| 1. |
Die Wes-Kaap Onderwysdepartement (WKOD) het in 2015 die bogenoemde skole in kennis gestel van die 2016 provinsiewye Opkomende Geletterdheids- (ELIT) ingryping vir graad R, insluitende die datums vir namiddaggroepe en 'n vyfdagopleidingswerksessie vanaf 11 tot 15 Julie 2016. |
| 2. |
Sedert Februarie 2016 het meer as 3 000 geregistreerde graad R-onderwysers en -praktisyns elke maand die ELIT-groepwerksessies bygewoon waar hulle geletterdheidshulpbronne en professionele ontwikkeling ontvang het oor hoe om hierdie hulpbronne te gebruik om taalonderrig en leer in graad R te versterk. |
| 3. |
Die finale werksessie vir die ingryping sal vanaf 11 tot 15 Julie 2016 gedurende die laaste week van die vakansie plaasvind. Hierdie werksessie sal die teoriee en produktiewe pedagogie aanspreek wat verband hou met ontluikende lees en skryf. Skoolhoofde wat vir graad R verantwoordelik is, word dus versoek om seker te maak dat graad R-onderwysers/praktisyns hierdie vyfdagopleidingsblok bywoon. |
| 4. |
Die program se tye is soos volg:
| Datum |
Aanvang |
Afsluiting |
| Maandag, 11 Julie 2016 |
07:30 – registrasie
08:30 – werksessie |
16:00 |
Dinsdag, 12 Julie to
Donderdag, 14 Julie 2016 |
07:30 – registrasie
08:00 – werksessie |
16:00 |
| Vrydag, 15 Julie 2016 |
07:30 – registrasie
08:00 – werksessie |
14:00 |
|
| 5. |
Alle graad R-onderwysers/praktisyns wat tans werksaam of binne die WKOD se registreerde klasse gesubsidieer is (in openbare skole en gemeenskapsgebaseerde skole), en die 2016 ELIT-groepwerksessies bygewoon het, word hiermee uitgenooi om die laaste vyfdagwerksessie vanaf 11 tot 15 Julie 2016 by te woon. |
| 6. |
Bylaag A dui die werksessielokale vir elke distrik aan met die plasing van skole vir elke lokaal. Let asseblief op: geen onderwysers/praktisyns mag by 'n lokaal aanmeld wat nie aan hulle toegewys is nie, tensy vooraf skriftelike goedkeuring vanaf die AOO- distrikskoordineerder aan die onderwysers/praktisyns se skoolhoof gestuur is. |
| 7. |
Ten einde onderwysers van werksessiehulpbronne te voorsien, is dit noodsaaklik dat skole die korrekte registrasie-inligting verskaf. Distriksbeplanning en reelings vir die opleiding (materiaal vir elke taal, fasiliteerders, groepe, spyseniering en verblyf ingesluit) word op hierdie inligting gebaseer. |
| 8. |
Die aangehegte registrasievorm (Bylaag B) moet voltooi word en voor 8 Junie 2016, aan die betrokke AOO-distrikskoordineerder, teruggestuur word. |
| 9.1 |
'n Reistoelaag kan geeis word, onderhewig aan die volgende voorwaardes:
- Bywoning van die volle opleidingskursus moet bevestig word.
- Die totale afstand wat vir die vyfdagtydperk gereis word, moet 100 km oorskry, d.w.s. minstens 'n 20 km-retoerrit per dag.
- Die totale afstand waarvoor vir die vyfdagtydperk geeis word, mag nie 700 km oorskry nie, d.w.s. nie verder as 'n 140 km-retoerrit per dag nie. Deelnemers wat hierdie afstand oorskry, sal nie vir 'n reisafstand van meer as 700 km terugbetaal word nie en word aangeraai om eerder vir verblyf te registreer (sien paragraaf 10).
- Daar moet aan die voorwaardes voldoen word, soos uiteengesit in paragraaf 9.2 hieronder.
|
| 9.2 |
Reiseise sal volgens die volgende kriteria beraam word:
| 9.2.1 |
Gebruik van eie motor |
Onderwysers moet so ver as moontlik vervoer deel.
