1. Die Suid-Afrikaanse Wiskunde-uitdaging vir Graad 4 tot 7-leerders word deur die Suid-Afrikaanse Wiskundestigting (SAWS) in samewerking met die Vereniging vir Wiskundeonderrig in Suid-Afrika (Amesa) gereel en deur die SASOL-stigting geborg.

2. Die bedoeling van die Uitdaging is om 'n medium te wees om Wiskunde gewild te maak en om die gehalte van onderrig en leer van Wiskunde te verbeter. Die Uitdaging is nie 'n skolastiese toets nie, maar toets konseptuele kennis, die toepassing van kennis in nuwe situasies, probleemoplossing en algemene wiskundige denke, wat ons nuwe kurrikulum ondersteun om Suid-Afrikaners te help om bemagtigde, onafhanklike, kritiese en kreatiewe denkers te word. En ons glo dat Wiskunde vir almal toeganklik is, nie net vir 'n paar uitgesoektes nie. In 2015 het meer as 4 000 Wes-Kaapse leerders aan die Eerste Ronde van die SA Wiskunde-uitdaging deelgeneem. Die Wes-Kaap het die meeste deelnemers in die land gehad! Die huidige strukture sal deur vakadviseurs bevestig word. Hulle sal ook met skole in hul distrikte kommunikeer.

3. Daar is twee kategoriee vir deelname van leerders: Selfversekerde leerders kan verkies om as individue (enkels) deel te neem terwyl ander kan verkies om in pare (dubbels) te werk.

4. Die Eerste Ronde: 09 - 13 Mei 2016

  • Skole is in April deur hul distrikte ingelig oor die logistiek van die Eerste Ronde wat in die week van 09 - 13 Mei 2016 geskryf word.
5. Voorbereiding vir die Finale Ronde: Woensdag, 27 Julie 2016

  • Opvoeders voltooi die First Round Statistics-vorm en die Final Round Registration-vorm en stuur dit na hul kluster-/kring-/streeksorganiseerder, wat met SAWS sal skakel. Vakadviseurs moet asseblief by alle e-posse ingekopieer word. Inskrywingsvorms moet SAWS nie later nie as 25 Mei 2016 bereik om hulle in staat te stel om die Finale Ronde te reel. Stuur asseblief die vorm vir die rekords van SAWS, selfs al gaan die skool nie aan die Finale Ronde deelneem nie.
  • Leerders wat minstens 50% (10 of meer uit 20) in die Eerste Ronde behaal, kwalifiseer om aan die Finale Ronde deel te neem.
  • Die Finale Ronde word op 27 Julie 2016 by 'n sentrale lokaal in elke streek geskryf. Die kluster-/kring-/distriksorganiseerder reel die lokaal en die opsiener en sal deelnemende skole teen 24 Junie 2016 oor reelings vir die Finale Ronde inlig - mits hy/sy jul First Round Statistics-vorm en Final Round Registration-vorm het.
  • Die Finale Ronde-vraestelle en spesiaal ontwerpte antwoordstelle sal deur SAWS gedruk en per koerier na al die skole wat vir die Finale Ronde geregistreer het, versprei word. Geen nasien word verlang nie.
  • Die voltooide antwoordstelle sal deur die koeriermaatskappy ingesamel en elektronies deur SAWS gemerk word.
  • Slegs skole wat betyds vir die Finale Ronde geregistreer het (d.w.s. hul vorm ingedien en die inskrywingsgeld van R10 per leerder betaal het), sal toegelaat word om deel te neem.
6. Ons vertrou dat leerders en opvoeders die Uitdaging sal geniet en voordeel daaruit sal trek. Meer besonderhede oor die Uitdaging, insluitend gratis vorige vraestelle, is op die internet beskikbaar by www.samf.ac.za en www.amesa.org.za/Challenge/Index.htm.

7. Die Wes-Kaap Onderwysdepartement waardeer die ekstra pogings van ons opvoeders om leerders die geleentheid te bied om aan hierdie jaarlikse Wiskunde-uitdaging deel te neem. Jou ondersteuning het bygedra tot die hoogste opgetekende getal leerders in die land wat die Eerste Ronde in 2014 en 2015 geskryf het.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:05:04