1. Die Departement van Basiese Onderwys (DBO) het 'n doelbewuste stap geneem om te verseker dat liggaamsopvoeding 'n integrale komponent van die hele leerervaring uitmaak. Deur die Kurrikulum- en Assesseringsbeleidsverklaring het leerders toegang tot liggaamsopvoeding as 'n komponent van die Lewensorienteringkurrikulum. Dit dra by tot die Geintegreerde Skolesportprogram wat die kern van sport in die land is.
2. Liggaamlikeopvoedingsmaand is as 'n voorspraak- en mobiliseringsprogram rondom die implementering van liggaamlikeopvoeding geoormerk om vanaf 06 April tot 10 Mei 2016 plaas te vind. Die oogmerk van die program is om 'n platform te voorsien waardeur die status van liggaamslikeopvoeding in Suid-Afrika verhef kan word. Deur die viering van Liggaamlikeopvoedingsmaand sal alle skole in die Verdere Onderwys- en Opleidingsband aangemoedig word om deel te neem aan kurrikulumgerigte liggaamsopvoedingsaktiwiteite wat op 10 Mei 2016 die hoogtepunt op Liggaamsopvoedingsdag bereik.
3. In samewerking met die Liggaamsopvoedingsinstituut van Suid-Afrika en belangegroepe nooi die DBO skole om ter viering van Liggaamlikeopvoedingsdag om 08:00 op 10 Mei 2016 vir twee minute aan 'n stersprongaktiwiteit deel te neem. Dit is 'n poging om 'n nuwe wereldrekord op te stel vir die meeste mense wat gelyk op verskillende plekke vir twee aaneenlopende minute stersprong.
4. Skole sal gevra word om hul tyd vir die uitdaging te sinkroniseer en hulself dienooreenkomstig op te neem.
5. Die opteken en evaluering van die wêreldrekord sal onder beskerming van die wêreldrekordpersoneel geskied.
6. Deelnemende skole sal deur die Distriksvakadviseurs van die Wes-Kaap Onderwysdepartement gemoniteer word.
7. Prinsipale word versoek om die inhoud van hierdie minuut onder die aandag van alle Lewensoriëntering-opvoeders te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:04:18