| 1. |
Die doel van hierdie kennisgewing is om skole in te lig dat die Wes-Kaap Onderwysdepartement (WKOD) opleiding sal aanbied vir alle onderwysers wat vir die onderrig van graad 8 en 9 Wiskunde en Engels Taal verantwoordelik is. |
| 2. |
Die opleiding sal soos volg plaasvind:
| Datum: |
11–15 Julie 2016
Maandag – Donderdag: 08:00 tot 15:45
Vrydag: 08:00 tot 14:00 |
| Lokaal: |
Sal nader aan die tyd bevestig word. |
|
| 3. |
Opleiding ten opsigte van Wiskunde |
| 3.1 |
Die WKOD twee baie suksesvolle opleidingwerksessies vir graad 8 en 9 onderwysers gehou. Die eerste opleidingsessie was 'n vyfdagwerksessie in Julie 2015. Hierdie opleiding het gehandel oor Wiskunde-inhoud in Semester 2 (d.w.s. inhoud vanaf Junie tot Desember). |
| 3.2 |
Die tweede werksessie was 'n driedag-opleidingswerksessie in Januarie 2016 wat oor die inhoud in Semester 1 gehandel het (d.w.s. inhoud vanaf Januarie tot Junie). Hierdie opleiding was op alle groep 1-onderwysers en 'n nuwe groep onderwysers in groep 2 toegespits. |
| 3.3 |
Dit beteken dat groep 1-onderwysers wat in Semester 1 en Semester 2 opleiding in Wiskunde-inhoud ontvang het die volle omvang van die opleiding voltooi het en 'n bywoningsertifikaat vir hierdie opleiding sal ontvang. Van hierdie groep onderwysers word net verwag om die groepsessies in hul onderskeie distrikte te voltooi. |
| 3.4 |
Hierdie opleiding sal Wiskunde-onderwerpe dek wat in Semester 2 (d.w.s. vanaf Julie tot Desember) voltooi moet word en vereis dat alle onderwysers in groep 2 (d.w.s. onderwysers wat die opleiding in Januarie 2016 vir die eerste keer bygewoon het) hul opleiding voltooi ten einde vir 'n bywoningsertifikaat te kwalifiseer. Nuwe onderwysers is ook welkom om vir hierdie kursus te registreer. |
| 3.5 |
Die volgende Wiskunde-onderwerpe word in hierdie kursus gedek: Numeriese en Meetkundige patrone, Funksies en Verhoudings, Algebraiese uitdrukkings, Algebraiese vergelykings, Grafieke en Meetkunde. Foutontleding en die identifisering van wanopvattings sal 'n integrale deel van die opleiding uitmaak. Die SASOL Inzalo-werkboeke sal gebruik word om akkurate wiskundige inhoud te verskaf, begrippe te bou en albei te assesseer. |
| 4. |
Opleiding ten opsigte van Engels Taal |
| 4.1 |
Die Sertifikaatkursus in Secondary English Language Teaching (CiSELT) is in vennootskap met die Britse Raad ontwikkel. Die kursus is daarop gemik om onderwysers wat Engels Huistaal en Eerste Addisionele Taal onderrig te ondersteun en te ontwikkel met die doel om leerders se bekwaamheid ten opsigte van die gebruik van Engels as 'n onderrig- en kommunikasiemedium te verbeter. |
| 4.2 |
Die inhoud sal die volgende insluit: die onderrig van Luister en Praat, Lees, Kreatiewe Skryfwerk, Taalstrukture en -konvensies, Literatuur, die onderrig van EEAT deur middel van die genre-benadering, die identifisering van spesiale taalbehoeftes, integrasievaardighede deur middel van die Gebalanseerde Taalbenadering (GTB) en Taal oor die Kurrikulum heen (TOK). |
| 5. |
Registrasie
Prinsipale word versoek om die aangehegte registrasievorm te voltooi en dit voor of op Vrydag, 10 Junie 2016 aan die tersaaklike AOO-distrikskoordineerder terug te besorg. Dit is noodsaaklik dat skole akkurate registrasie-inligting verskaf sodat logistieke probleme by die opleiding vermy kan word. |
| 6.1 |
'n Reistoelaag sal betaal word, onderhewig aan die volgende voorwaardes:
- Bywoning van die volle opleidingskursus moet bevestig word.
- Die totale afstand wat vir die vyfdag-tydperk gereis word, moet 100 km oorskry, d.w.s. minstens 'n 20 km-retoerrit per dag.
- Die totale afstand waarvoor vir die vyfdag-tydperk geeis word, mag nie 700 km oorskry nie, d.w.s. nie verder as 'n 140 km-retoerrit per dag nie. Deelnemers wat hierdie afstand oorskry, sal nie vir 'n reisafstand van meer as 700 km vergoed word nie en word aangeraai om eerder vir verblyf te registreer.
|
| 6.2 |
Eise sal volgens die volgende kriteria beoordeel word:
| 6.2.1 |
Gebruik van eie motor |
Onderwysers moet so ver as moontlik vervoer deel.