Slegs die bestuurder of eienaar van die voertuig mag eis vir die kilometerafstand wat gereis is. Passasiers moet gelys word.
'n Standaardtarief van R3,00 per kilometer sal betaal word. Enjinomslagvolume sal nie van toepassing wees nie. |
| 9.2.2 |
Gebruik van 'n saamryklub (betaal of gratis) in 'n privaat voertuig |
Slegs die bestuurder of eienaar van die voertuig mag eis vir die kilometerafstand wat gereis is. Passasiers moet gelys word.
'n Standaardtarief van R3,00 per kilometer sal betaal word. Enjinomslagvolume sal nie van toepassing wees nie. |
| 9.2.3 |
Gebruik van 'n skoolbus
|
Die skool moet 'n brief indien wat aandui dat die skoolbus vir hierdie doel gebruik is, met die name van die passasiers en die afstand wat gereis is.
'n Standaardtarief van R3,00 per kilometer sal betaal word. Enjinomslagvolume sal nie van toepassing wees nie. |
| 9.2.4 |
Gebruik van 'n geregistreerde diensverskaffer
L.W.: Vooraf-goedkeuring moet skriftelik van die AOO-distriks-koordineerder verkry word. |
| Stap 1) |
Voor die opleiding moet die skool drie kwotasies bekom. |
| Stap 2) |
Die skool moet hierdie kwotasies by die AOO-koordineerder indien. Die laagste kwotasie sal aanvaar word. |
| Stap 3) |
Die AOO-koordineerder moet skriftelike bevestiging aan die skoolhoof verskaf dat die diens gekontrakteer kan word. |
| Stap 4) |
Die skool moet vir die huur van die diens reel. |
| Stap 5) |
Na die diens moet die skool die diensverskaffer betaal en 'n kwitansie kry. |
| Stap 6) |
Vir die terugbetaling moet die skool 'n brief by die bestuurder van distrikseise indien. Daarin moet aangedui word dat die diensverskaffer gebruik is en die name van die passasiers en die besonderhede van die afstand wat gereis is, moet gelys word. Die kwotasies, die goedkeuring vanaf die AOO-koordineerder en die finale betaalde faktuur moet aangeheg word. |
Alle papierwerk moet as bewys vir die interne ouditeur gehou word.
Die WKOD sal SLEGS die skool by ontvangs van die getekende dokumentasie, insluitende die voorafgeskrewe goedkeuring van die AOO-distrikskoordineerder, terugbetaal.
Onderwysers moet reel dat die groep op 'n sentrale punt opgelaai word.
|
| 9.2.5 |
Gebruik van openbare vervoer bv. 'n openbare taxi, bus, trein vir kortafstand-reis |
Eise moet die begin- en eindpunt van elke stadium van die reis aandui.
Terugbetalings sal volgens die standaardtariewe gedoen word.
Bewys (kaartjies) kan deur die eise-amptenaar versoek word sodat die eis geldig verklaar kan word.
Geen taxi’s met meters mag vir eise gebruik word nie. |
|
| 9.3 |
Konteksspesifieke terme en voorwaardes kan deur die distrikte toegepas word. Dit sal skriftelike deur die betrokke distrik gekommunikeer word. |
| 10. |
Verblyf en maaltye (slegs van toepassing op onderwysers van landelike distrikte) |
| 10.1 |
Verblyf en maaltye (bed, ontbyt en aandete) kan voorsien word, onderhewig aan die volgende voorwaardes:
- Die afstand na die werksessielokaal moet meer as 60 km in een rigting wees, d.w.s. 'n 120 km retoerrit.
- Bywoning van die hele kursus moet bevestig word.
- Registrasie moet vooraf voltooi word sowel as skriftelike bevestiging deur die distrik.
- Die vereistes soos uiteengesit in 10.3 hieronder, moet ten volle nagekom word.
