| 1. |
Kurrikulumminuut DCG 0001/2016 het alle departementshoofde (DH’e) en/of Wiskunde-vakhoofde in die grondslag- en intermediêre fase uitgenooi om die opleiding vanaf Dinsdag 29 Maart – Vrydag 01 April 2016 by te woon. |
| 2. |
Hierdie minuut dien as bevestiging van bogenoemde opleiding. |
| 3. |
Die doel van hierdie opleiding is om die rol van die DH en vakhoof wat vir Wiskunde verantwoordelik is, te versterk om sodoende die kognitiewe eise van die Wiskundekurrikulum en -assessering te verstaan, insluitende die uitdagings wat leerders met wiskunde ervaar, en om leiding en ondersteuning aan beide leerders en opvoeders in hierdie verband te bied. |
| 4. |
Alle Wiskunde-opvoeders in die grondslag- en intermediêre fases sal in 2017 van soortgelyke opleiding in kennis gestel word. |
| 5. |
Die opleiding sal by die volgende plekke plaasvind:
| Distrik |
Plek |
| Metro-Sentraal |
Kaapstad Kollege, Crawford-kampus
Tel. 021 696 5133
Adres: Kromboomweg Crawford |
| Metro-Noord |
Elsiesrivier SS
Tel: 021 9325085
Adres: Haltweg Elsiesrivier |
| Metro-Oos |
Axios SOS
Tel: 021 904 5306
Adres: Ou Faure weg Faure |
| Weskus |
Dirkie Uys LS
Tel: 022 433 1082
Adres: Reservoirstraat Moorreesburg |
| Kaapse Wynland |
Worcester Gimnasium
Tel: 023 3470426
Adres: Tulbaghstraat Worcester |
| Eden en Sentrale Karoo |
PW Botha Kollege
Tel: 044 874 4166
Adres: Uniestraat George |
| Metro-Suid |
Cristel House
Tel: 021 704 9400
Adres: Swallowcliffe-rylaan Wetton Kaapstad |
| Overberg |
Overberg Primêre Skool
Tel: 028 214 1590
Adres: Laingstraat 20 Caledon |
|
| 6. |
Let asseblief daarop dat opleiding elke dag om 07:30 (vir 08:00) begin en tot 15:30 duur, behalwe op die laaste dag wanneer dit om 14:00 sal eindig. |
| 7.1 |
Eise is onderhewig aan die volgende voorwaardes:
- Bywoning van die volle opleidingskursus kan bevestig word.
- Die totale afstand wat vir die 4-dag-tydperk gereis is, moet 80 km oorskry, d.w.s. dit moet ten minste 'n daaglikse 20 km retoerrit wees.
- Die totale afstand wat vir die 4-dag-tydperk geeis word, mag nie 560 km oorskry nie, d.w.s. dit mag nie 'n daaglikse retoerrit van 140 km wees nie. Deelnemers wat hierdie afstand oorskry sal nie vir meer as 560 km wat afgele is, terugbetaal word nie en word aangeraai om eerder vir verblyf te registreer.
|
| 7.2 |
Reis-eise sal volgens die volgende kriteria geassesseer word:
| 7.2.1 |
Gebruik van eie motor |
Opvoeders moet probeer om so ver moontlik vervoer te deel.
Slegs die bestuurder of eienaar van die voertuig mag vir die kilometers wat afgele is, eis. Passasiers moet gelys word. 'n Standaardtarief van R3.00 per kilometer sal betaal word.
Enjinkapasiteit sal nie van toepassing wees nie. |
| 7.2.2 |
Gebruik van 'n saamryklub (betaalde of gratis) in 'n privaat voertuig |
Slegs die bestuurder of eienaar van die voertuig mag vir die kilometers wat gereis is, eis. Passasiers moet gelys word. 'n Standaardtarief van R3.00 per kilometer sal betaal word.
Enjinkapasiteit sal nie van toepassing wees nie. |
| 7.2.3 |
Gebruik van 'n skoolbus |
Die skool moet 'n brief voorle wat aandui dat die skoolbus vir hierdie kursus gebruik is, insluitende die name van die passasiers en die afstand wat afgele is. 'n Standaardtarief van R3.00 per kilometer sal betaal word.
