1. Die Wes-Kaap Onderwysdepartement het 6 000 A3-grootte afskrifte van 'n gestandaardiseerde tydsonekaart wat dikwels tydens die NSS Toerisme-eksamen as 'n hulpbron gebruik word, gedruk.
2. Die gestandaardiseerde tydsonekaarte word via die vakadviseur verantwoordelik vir Toerisme versprei by skole wat Toerisme as vak aanbied.
3. Elke skool sal 30 van hierdie A3-grootte kaarte ontvang en moet versoek word om die kaarte prominent in alle Toerisme-klasse te vertoon sodat die opvoeder die leerders met die gestandaardiseerde tydsonekaart vertroud kan maak.
4. Daar word aanbeveel dat opvoeders eerder die gestandaardiseerde tydsonekaart tydens die onderrig en assessering van tydsones gebruik en nie kaarte uit ander hulpbronne nie.
5. 'n Digitale weergawe van goeie gehalte van die A4-grootte kaart kan by die volgende skakel afgelaai word: http://tinyurl.com/timezonemap2016
6. Prinsipale word aangemoedig om, waar moontlik, die 30 kaarte te lamineer voordat dit in die klaskamers gebruik en vertoon word. Dit is om duursaamheid te verseker.
7. Bring asseblief die inhoud van hierdie minuut onder die aandag van alle Toerismedepartementshoofde en opvoeders verantwoordelik vir Toerisme.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:04:25