke ootitshala bamaBakala 7, 8 no-9 ukuze bakuthathele ingqalelo.
|
ISAYINWE: NGU-P BEETS
I-DDG EBAMBELEYO: YEKHARITYHULAM NOLAWULO LOVAVANYO
UMHLA: 2016:12:05
|
 |