Slegs die bestuurder of eienaar van die voertuig mag eis vir die kilometerafstand wat gereis is. Passasiers moet gelys word.
'n Standaardtarief van R3,00 per kilometer sal betaal word. Enjinslagvolume sal nie van toepassing wees nie. |
| 6.2.2 |
Gebruik van 'n saamryklub (betaal of gratis) in 'n privaat voertuig |
Slegs die bestuurder of eienaar van die voertuig mag eis vir die kilometerafstand wat gereis is. Passasiers moet gelys word.
'n Standaardtarief van R3,00 per kilometer sal betaal word. Enjinslagvolume sal nie van toepassing wees nie. |
| 6.2.3 |
Gebruik van die skoolbus |
Die skool moet 'n brief voorle wat aandui dat die skoolbus vir hierdie kursus gebruik is, asook die name van die passasiers en die afstand wat gereis is.
. Standaardtarief van R3,00 per kilometer sal betaal word.
Enjinslagvolume sal nie van toepassing wees nie. |
| 6.2.4 |
Gebruik van 'n geregistreerde diensverskaffer
LW: voorafgoedkeuring moet skriftelik van die AOO-distrikskoordineerder verkry word. |
| Stap 1) |
Voor die opleiding moet die skool drie kwotasies bekom. |
| Stap 2) |
Die skool moet hierdie kwotasies aan die AOO-koordineerder voorle. Die laagste kwotasie sal aanvaar word. |
| Stap 3) |
Die AOO-koordineerder moet skriftelike bevestiging aan die prinsipaal verskaf dat die diens gekontrakteer kan word. |
| Stap 4) |
Die skool moet vir die huur van die diens reel. |
| Stap 5) |
Na die diens moet die skool die diensverskaffer betaal en 'n kwitansie kry |
| Stap 6) |
Vir die terugbetaling moet die skool 'n brief by die bestuurder van distrikseise indien. Daarin moet aangedui word dat die betrokke diensverskaffer gebruik is en die name van die passasiers en die besonderhede van die afstand wat gereis is, moet gelys word. Die kwotasies, die goedkeuring vanaf die AOO-koördineerder en die finale betaalde faktuur moet aangeheg word. |
Alle papierwerk moet as bewys vir die interne ouditeur gehou word.
Die WKOD sal SLEGS die skool by ontvangs van getekende dokumentasie, insluitende die voorafgeskrewe goedkeuring van die AOO-distrikskoordineerder, vergoed.
Onderwysers moet reel dat die groep op 'n sentrale punt opgelaai word.
|
| 6.2.5 |
Gebruik van openbare vervoer bv. 'n openbare taxi, bus, trein vir kortafstandreis |
Eise moet die begin- en eindpunt van elke stadium van die reis aandui.
Vergoedings sal volgens die standaardtariewe gedoen word.
Bewys (kaartjies) kan deur die eise-amptenaar aangevra word sodat die eis geldig verklaar kan word.
Geen taxi’s met meters mag vir eise gebruik word nie. |
|
| 7. |
Verblyf en maaltye (slegs van toepassing op onderwysers uit landelike distrikte) |
| 7.1 |
Verblyf en maaltye (ontbyt en aandete) sal voorsien word, onderhewig aan die volgende voorwaardes:
- Die afstand na die opleidingslokaal moet meer as 50 km in een rigting per dag wees, d.w.s. 100 km retoer.
- Bywoning van die volle opleidingskursus moet bevestig word.
- Registrasie moet vooraf bevestig word.
- Elke vereiste wat hieronder in 7.3 uiteengesit is, moet nagekom word.
- Slegs een opsie (kyk 7.3 hieronder) mag gekies word en onderwysers sal vir geen verandering of alternatiewe verblyf vergoed word nie.
|
| 7.2 |
Verblyf sal vanaf die eerste tot die laaste dag van die opleidingskursus voorsien word, met die opsie van aankoms tussen 14:00 en 17:00 op die dag voor die werksessie begin. |
| 7.3 |
Tipes verblyf:
Onderwysers wat vir verblyf in aanmerking kom, kan vir EEN van die opsies hieronder registreer:
| 7.3.1 |
Koshuisverblyf |
Koshuisverblyf by die KOLI, teen geen koste vir onderwysers nie, sal voorsien word. Die volgende voorwaardes geld:
- Registrasievorm (Bylae A) moet teen Vrydag, 10 Junie 2016, ingedien word.
- Onderwysers moet kamers deel.
- Onderwysers moet hul eie beddegoed, handdoeke en toiletware saambring.
