1. Soos deur die Departement van Basiese Onderwys (DBO) se instruksie bepaal, moet graad 10- tot 12-leerders se inligting op die Nasionale Eksamenstelsel aangeteken word.

2. Dit beteken dat leerderinligting op die SOBIS onttrek en na die Nasionale Eksamenstelsel vir eksamendoeleindes oorgedra sal word. Alle vraestelle en eksamenverwante dokumentasie sal volgens die SOBIS-data wat deur prinsipale afgeteken is, verpak en na skole versprei word.

3. Skole het die geleentheid om regstellings aan hulle leerders se besonderhede op die SOBIS aan te bring (behalwe vir vakregstellings). Die funksie op die SOBIS is oop vir skole om hierdie regstellings te maak.

4. Dit is die laaste geleentheid vir skole om enige regstellings tot hulle graad 10- tot 12-leerders se besonderhede aan te bring voordat die data na die Nasionale Eksamenstelsel oorgedra word.

5. Prinsipale moet hulle graad 12-leerders se registrasiebesonderhede teen Vrydag, 06 Mei 2016 en graad 10 en 11 teen Vrydag, 03 Junie 2016 verifieer en afteken.

6. Verifikasie van leerderbesonderhede
6.1 Gaan die spelling van die volle name en vanne na. Dit moet dieselfde wees as wat op die leerder se identiteitsdokument verskyn.
6.1.1 Indien kandidate hulle name en vanne in hulle graad 12-jaar verander, moet 'n gewaarmerkte afskrif van hulle identiteitsdokument aan die betrokke amptenaar by Hoofkantoor gestuur word.
6.1.2 Indien kandidate hulle name en vanne na die Graad 12 Nasionale Senior Sertifikaat-eksamen verander, moet die kandidaat 'n gewaarmerkte afskrif van hulle identiteitsdokument en 'n beedigde verklaring wat die rede verskaf waarom veranderinge plaasgevind het, indien.
6.2 Aangesien die Nasionale Eksamenstelsel leerders sonder identiteitsnommers van die hand wys, is die identiteitsnommer van 'n leerder 'n verpligte veld. Leerders wat nie oor identiteitsnommers beskik nie, sal nie 'n Nasionale Senior Sertifikaat ontvang nie. Dit is dus belangrik dat alle kandidate voor graad 10 aansoek doen om hulle identiteitsdokumente.
6.3 Die selfoonnommer van die leerder se ouer/voog is 'n verpligte veld. Die Wes-Kaap Onderwysdepartement (WKOD) maak gebruik van SMS-dienste om belangrike inligting aan leerders te kommunikeer.
6.4 Immigrant-kandidate en spesialebehoeftekandidate wat oorweeg om vir die NSS in te skryf, moet dit so op die SOBIS aandui.

7. Proses wat gevolg moet word om regstellings aan leerderbesonderhede op die SOBIS aan te bring
7.1 Volg die duidelike riglyne op die SOBIS oor hoe om die leer vir die spesifieke graad en klas te onttrek.
7.2 Druk die skedules per klas.
7.3 Alle leerders moet hulle besonderhede verifieer en onderteken dat dit nagegaan is.
7.4 Foute moet op die skedule aangedui word en deur die SOBIS-administrateur van die skool reggestel word.
7.5 Nadat regstellings gemaak is, moet hierdie skedules deur die prinsipaal onderteken en op die SOBIS afgeteken word. 'n Afskrif van die ondertekende skedules moet gemaak word. Die afskrif moet vir die skool se eie rekords by die skool gehou word en die oorspronklike skedules moet voor of op 06 Mei 2016 na die onderskeie amptenare vir graad 12 gestuur word, soos aangetoon in Tabel 1.

TABEL 1

Graad 10-11 Skool hou eie rekords
Graad 12 Hoofkantoor
  Kontakpersoon by Hoofkantoor Kontaknommer e-pos
Kaapse Wynland Lindsay Weber 021 467 2732 Lindsay.Weber@westerncape.gov.za
Eden & Sentrale Karoo Samuel Adams 021 467 2978 Samuel.Adams@westerncape.gov.za
Weskus Gail Laguma 021 467 2913 Gail.Laguma@westerncape.gov.za
Overberg Patricia Liguma 021 467 2935 Patricia.Liguma@westerncape.gov.za
Metropool-Sentraal Farrel Jacobs 021 467 2990 Farrel.Jacobs@westerncape.gov.za
Metro-Oos Riyad Isaac 021 467 2916 Riyad.Isaac@westerncape.gov.za
Metro-Noord Johnnie Isaacs 021 467 2974 Johnnie.Isaacs@westerncape.gov.za
Metropool-Suid Linsay van Gensen 021 467 2911 Linsay.vanGensen@westerncape.gov.za

8. Neem asseblief kennis dat skole nie toegelaat sal word om ENIGE vakregstellings op die SOBIS aan te bring nie. Skole moet graad 10- en 11-versoeke vir vakregstellings aan hulle distrikskantoor stuur en graad 12-versoeke met die nodige ondersteunende dokumentasie aan Hoofkantoor, byvoorbeeld die vorderingskedule van 2015 (in die geval van graad 10 moet die leerder se Kwartaal 1-verslag voorgele word).

9. In die geval waar 'n leerder Musiek as 'n vak neem, moet die aangehegte dokument, Bylaag A, Lys van Musiek-kandidate, voltooi word en aan die onderskeie amptenare, soos aangedui in Tabel 1 gestuur word.

10. Hierdie minuut moet aan alle graad 10- tot 12-koordineerders en SOBIS- administrateurs versprei word.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:04:25

Bylaag A: Lys van musiekkandidate  (grootte: 49 KB)