1. Die Wes-Kaap Onderwysdepartement (WKOD) bied ’n graad 6 Veeltalige Skryfwerkkompetisie in Kwartaal 1 van 2016 aan.

2. Die doel van die kompetisie is om Skeppende Skryfwerk, as deel van die WKOD se Taalstrategie van 2015-2019, te versterk.

3. Skole moet daarop let dat punte vir skeppende skryfwerk vir die kompetisie vir die eerste Formele Assesseringstaak (FAT) van Kwartaal 1 gebruik kan word.

4. Die WKOD hoop dat hierdie uitdaging skole wat belangstel om deel te neem, sal aanmoedig om hul beste te lewer om skeppende skryfwerk te stimuleer en geleenthede te skep vir leerders om die skryfproses onder die knie te kry.

5. Die kompetisie sal in leerders se Huistaal aangebied word.

6. Die finale geskrewe werke sal in ’n veeltalige storieboek, getiteld "Uit die pen van die leerder", gepubliseer word.

7. Werksessies is vir distrikvakadviseurs en leieronderwysers aangebied met die oog daarop om die keuring van opstelle vir die verskillende vlakke van die kompetisie te ondersteun.

8. Belanghebbendes betrokke by die projek sluit in die Pan-Suid-Afrikaanse Taalraad (PanSALB), die Sentrum vir die Boek, die Taaleenheid van die Departement Kultuursake en Sport, stads- en provinsiale biblioteke, die Afrikaanse Taalraad, die Suid-Afrikaanse Uitgewersvereniging (Pasa) en EDULIS.

9. Kompetisieproses
9.1 Daar is 'n keuse tussen narratiewe en beskrywende onderwerpe aangeheg as Bylaag A.
9.2 Skole sal die eerste FAT volgens die vasgestelde kriteria skryf en die skeppende skryfwerk volgens die nasienmatriks in Bylaag B nasien.
9.3 Die konsep en finale skryfwerk moet in 'n A5 oefenboek ingedien word.
9.4 Skole stuur hul beste (d.w.s. slegs een) gekose skeppende skryfwerk na die betrokke AOO-koördineerder. Sien asseblief die lys AOO-koördineerders in die onderstaande tabel.
9.5 Die span keurders in die distrik sal die drie (d.w.s. een per taal) beste skeppende skryfwerk kortlys en dit na die Provinsiale Skeppende Skryfwerk Komitee stuur wat die tien beste stories d.w.s. 3 per taalgroep, insluitend 1 vir Sesotho, sal kies.
9.6 Alle deelnemende skole sal 'n kopie van die veeltalige storieboek ontvang.
9.7 Die leerders van die beste skryfwerk sal geskenkpryse by 'n provinsiale seremonie in Augustus 2016 ontvang.

10. Vind asseblief die skedule van kompetisiedatums aangeheg as Bylaag C.

11. Prinsipale word versoek om hul skole so gou as moontlik te registreer aangesien dit met die logistiek rondom die kompetisie sal help.

12. Die registrasievorm (Bylaag D) moet teen Vrydag, 29 Januarie 2016 by die betrokke AOO-koördineerder ingedien word.

Distrik Koördineerder Tel E-pos Faks
Metro-Sentraal Avrille Morgendal 021 514 6770 Anna.Morgendal@westerncape.gov.za 021 514 6770
Metro-Noord Malefo Makena 021 938 3104 Malefo.Makena@westerncape.gov.za 021 938 3104
Metro-Oos Ursula Esau 021 900 7051 Ursula.Esau@westerncape.gov.za 021 900 7051
Weskus Ebrahim Peck 021 860 1569 Ebrahim.Peck@westerncape.gov.za 021 860 1569
Kaapse Wynland Edgar Johannes 023 348 0605 Edgar.Johannes@westerncape.gov.za 086 555 0261
Eden & Sentraal Karoo Marietjie Beukes 044 803 8316 Marietjie.Beukes@westerncape.gov.za 086 673 8499
Metro-Suid Lorraine Bailey 021 370 2041 Lorraine.Bailey@westerncape.gov.za 021 372 1856
Overberg James Daniels 028 214 7363 James.Daniels@westerncape.gov.za 028 214 7400

13. Prinsipale word vriendelik versoek om die inhoud van hierdie minuut onder die aandag van die betrokke personeellede te bring.


GETEKEN: PAD BEETS
WNDE ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:01:19

Bylae A: "Multilingual creative writing competition topics"  (grootte: 78 KB)
Bylae B: "Multilingual creative writing competition selection criteria matrix"  (grootte: 115 KB)
Bylae C: "WCED Grade 6 Multilingual Creative Writing Competition Levels"  (grootte: 55 KB)
Bylae D: "Registration form"  (grootte: 47 KB)