1. Die Wes-Kaap Onderwysdepartement (WKOD) het 'n Diagnostiese Assesseringsinstrument vir graad 8 ontwikkel wat in 2016 in Taal, Wiskunde en Natuurwetenskappe by skole geimplementeer is.

2. Die gebruik van hierdie instrument het dit vir skole moontlik gemaak om leerders volgens hul vermoens te stroom en hulle die nodige ondersteuning te bied om die manier waarop hulle leer te maksimaliseer.

3. Dit word in die vooruitsig gestel dat die uitkoms van hierdie intervensie nie net die gaping in die getal leerders wat veral Wiskunde en Natuurwetenskappe in graad 9 slaag, gaan vernou nie, maar daar sal ook 'n verdere toename in die aantal leerders wees wat hierdie vakke in die Verdere Onderwys en Opleiding (VOO)-band neem.

4. Met hierdie doel voor oe is alle hoerskole in 2015 deur vakadviseurs in die gebruik van die diagnostiese assesseringsinstrument opgelei. Elkeen van hierdie hoerskole het 'n CD met die diagnostiese assesseringsinstrument, rekordblaaie en 'n video-handleiding ontvang.

5. Hierdie minuut dien om skole opdrag te gee om vir die diagnostiese assessering van graad 8-leerders in 2017 voor te berei. Die voorgestelde datums is 18, 19 en 20 Januarie 2017.

6. Die voorgestelde bekendstelling is soos volg:

  1. Skole druk vraestelle in 2016.
  2. Skole doen verslag oor die gereedheid om die diagnostiese assesseringsinstrument te implementeer.
  3. In Januarie 2017 skryf alle graad 8-leerders die drie een-uur-toetse.
  4. Teen 30 Januarie 2017 voltooi onderwysers die nasien van die toetse.
  5. Teen die tweede week van Februarie 2017 werk skole die uitslae elektronies op Excel-sigblaaie by.
  6. Skole epos die Excel opsommings sigblad wat leerderprestasie per grraadvlak per kognitiewe vlak per inhoudsarea aandui, na die Distrikskantoor teen die einde van Februarie 2017 waar die Distrik 'n opsomming sal doen.
  7. Distrikskantore stel die data saam en ontleed die intervensieplanne en stuur dit teen 17 Maart 2017 aan Hoofkantoor.
  8. Die skole sal teen September 2017 'n post-toets met dieselfde instrument uitvoer en dan die data by die distrikskantore indien (opsioneel).
7. Ondersteuning aan skole

Die WKOD stel die volgende ondersteuning program aan skole voor:
7.1 Diagnostiese assessering van slegs Taal en Wiskunde
Skole kan kies om slegs Taal en Wiskunde te assesseer. Die assessering van Natuurwetenskappe is opsioneel, aangesien sommige leerders dit moeilik mag vind om die vakinhoud van die vorige jare te onthou.
7.2 Gebruik van data vasleggers
Weens die moeilike proses van datavaslegging deur skole, sal die WKOD deelnemende skole die geleentheid bied om een data vaslegger per skool aan tes tel om die uitslae van die diagnostiese assessering by te werk. Sien asseblief Bylae A vir die werwing van databywerkers.
7.3 Bykomende idees om leerders in Taal, Wiskunde en Natuurwetenskappe te ondersteun.
Skole kan ook ander wyses van intervensie en ondersteuning gebruik om graad 8-leerders wat met Taal en Wiskunde sukkel, te ondersteun. Byvoorbeeld, 'n vennootskap met die plaaslike besighede om die skool op die volgende maniere te ondersteun:

  1. Om bykomende onderrig met behulp van privaat onderwysers, studente en/of afgetrede onderwysers vir Saterdag-klasse, middag-klasse en vakansies aan te bied. Dit wil sê, winterskool, lenteskool.
  2. Privaat ekstra klasse aan te bied wat deur die ouers betaal word.
  3. Om saam te span en hulpbronne met buurskole te deel.
  4. Stroming/groepering van leerders per vak in vermoe groepe.
  5. Die gebruik van die "pull-out" metode, m.a.w. die onttrekking van leerders vir daardie bepaalde vakperiode vanuit 'n gemengde-vermoe-klas na 'n ander klas waar die onderwyser hulle volgens hul eie behoeftes en vermoens onderrig en waarna hulle weer na hul registerklas sal terugkeer.
8. Die implementering van die Taal, Wiskunde en Wetenskap (TWW) -strategie moet met alle moontlike rolspelers bespreek word.

9. Prinsipale word versoek om te verseker dat die inligting van hierdie minuut aan alle onderwysers en administratiewe beamptes wat die data sal bywerk, oorgedra word.


GETEKEN: PAD BEETS
WAARNEMENDE ADJUNK-DIREKTEUR-GENERAAL: KURRIKULUM EN -ASSESSERINGSBESTUUR
DATUM: 2016:12:07

Bylae A  (grootte: 58 KB)