1. Die Wes-Kaapse Regering (WKR) en die Wes-Kaap Onderwysdepartement (WKOD) het eLeer as een van die strategiese "Spelwysigers" wat ontwerp is om deure met geleenthede vir jongmense oop te maak deur onderrig en leer te revolusioneer deur die voorsiening van tegnologie aan skole regoor die provinsie te gebruik om toegang tot die digitale kennisplatform te kry.

2. Dit is met genoee dat ons u inlig dat die WKOD u skool as 'n Universele Skool as deel van die eLeerspelwysigerprogram geidentifiseer het.

3. Wat hierdie inisiatief betref, sal universele skole aanvanklik basiese toegang tot onderrigtegnologie he om eLeerkonsepte bekend te stel en te ontwikkel en om toegang tot eLeer vir leerders uit te brei.

4. Die WKR en die WKOD sal in die begin die volgende oor die volgende driejaartydperk voorsien:

  • Die installering van 'n Wye Area Netwerk (WAN)
  • Toegang vir onderwysers tot digitale hulpbronne deur WAN via rekenaarlaboratoriums en gesentraliseerde draadlose toegangspunte
  • Die verbetering van huidige funksionele rekenaarlaboratoriums deur die Slim Lab-projek om toegang tot breeband te verseker.
  • Vaardigheidspesifieke opleiding en -ontwikkeling vir alle onderwysers en skoolbestuurders
  • Digitale hulpbronne vir onderrig en leer
  • eLeeradviseur om die integrasie van eLeer in die onderrigomgewing te ondersteun
  • Standaard tegniese ondersteuning deur die hulpkantoor van die Sentrum vir eInnovasie (CeI)
5. Die Slim Lab-projek, waarvoor u skool vir deelname gekies is, wil 'n magtigende omgewing voorsien waarin groepe leerders en onderwysers toegang tot die breeband kan he en dit tot hul maksimum voordeel kan benut om onderrig en leer te verbeter.

6. Nadere inligting oor die potensiele Slim Lab-oplossing wat die beste vir u skool sal wees, sal in latere kommunikasies oorgedra word.

7. As 'n prinsipaal van 'n universele skool, verlang ons dat u:

  • Volle toegang aan die assessering- en implementeringspanne gee, soos verlang;
  • 'n eLeerspan saamstel;
  • 'n eLeervisie ontwikkel; en
  • die naam en kontakbesonderhede van die eLeerkampioen, asook twee ander wat die eLeervoorvegters by u skool sal wees, verskaf.
8. As 'n aanduiding van u toewyding en ondersteuning van die eLeerbekendstelling, voltooi asseblief die aangehegte vorm en stuur dit teen nie later nie as 27 Januarie 2017 terug na warda.conrad@westerncape.gov.za

9. Aangesien dit 'n driejaar- bekendstellingstydperk het, sal meer spesifieke besonderhede nader aan die begindatum aan u gestuur word.

10. U samewerking in hierdie verband word hoogs op prys gestel.


GETEKEN: BK SCHREUDER
HOOF VAN ONDERWYS
DATUM: 2016:12:07

Erkenningsbrief  (grootte: 111 KB)