| 1. |
Die AstroQuiz is 'n wetenskapkompetisie vir graad 7-leerders wat op astronomieverwante temas gebaseer is en sluit aan by die "Aarde en die Ruimte"-afdeling in die Natuurwetenskappe-sillabus. |
| 2. |
Die AstroQuiz is 'n projek wat deur die Suid-Afrikaanse Agentskap vir Wetenskaplike en Tegnologiese Vooruitgang (SAASTA) befonds word en provinsiaal deur die Suid-Afrikaanse Astronomiese Observatorium (SAAO) bestuur word. Hierdie projek is daarop gemik om:
- belangstelling in Wetenskap in primere skole aan te moedig;
- klaskamerpraktyk te verbeter;
- bewustheid en insig in basiese astronomie, Wetenskap en Wiskunde te skep; en
- belangstelling in loopbaangeleenthede in astronomie en ander wetenskappe aan te moedig.
|
| 3. |
Die AstroQuiz is sedert 2006 suksesvol in die provinsie geimplementeer en belangstelling in hierdie kompetisie is verstommend. In 2015 het 'n aantal skole aan die kompetisie deelgeneem. Laerskool Park in Mosselbaai het die provinsie op nasionale vlak verteenwoordig. Aantreklike pryse word vir die provinsiale top tien skole en die wenskool aangebied. |
| 4. |
Die Wes-Kaap Onderwysdepartement (WKOD) moedig meer skole aan om aan die 2016 AstroQuiz deel te neem aangesien die AstroQuiz vir alle graad 7-leerders en skole oop is. |
| 5. |
Die hulpbronpakkie vir die AstroQuiz en 'n voorbeeldvraestel kan by die SAAO AstroQuiz se webblad: www.astroquiz.saao.ac.za afgelaai word. |
| 6. |
Die WKOD versoek dat alle skole die AstroQuiz-hulpbronpakkie en die voorbeeldvraestel gebruik sodat leerders kan oefen hoe om die vasvra te skryf. Dit behoort 'n oop boek aktiwiteit te wees vir groepe van vier leerders elk, met elke groep wat as 'n span saamwerk. |
| 7. |
Skole moet direk by die SAAO via die AstroQuiz webblad: http://astroquiz.saao.ac.za vir die vasvra registreer. Registrasie sal op 01 Maart 2016 begin. |
| 8. |
Alle kommunikasie met die SAAO sal via e-pos en/of SMS plaasvind. Opvoeders kan hul voorkeurkommunikasiemetode aandui wanneer hulle registreer. Opvoeders word genooi om by die AstroQuiz-poslys aan te sluit by http://astroquiz.saao.ac.za/join-the-mailing-list/ om op hoogte te bly van die vasvra. |
| 9. |
Skole moet spanne van vier leerders in graad 7 identifiseer en spanne vorm om die skool in die AstroQuiz te verteenwoordig. |
| 10. |
Skole moet reel om aanlyn aan die eerste twee rondtes van die provinsiale AstroQuiz deel te neem. Skole word aangemoedig om in die eerste rondte met soveel spanne moontlik deel te neem. Daar sal 'n oefenrondte vir leerders wees om te oefen hoe om die vasvra aanlyn te doen. Leerders mag hul selfone gebruik om aanlyn deel te neem. Skole kompeteer om 'n stel van 30 vrae in elke rondte te beantwoord. Alle skole beantwoord dieselfde vrae. Die spanne kry 'n vasgestelde 60 sekondes per vraag. Spanne mag die antwoorde saggies met mekaar bespreek. Slegs een span per skool mag aan die tweede rondte deelneem. Leerders wat deelneem mag nie hulpbronmateriaal in die vasvra-lokaal inneem nie. |
| 11. |
Die eerste twee rondtes van die provinsiale AstroQuiz sal op skoolvlak onder toesig van die opvoeder in beheer plaasvind. Rondte 1 sal op Vrydag, 22 April 2016 plaasvind en Rondte 2 op Vrydag, 22 Julie 2016. |
| 12. |
Provinsiale rondtes 3 en 4 sal saam op Vrydag, 26 Augustus 2016 by die SAAO in Observatory, Kaapstad plaasvind. Alle distrikte in 'n provinsie sal in die derde rondte verteenwoordig word. Die SAAO sal verantwoordelik wees vir die vervoer van spanne na die provinsiale rondtes 3 en 4 en die finale nasionale byeenkoms. Die wenskool sal die provinsie verteenwoordig by die nasionale kompetisie wat vanaf 05 tot 07 Oktober 2016 plaasvind. Die lokaal vir die finale nasionale byeenkoms sal op 'n latere stadium aangekondig word. |
| 13. |
Kontak die SAAO direk per e-pos, telefoon of faks vir enige verdere vrae en duidelikheid oor die kompetisie.
|
| 14. |
Prinsipale word versoek om hierdie minuut onder die aandag van alle graad 7- Natuurwetenskappe-opvoeders te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:02:23
|
 |