1. Die Kaapstadse Wetenskapsentrum is die gasheer van die Afrika-kodeweek "Train the Trainer"-werksessies wat deur . internasionale sagtewaremaatskappy befonds en deur Simplon and Galway Education Centre geimplementeer word.

2. Afrika-kodeweek is 'n vastelandwye inisiatief om kodering (rekenaarprogrammering) onder die jeug te bevorder deur van sagteware gebruik te maak wat vryelik beskikbaar is.

3. Die Afrika-kodeweek is spesifiek vir die Wes-Kaap met gratis "Train the Trainer"- werksessies wat vir onderwysers aangebied word.
3.1 Die gratis "Train the Trainer"-werksessies vir onderwysers sal die volgende aanspreek:

  • Hoekom kodering/rekenaarprogrammering vir jong leerders?
  • Hoe om kodering/rekenaarprogrammering met behulp van SCRATCH (gratis sagteware) te onderrig.
  • Hoe om 'n werksessie vir kodering/rekenaarprogrammering vir leerders tussen die ouderdomme van 8 tot 16 jaar te reël.
  • Hoe om werksessies tydens Afrika-kodeweek, vanaf 15 tot 23 Oktober 2016, vir leerders te reël.
3.2 Hierdie werksessies stel onderwysers in staat om leerders eenvoudige koderingsvaardighede te leer. Kodering (rekenaarprogrammering) kweek 'n bewustheid van kodering/rekenaarprogrammering en bevorder 'n belangstelling in 21ste eeuse leervaardighede buite die grense van die klaskamer:

  • geletterdheid;
  • Wiskunde;
  • probleemoplossingsvaardighede;
  • rekenaargeletterdheid; en
  • prosedurele geletterdheid d.w.s. denke oor prosesse in die wêreld.
4. Afrika-kodeweek is 'n nuwe inisiatief, en word nou in die tweede jaar aangebied en die implementeerders moedig Wes-Kaapse onderwysers aan om onder die eerstes te wees om by hierdie vastelandwye geskiedkundige inisiatief betrokke te raak deur te registreer om aan die gratis "Train the Trainer"-werksessies deel te neem. Deelnemende onderwysers sal gratis hulpbronne, verversings en 'n bywoningsertifikaat ontvang.

5. Die Wes-Kaap Onderwysdepartement (WKOD) moedig skole aan om te registreer en om in 2016 aan die Afrika-kodeweek se "Train the Trainer"- werksessies deel te neem.

6. Die WKOD versoek dat skole kennis neem van die betrokke datums vir hierdie geleentheid op 22 en 23 Julie 2016 (Vrydagmiddag en Saterdag). Onderwysers kan op enige van hierdie dae, 'n oggend of middagsessie van ongeveer 90 minute bywoon.

7. Alle kommunikasie sal via e-pos, SMS en/of telefoon plaasvind en moet aan die Kaapstadse Wetenskapsentrum gerig word. Wanneer onderwysers registreer, moet hulle die kommunikasiemetode wat verkies word, aandui.

8. Vir verdere navrae of om te registreer, kontak asseblief die Kaapstadse Wetenskapsentrum telefonies, per faks of besoek hulle webwerf:

Telephone 021 300 3200 (Gabi of Info); 083 276 9501 (Julie)
Fax 086 519 7227
Email nomfundo@ctsc.org.za of julie@ctsc.org.za
Website http://ctsc.org.za

9. Prinsipale word versoek om hierdie minuut onder die aandag van alle graad 3- tot 10- onderwysers te bring.


GETEKEN: PAD BEETS
WAARNEMENDE ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:07:14