- Slegs een opsie (sien 10.3 hieronder) mag gekies word, en onderwysers sal nie vir enige veranderinge of alternatiewe verblyf terugbetaal word nie.
|
| 10.2 |
Verblyf sal vanaf die eerste tot die laaste dag van die werksessie voorsien word, met die opsie van aankoms tussen 15:00 en 17:00 op die Sondag voor die werksessie begin. |
| 10.3 |
Tipes verblyf
Onderwysers wat vir verblyf in aanmerking kom, kan vir EEN van die opsies hieronder registreer:
| 10.3.1 |
Koshuisverblyf |
Koshuisverblyf, teen geen koste vir onderwysers nie, waar van toepassing. Die volgende voorwaardes geld:
- Registrasievorm (Bylaag B) moet teen 8 Junie 2016 ingedien word.
- Onderwysers moet kamers deel.
- Onderwysers moet hul eie beddegoed, handdoeke en toiletware saambring.
- Die aankomstyd op die Sondag is slegs tot en met 17:00.
|
| 10.3.2 |
Geregistreerde gasvryheids-instellings, bv. bed-en-ontbyt-gastehuise en hotelle |
Die volgende voorwaardes sal geld:
- Hoogstens R400 per dag mag vir aandete, bed en ontbyt geeis word.
- 'n Oorspronklike faktuur vanaf die instelling moet deur die eiser medeonderteken en by die opleidingskursus ingedien word.
- Betaling van onvolledige of laat eise word nie gewaarborg nie.
|
| 10.3.3 |
Verblyf by familie/vriende |
Die volgende voorwaardes sal geld:
- Hoogstens R260 per dag mag vir aandete, bed en ontbyt geeis word.
- Hierdie eis moet vergesel word van 'n beedigde verklaring van die betrokke familielid/vriend, Dit moet deur die eiser medeonderteken en by die opleidingskursus ingedien word.
|
|
| 11.1 |
Alle onderwysers wat 'n eis wil indien, moet die aangehegte bankbesonderhedevorm voltooi en dit op die eerste dag by die eisetoonbank by die opleidingslokaal indien. Die bankbesonderhedevorm moet deur die bank gestempel word en slegs 'n oorspronklike vorm mag ingedien word. Deelnemers moet hierdie vorm voltooi VOORDAT die opleiding begin (m.a.w. hulle moet by die lokaal aanmeld met hierdie vorm wat klaar ingevul is). |
| 11.2 |
Alle eise moet deur oorspronklike dokumentasie ondersteun word. Geen fakse of fotokopiee sal aanvaar word nie. |
| 11.3 |
Eisers sal slegs terugbetaal word na voltooiing van die opleidingskursus en sal dus self vooraf hul eie onkoste moet betaal. Waar nodig, word skole vriendelik versoek om hul onderwysers in hierdie opsig te help. Bewys van betaling moet bewaar word. |
| 11.4 |
Terugbetalings sal gemaak word slegs na deeglike ondersoek van die eis, en die WKOD behou die reg om die finale besluit te neem waar daar enige ongerymdheid of nienakoming is. |
| 11.5 |
Alle eise moet ingedien word by die opleidingslokaal waar amptenare byderhand sal wees om eisers te help. |
| 11.6 |
Geen laat of onvoltooide eise sal aanvaar word nie, tensy daar buitengewone versagtende omstandighede is, en terugbetaling kan nie gewaarborg word nie. |
| 12. |
Vir enige verdere navrae, kontak asseblief die betrokke AOO-distrikskoordineer:
|
| 13. |
Deelnemers word versoek om volgende materiaal na die werksessie te bring:
- KABV: Huistaal;
- STELLAR-lêer met STELLAR Letters and Sound Manual; en
- Voorbeelde van praktyk van Gouelokkies/eie storie.
- Vetkryt, filtpenne, skerre, ens.
|
| 14. |
Skoolhoofde word vriendelike versoek om seker te maak dat hierdie minuut onder die tydige aandag van alle graad R-onderwysers en -praktisyns gebring word. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:05:20
|
 |