Enjinkapasiteit sal nie van toepassing wees nie. |
| 7.2.4 |
Gebruik van 'n geregistreer-de diens-verskaffer
L.W.: vooraf skriftelike goedkeuring moet by die distrik se AOO-koördineer-der verkry word |
| Stap 1) |
Die skool moet 3 kwotasies voor die opleiding bekom. |
| Stap 2) |
Die skool moet hierdie kwotasies by die AOO-koördineerder indien. Die laagste kwotasie sal aanvaar word. |
| Stap 3) |
Die AOO-koördineerder moet skriftelike bevestiging aan die prinsipaal verskaf dat die diens gekontrakteer kan word. |
| Stap 4) |
Die skool moet vir die huur van die diens reël. |
| Stap 5) |
Na die diens gelewer is, moet die SKOOL die diensverskaffer betaal en 'n kwitansie bekom. |
| Stap 6) |
Vir terugbetaling moet die skool 'n brief by die distrik se eisbestuurder indien wat aandui dat die diensverskaffer gebruik is, insluitende die name van die passasiers en besonderhede van die afstand wat afgele is. Die kwotasies, goedkeuring van die AOO-koordineerder en die finale betaalde faktuur moet aangeheg wees. |
Alle papierwerk moet as bewys vir die interne ouditeur gehou word.
Die WKOD sal die skool SLEGS terugbetaal by ontvangs van die getekende dokumentasie, wat die skriftelike voorafgoedkeuring van die distrik se AOO-koordineerder moet insluit.
Opvoeders moet reel dat die groep by 'n sentrale punt opgelaai word.
|
| 7.2.5 |
Gebruik van openbare vervoer bv.
'n openbare taxi, bus, trein vir kort afstand reis |
Eise moet die begin- en eindpunt van elke stadium van die reis aandui.
Terugbetaling sal volgens die standaardtariewe gedoen word.
Bewyse (kaartjies) kan deur die eisamptenaar versoek word om die eis geldig te verklaar.
Geen metertaxi-tariewe mag geëis word nie. |
|
| 8. |
Verblyf en maaltye (waar van toepassing) slegs vir landelike distrikte |
| 8.1 |
Verblyf en maaltye (ontbyt en aandete) sal voorsien word en is onderhewig aan die volgende voorwaardes:
- Die afstand na die opleidingslokaal moet meer as 60 km in een rigting per dag wees, d.w.s. 120 km retoer.
- Bywoning van die volle opleidingskursus is bevestig.
- Registrasie is vooraf voltooi.
- Volle nakoming van die vereistes soos uiteengesit in 8.3 hieronder.
- Slegs 1 opsie (sien 8.3 hieronder) mag gekies word en opvoeders sal nie vergoed word vir enige verandering of alternatiewe verblyf nie.
|
| 8.2 |
Verblyf sal vanaf die eerste tot die laaste dag van die opleidingskursus voorsien word, met die opsie van aankoms om 14:00 en 17:00 op die dag voor die werksessie begin. |
| 8.3 |
Tipes verblyf:
Opvoeders wat vir verblyf in aanmerking kom, kan vir EEN van die opsies hieronder registreer:
| 8.3.1 |
Koshuisverblyf |
Koshuisverblyf sal teen geen koste vir opvoeders voorsien word. Die volgende voorwaardes geld:
- Registrasievorm (Bylaag A) moet teen Vrydag, 11 Maart 2016 ingedien word.
- Opvoeders sal kamers deel.
- Opvoeders word versoek om hul eie beddegoed, handdoeke en toiletware saam te bring.
- Aankomstyd is slegs tot 17:00 op die dag voor opleiding begin.
|
| 8.3.2 |
Geregistreerde gasvryheids-instellings, bv. bed-en-ontbyt-gastehuise, hotelle |
Die volgende voorwaardes sal geld:
- 'n Maksimum van R300 per dag mag vir aandete, bed en ontbyt geeis word.
- 'n Oorspronklike faktuur vanaf die instelling moet deur die eiser onderteken word en by die opleidingskursus ingedien word.
- Betaling van onvolledige of laat eise word nie gewaarborg nie.
|
| 8.3.3 |
Verblyf by familie/vriende |
Die volgende voorwaardes sal geld:
- 'n Maksimum van R130 per dag mag vir aandete, bed en ontbyt geeis word.
