1. Nasionale Wetenskapweek (NWW) is 'n jaarlikse landwye viering van wetenskap, tegnologie, ingenieurswese, wiskunde en innovasie (WTIWI). Die Nasionale Wiskundeweek maak deel uit van die NWW, 'n inisiatief van die Departement van Wetenskap en Tegnologie (DWT). Die NWW word deur die Suid-Afrikaanse Agentskap vir die Bevordering van Wetenskap en Tegnologie (SAABWT), 'n sake-eenheid van die Nasionale Navorsingstigting (NNS), bestuur.

2. Gedurende die NWW word daar spesiaal op wetenskap- tegnologie, ingenieurswese en wiskunde-onderrig gefokus. Die doel is om hierdie vakke meer aantreklik, aanloklik en lonend vir leerders en die gemeenskap oor die algemeen te maak. Skole kan die impak van wetenskap, tegnologie, ingenieurswese en wiskunde op ons daaglikse lewens beklemtoon en hulle belangrikheid as 'n grondslag vir verskeie loopbane benadruk. NWW is 'n medium om hierdie vakke gewild te maak en om openbare bewustheid, begrip en waardering daarvan te verhoog.

3. Die Wes-Kaap Onderwysdepartement (WKOD) versoek alle skole om spesiale aktiwiteite tydens die NWW te he wat op hierdie vakke gebaseer is. Die NWW sal vanaf Maandag, 08 Augustus tot Saterdag, 13 Augustus 2016 plaasvind. Die ideaal sal wees om leerders sowel as hulle ouers te betrek. Die klem word gele op die bewustheid van wetenskap, tegnologie, ingenieurswese en wiskunde in ons alledaagse lewens, om pret te he en op 'n interaktiewe wyse deel te neem.

4. Die WKOD se webblad bevat uitstekende idees vir aktiwiteite, en inligting hieroor kan soos volg verkry word:

  • maak die tuisblad van die WKOD oop;
  • kies "Teaching/Curriculum Support" (af ondertoe, aan linkerkant);
  • kies "National Maths and Science Week" (vanaf die swart nutsbalk links bo); en
  • kies die gewenste leers.
5. Nie-regeringsorganisasies, hoer opvoedkundige inrigtings en sommige distriksamptenare mag dalk om befondsing by die SAABWT aansoek gedoen het om groot projekte wat wetenskap, tegnologie, ingenieurswese en wiskunde tydens die NWW insluit, te beplan en bestuur. Die WKOD-webblad sal 'n program voorsien van die verwante aktiwiteite wat in die Wes-Kaap sal plaasvind.

6. Die WKOD bied ook skole die geleentheid om hulle aktiwiteite met amptenare en ander skole in die provinsie te deel. Skole word aangemoedig om distriksamptenare te betrek en foto¡¦s en videosnitte vir moontlik publikasie op die WKOD-webblad te neem. Die kan aan vakadviseurs gegee word om op die webblad te laai. Ander sosiale media soos facebook en YouTube, kan ook oorweeg word.

7. Die WKOD waardeer die ekstra pogings van ons onderwysers om pret tydens die onderrig en leer van wetenskap, tegnologie, ingenieurswese en wiskunde in te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:06:03