1. In 2015 het die Wes-Kaap Onderwysdepartement (WKOD) 'n suksesvolle graad R Ontluikende Geletterdheidsprojek (ELIT-projek) vir graad R-onderwysers/praktisyns aangebied.
2. Hierdie minuut dien om skole oor 'n soortgelyke inisiatief, naamlik die Ontluikende Wiskunde-projek (R-Wiskunde) vir graad R-onderwysers/praktisyns en leerderondersteuningsonderwysers in te lig.
3. Die WKOD het 'n vennootskap met die Skoolontwikkelingseenheid (SOE) van die Universiteit van Kaapstad en skenkers aangegaan om hierdie provinsiewye projek moontlik te maak.
4. Die projek het ten doel om Wiskunde-onderrig en -leer in graad R aansienlik te verbeter deur instrumente, strategiee en ontwikkelingsgepaste pedagogie te voorsien om sodoende 'n spesifieke tyd vir wiskunde in die daaglikse program te implementeer. Die Wiskunde-inhoud is in ooreenstemming met die KABV en deelnemers sal die omvang en diepte van die kritiese konsepte waarop toekomstige wiskunde-leer gebou is, verken.
5. Die Ontluikende Wiskunde-projek sal deur 'n eksterne navorsingsagentskap geevalueer word.
6. Die projek sal in twee fases oor 'n tweejaartydperk plaasvind: fase 1-skole sal in 2017 opleiding ontvang en fase 2-skole sal in 2018 opleiding ontvang. Alle gewone openbare skole en onafhanklike vroeekindontwikkeling (VKO)-sentrums sal genooi word om óf aan fase 1 óf fase 2 deel te neem. Distrikte sal alle skole en VKO-sentrums teen 30 November 2016 in kennis stel oor watter fase aan hulle toegeken is.
7. Neem asseblief kennis dat nie-graad R-onderwysers/praktisyns (byvoorbeeld VKO-assistente en voor-graad R-praktisyns) nie vir hierdie opleiding mag registreer nie. Die afgevaardigdes wat die opleiding bywoon, mag egter hul kennis en praktyk met hulle deel. Dit sal die skoolbestuurspan se verantwoordelikheid wees om dit te organiseer.
8. In elke fase sal die opleiding in 'n reeks klusterwerksessies en een vyfdagblokwerksessie aangebied word. Onderwysers/praktisyns wat geregistreer is om die kursus by te woon word versoek om die volledige program by te woon aangesien elkeen wiskunde-hulpbronne vir hul klaskamers sal ontvang. Vakadviseurs sal die opleiding aanbied.
9. Fase 1-werksessies sal soos volg plaasvind:

Klusterwerksessie 1 & 2 14 Januarie 2017 (4 ure) Sal voor die einde van 2016 deur die distrik bevestig word.
Klusterwerksessie 3 17 tot 20 Januarie 2017 Distrikte sal drie weke voor die werksessie 'n kennisgewing van die presiese datum en plek aan fase 1-skole stuur.
Klusterwerksessie 4 13 tot 17 Februarie 2017
Klusterwerksessie 5 13 tot 17 Maart 2017
Klusterwerksessie 6 08 tot 12 Mei 2017
Klusterwerksessie 7 05 tot 09 Junie 2017
Blokwerksessie 03 tot 07 Julie 2017: vyfdagopleiding tydens die Julie-vakansie Plekke sal in 2017 bevestig word
*onderwysers woon een 2-uur klusterwerksessie binne die toegekende tyd by
10. Vir verdere inligting, kontak asseblief die betrokke AOO-distrikskoördineerder:

Distrik Koördineerder Telefoon E-pos
Metro-Sentraal Avrille Morgendal 021 514 6770 amorgendal@gmail.com
Metro-Noord Malefo Makena 021 938 3104 Malefo.Makena@westerncape.gov.za
Metro-Suid Lorraine Bailey 021 370 2061 Lorraine.Bailey@westerncape.gov.za
Metro-Oos Ursula Esau 021 900 7051 Ursula.Esau@westerncape.gov.za
Weskus Ebrahim Peck 021 860 1569 Ebrahim.Peck@westerncape.gov.za
Kaapse Wynland Edgar Johannes 023 348 0605 Edgar.Johannes@westerncape.gov.za
Overberg Lynne Le Grange 028 214 7363 Lynn.LeGrange@westerncape.gov.za
Eden & Sentrale Karoo Marietjie Beukes 044 803 8320 Marietjie.Beukes@westerncape.gov.za
11. Prinsipale word versoek om hierdie minuut onder die aandag van alle graad R-onderwysers/praktisyns te bring en seker te maak dat hierdie projek op die skoolkalender aangebring word.


GETEKEN: L ELY
WAARNEMENDE HOOF: ONDERWYS
DATUM: 2016:11:17