1. Hierdie minuut moet saamgelees word met Assesseringsbestuurminuut 0010/2016, gedateer 02 September 2016, wat meer duidelikheid oor die implementering van vordering in grade 10 tot 12 verskaf asook die Meervoudige Eksamengeleentheid (MEG)-opsie met die skryf van die Nasionale Senior Sertifikaat (NSS)-eksamen.

2. Dit beteken dat bevorderde leerders, na die voorlopige voorbereidingseksamen in September en gebaseer op hulle prestasie in die voorlopige eksamen, kan kies om al ses vakke of minder as die sesvakpakket in die November 2016-eksamen en die oorblywende vakke in die Junie 2017-eksamen te skryf.

3. 'n Leerder wat die MEG-opsie kies, moet 'n minimum van vier vakke in sy/haar eerste jaar (insluitende Lewensorientering) skryf en moet teen die tweede jaar, al sewe vakke geskryf het.

4. Ten einde eenvormigheid te verseker met die toepassing van die MEG-opsie, moet 'n leerder wat hierdie opsie kies, aan die volgende kriteria voldoen:

Die leerder -

  1. moet 'n bevorderde leerder wees;
  2. moes al sy/haar skoolgebaseerde assesseringsvereistes (SGA) in al sewe vakke voltooi het;
  3. moes op 'n gereelde basis skool bygewoon het;
  4. moes die voorbereidingseksamen in al die vakke geskryf het; en
  5. moes 'n minimum van drie vakke gedruip het.
5. Prinsipale moet seker maak dat die geaffekteerde leerders en ouers oor die MEG-opsie ingelig word.

6. Sodra bevorderde leerders wat die MEG-opsie kies, deur die skool geidentifiseer is, moet die prinsipaal die volgende stappe op die SOBIS voltooi ten einde leerders te registreer wat die NSS oor meer as een jaar sal skryf:

  1. Teken aan op die SOBIS.
  2. Gaan na die "EXAMS/ASSESSMENTS" - "MEO/Progressed" -kieslysopsie.
  3. Hoe om 'n lys van al u bevorderde leerders te sien: Kies die "progressed learners" -knoppie. Die besonderhede van alle leerders wat vanaf graad 11 tot graad 12 gevorder het, sal vertoon word. Druk die lys en gaan die korrektheid daarvan na.
  4. Indien 'n bevorderde leerder nie op u "progressed learners" se lys verskyn nie, moet die leerder se bevordering/vordering bygewerk word voor u die leerder vir die MEG-opsie kan identifiseer.
  5. Hoe om die leerderstatus by te werk: Kies die "non-progressed learners" -knoppie. 'n Lys van al u graad 12 bevorderde leerders sal dan vertoon word. Maak 'n regmerkie by die leerder wie se status bygewerk moet word en kies die nuwe status [bevorder weens jare in fase] vanaf die lys. Kies die "update" knoppie om u bevorderde leerders se lys te verfris. Ter ondersteuning van hierdie statusbywerking moet alle dokumentere bewys by die distriksdirekteur ingehandig word.
  6. Hoe om bevorderde leerders te registreer wat die MEG-opsie kies: Kies die "MEO candidates" -knoppie. Die besonderhede van alle bevorderde leerders sal vertoon word. Maak 'n regmerkie om die leerder te kies wat die MEG verkies en verander die MEG-opsie na "YES". Kies die "update" knoppie om die verandering wat aangebring is te stoor.
  7. Sodra alle bevorderde MEG-kandidate aangedui en die lys bygewerk is, druk 'n afskrif van die lys vir verifikasie en teken die hardekopie.
7. 'n Afskrif van die getekende MEG-kandidatelys wat vanaf die SOBIS gedruk is, moet teen Vrydag, 14 Oktober 2016 om 15:00 aan die distriksdirekteur gestuur word.

8. Leerders wat nie korrek as MEG aangedui is nie, sal nie 'n geleentheid gegun word om die Junie 2017-eksamen te skryf nie.

9. U word vriendelik versoek om die inhoud van hierdie minuut onder die aandag van alle graad 12-opvoeders en ouers by u skool te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:09:26