- Die aankomstyd op die Sondag is slegs tot en met 17:00.
|
| 7.3.2 |
Geregistreerde gasvryheidsinstellings, bv. bed-en-ontbyt-gastehuise en hotelle |
Die volgende voorwaardes sal geld:
- 'n Maksimum van R300 per dag mag vir aandete, bed en ontbyt geeis word.
- 'n Oorspronklike faktuur vanaf die instelling moet deur die eiser medeonderteken en by die opleidingskursus ingedien word.
- Betaling van onvolledige of laat eise word nie gewaarborg nie.
|
| 7.3.3 |
Verblyf by familie/vriende |
Die volgende voorwaardes sal geld:
- Hoogstens R130 per dag mag vir aandete, bed en ontbyt geeis word.
- Hierdie eis moet vergesel word van 'n beedigde verklaring van die betrokke familielid/vriend. Dit moet deur die eiser medeonderteken en by die opleidingskursus ingedien word.
|
| 7.3.4 |
Privaat korttermyn- huurooreenkomste/-kontrakte |
Die volgende voorwaardes sal geld:
- Die skool sal vir die verblyfreelings en betaling daarvan (alle koste vir aandete, bed en ontbyt) verantwoordelik wees.
- 'n Behoorlike proses moet gevolg word:
| Stap 1) |
Die skool moet vooraf 'n brief by die AOO-koordineerder indien om die gebruik van 'n gehuurde fasiliteit vir die huisvesting van 'n groep onderwysers te versoek. Besonderhede van die verblyf, insluitende die huurkontrak en die name van die onderwysers, moet verskaf word. |
| Stap 2) |
Die AOO-koördineerder moet die reëling skriftelik goedkeur. Geen reëlings kan hiersonder afgehandel word nie. |
| Stap 3) |
Die skool moet betaal en die kwitansie en ondersteunende dokumentasie (die huurkontrak en die goedkeuring van die AOO-koördineerder) by die opleidingskursus indien. |
- Die eis sal as een rekening hanteer word, betaalbaar aan die skool.
- Hoogstens R250 per opvoeder per dag sal betaal word - dit sluit alle koste ten opsigte van verblyf, aandete, bed en ontbyt in. Die presiese bedrag wat terugbetaal word, sal egter afhang van die presiese koste, tot en met 'n maksimum van R250 per persoon per dag. Enige koste bo en behalwe hierdie bedrag sal nie deur die WKOD betaal word nie.
- Alle oorspronklike maaltydkwitansies, kasregisterstrokies, ens. moet afgeteken en met 'n opsomming ingedien word.
- Die hele eis moet as een rekening ingedien word, met 'n dekbrief vanaf die skool wat deur al die oorspronklike dokumentasie ondersteun word.
|
|
| 8.1 |
Alle onderwysers wat 'n eis wil indien, moet die aangehegte Bank Details Form voltooi en dit op die eerste dag by die eisetoonbank by die opleidingslokaal indien. Die Bank Details Form moet deur die bank gestempel word. Slegs 'n oorspronklike vorm mag ingedien word. Geen fakse of fotokopiee sal aanvaar word nie. Onderwysers moet hierdie vorm voltooi voordat die opleiding begin (m.a.w. opdaag by die lokaal met hierdie vorm wat klaar ingevul is).
|
| 8.2 |
Alle eise moet deur oorspronklike dokumentasie ondersteun word. Geen fakse of fotokopiee sal aanvaar word nie. |
| 8.3 |
Eisers sal slegs vergoed word ná voltooiing van die opleidingskursus en sal dus vooraf self hul onkoste moet betaal. Waar nodig, word skole vriendelik versoek om hul onderwysers in hierdie opsig te help. Bewys van betaling moet bewaar word. |
| 8.4 |
Terugbetalings sal gemaak word slegs ná deeglike ondersoek van die eis, en die WKOD behou die reg om die finale besluit te neem waar daar enige ongerymdheid of nienakoming is. |
| 8.5 |
Alle eise moet ingedien word by die opleidingslokaal, waar beamptes byderhand sal wees om eisers te help. |
| 9. |
Geen laat of onvoltooide eise sal aanvaar word nie, tensy daar buitengewone versagtende omstandighede is, en terugbetaling kan nie gewaarborg word nie. |
| 10. |
Onderwysers word aangemoedig om hul elektroniese toestelle saam te bring aangesien die opleiding ook die integrasie van Inligting Kommunikasie Tegnologie (IKT) in die kurrikulum sal insluit. |
| 11. |
Navrae
Indien jy enige navrae het, moenie huiwer om die betrokke AOO-distrikskoördineerder te kontak nie:
|
| 12. |
Prinsipale word versoek om seker te maak dat die inligting in hierdie minuut aan alle onderwysers oorgedra word en dat registrasiebesonderhede teen nie later nie as Vrydag, 10 Junie 2016 by die AOO-distrikskoördineerder gelaat word. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:05:13
|
 |