| 1. |
I-Cape Teaching and Leadership Institute (CTLI) imema ootitshala beeLwimi bamaBakala R – 7 ukuba bathathe inxaxheba kwiNkomfa yeziSombululo zoLwimi nokuba bakwenza oko njengabachazi-ntetho (presenters) okanye abathathinxaxheba. |
| 2. |
Injongo
Injongo yeNkomfa yeziSombululo zoLwimi kukunika imizekelo enokusebenziseka yeendlela ekunokufundiswa ngazo ulwimi ngempumelelo.
|
| 3. |
Umhla, ixesha nendawo eya kuqhubekela kuyo inkomfa
Le nkomfa iya kuqhubeka ngoLwesibini, nge-28 Juni 2016, ukuqala ngo-08:00 – 15:00, ukuze ngoLwesithathu, nge-29 Juni 2016, iqale ngo-08:00 – 14:00, e-Cape Teaching and Leadership Institute, e-New Nooiensfontein Road, e-Kuils River. |
| 4. |
Ingcaciso kwabo baza kwenza inkcazo-ntetho |
| 4.1 |
Ootitshala abanomdla ekwenzeni inkcazo-ntetho kwisifundo solwimi okanye iphepha elimalunga "neyona ndlela ibhetele yokufundisa ulwimi eklasini" ("best classroom practice") kwinkomfa mabakhokelwe koku kulandelayo:
- Isifundo, iphepha okanye umasifundisane omalunga "Nendlela endiyisebenzisayo yokufundisa" masisekelwe kwiiNkcazelo zoMgaqo-nkqubo weKharityhulam noVavanyo kaZwelonke (National Curriculum and Assessment Policy Statements) (CAPS) zamaBakala R - 7.
- Isifundo eso masifundise umba wekharityhulam yolwimi wesigaba esithile.
- Abathathi-nxaxheba kwinkomfa mababandakanyeke kwisifundo okanye kumasifundisane, oko kukuthi, makwenziwe inkcazo-ntetho ngendlela ekhuthaza ubandakanyeko lwabanye.
- Ixesha eliya kuthathwa: yimizuzu eyi-60. Nika imizuzu eyi-5 - 10 yeengxoxo zamaqela okanye yemibuzo.
- Indawo nganye ekuya kuqhutyelwa kuyo iindibano iya kuba nedatha projektha, i-interactive whiteboard, ne-flipchart stand enephepha. Ifanitshala yendawo iya kulungiselelwa ukuququzelela iinkcazo-ntetho zamaqela abathathi-nxaxheba abayi-30 ubuninzi kwindawo nganye.
- Abenzi benkcazo-ntetho mabalungise baze bangenise zonke iiwekhishithi zenkomfa e-CTLI. Zonke iiwekhishithi ziya kuqokelelwa ziprintwe zibe kuhlobo lwencwadi. Oku kuthetha ukuba abenzi benkcazo-ntetho abasayi kufuneka ukuba bazise iikopi ezingaphezulu zezinto zokufunda eziprintiweyo, ngaphandle kokuba abathathi-nxaxheba kuye kwafuneka ukuba basike okanye basonge amaphepha eewekhishithi. Umhla osikelwe ukungeniswa kweewekhishithi kwi-CTLI ziiveki ezisixhenxe phambi kokuba iqale inkomfa, ngowe-06 Meyi 2016.
- Ukuba kunokwenzeka, zonke izinto zokufunda mazitayitshwe zize zithunyelwe nge-imeyili. I-CTLI iya kwenza iikopi zezo zinto zokufunda.
|
| 4.2 |
Le nkomfa kwakhona ikhangela abenzi benkcazo-ntetho abanokwabelana nabathathi-nxaxheba "ngezona ndlela zibhetele zokufundisa" ekusetyenzisweni kwengcaciso nonxibelelwano ngethekhinoloji ekufundeni nasekufundisweni kolwimi eklasini, ngokunjalo nemizekelo enokusebenziseka yeendlela apho ulwimi (IsiAfrikansi, isiNgesi nesiXhosa) zinokusetyenziswa ngempumelelo kwiklasi enabafundi abaneziphiwo ngokwahlukeneyo zokulandela izifundo. |
| 4.3 |
Ukuba unomdla wokwenza inkcazo-ntetho kwinkomfa, kucelwa uzalise isiHlomelo A esiqhotyoshelweyo uze usibuyisele kuNks M Benn kwifeksi 086 614 5151 okanye kule dilesi ye-imeyili Magdelena.Benn@westerncape.gov.za engadlulanga uLwesihlanu, we-06 Meyi 2016. |
| 4.4 |
Iseshoni yengcaciso noqeqesho iya kwenzelwa bonke abenzi benkcazo-ntetho nge-28 Meyi 2016. |
| 5. |
Ingcaciso eyenzelwe abathathi-nxaxheba |
| 5.1 |
Kucelwa ootitshala abanqwenela ukuya kule nkomfa njengabathathi-nxaxheba ukuba bazalise iinkcukacha zabo kwifom yokubhalisa kwisiHlomelo B. |
| 5.2 |
Makubuyiselwe isiHlomelo B esesizalisiwe kule dilesi ye-imeyili kuNks P. Tutani kule dilesi ye-imeyili Phelokazi.Tutani@westerncape.gov.za okanye kule feksi yefeksi 021 900 5013 /5027 / 5162 / 086 614 5581 engadlulanga uLwesihlanu, we-13 Meyi 2016. |
| 5.3 |
Ubhaliso luya kuvala nje ukuba abathathi-nxaxheba abayi-300 bokuqala bebhalisile. |
| 6. |
Amalungiselelo
Abathathi-nxaxheba okanye abenzi benkcazo-ntetho abasuka kwii-ofisi zezithili ezisemaphandleni abahamba ngaphezu kwe-120 km ngohambo ngalunye lokuya nokubuya banokulala kwindawo eyenzelwe oko e-Cape Teaching and Leadership Institute ngobusuku bangoMvulo, we-27 Juni 2016 nangoLwesibini, we-28 Juni 2016. |
| 7. |
I-CTLI iyathemba ukuba le nkomfa iya kuba lulutho kakhulu kubo bonke ootitshala beeLwimi abayayo kuyo. |
ISAYINWE: NGU-BK SCHREUDER
USEKELA MLAWULI-JIKELELE WOLAWULO LWEKHARITYHULAM NOVAVANYO
UMHLA: 2016:04:08
|
 |