- Hierdie eis moet vergesel word van 'n beedigde verklaring van die betrokke familielid/vriend wat deur die eiser medeonderteken is en by die opleidingskursus ingedien word.
|
| 8.3.4 |
Privaat korttermyn huur/verhurings-ooreenkomste |
Die volgende voorwaardes sal geld:
- Die skool sal vir die verblyfreelings en betaling (alle koste vir aandete, bed en ontbyt) verantwoordelik wees.
- 'n Behoorlike prosedure moet gevolg word:
| Stap 1) |
Die skool moet vooraf 'n brief by die AOO- koordineerder indien om die gebruik van gehuurde verblyf vir die huisvesting van 'n groep opvoeders te versoek.
Besonderhede van die verblyf, insluitende die huurooreenkoms en die name van die opvoeders moet verskaf word. |
| Stap 2) |
Die AOO-koordineerder moet die reeling skriftelik goedkeur. Geen reelings kan daarsonder gefinaliseer word nie. |
| Stap 3) |
Die skool moet betaal en die kwitansie en ondersteunende dokumentasie (die huurooreenkoms en die goedkeuring van die AOO-koordineerder) by die opleidingskursus indien. |
- Die eis sal as een rekening, betaalbaar aan die skool, hanteer word.
- 'n Maksimum van R250 per dag per opvoeder sal betaal word 'n dit sluit alle koste ten opsigte van verblyf, aandete, bed en ontbyt in. Die presiese bedrag wat terugbetaal word, hang egter af van die werklike koste, tot en met 'n maksimum van R250 per persoon per dag. Enige koste bo en behalwe hierdie bedrag sal nie deur die WKOD betaal word nie.
- Alle oorspronklike maaltydkwitansies, kasregisterstrokies, ens., moet afgeteken en met 'n opsomming ingedien word.
- Die hele eis moet met 'n dekbrief vanaf die skool en alle oorspronklike ondersteunende dokumentasie as EEN REKENING ingedien word.
|
|
| 9.1 |
Alle opvoeders wat 'n eis wil indien moet die aangehegte Bankbesonderhedevorm voltooi en dit op die eerste dag by die eise-toonbank by die opleidingslokaal indien. Die Bankbesonderhedevorm moet deur die bank gestempel word en slegs 'n oorspronklike vorm mag ingedien word. Geen fakse of fotokopiee sal aanvaar word nie. Opvoeders moet hierdie vorm voltooi VOORDAT die opleiding begin (m.a.w. die vorm moet reeds ingevul wees wanneer opvoeders by die opleidingslokaal opdaag). |
| 9.2 |
Alle eise moet deur oorspronklike dokumentasie ondersteun word. Geen fakse of fotokopieë sal aanvaar word nie. |
| 9.3 |
Eisers sal slegs vergoed word ná voltooiing van die opleidingskursus en sal dus vooraf self hul eie uitgawes moet betaal. Waar nodig word skole vriendelik versoek om hul opvoeders in hierdie opsig tegemoet te kom. Bewys van betaling moet bewaar word. |
| 9.4 |
Terugbetalings sal slegs ná deeglike ondersoek van die eis gedoen word en die WKOD behou die reg voor om die finale besluit te neem waar daar enige ongerymdheid of nie-nakoming voorkom. |
| 9.5 |
Alle eise moet ingedien word by die opleidingslokaal waar amptenare byderhand sal wees om eisers te help. |
| 9.6 |
Tensy daar buitengewone versagtende omstandighede is, sal geen laat of onvoltooide eise aanvaar word nie en terugbetalings kan nie gewaarborg word nie. |
| 10. |
Navrae
Indien u enige navrae het, kontak gerus die betrokke distrik se AOO-koördineerder:
|
| 11. |
Dit word aanbeveel dat alle deelnemers hulle KABV-dokumente vir Wiskunde saambring. |
| 12. |
Prinsipale word vriendelik versoek om hierdie minuut onder die aandag van alle Departementshoofde en/of Wiskunde-vakhoofde in die grondslag- en intermediêre fase te bring. Let asseblief daarop dat registrasie tot en met 11 Maart 2016 toegelaat sal word. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:03:03
|
 |