1. Afrikadag word op 25 Mei herdenk.
2. Dit eer die stigting van die Organisasie van Afrika-eenheid (OAE) in 1963, wat vandag as die Afrika-unie (AU) bekend staan. Die Afrika-unie, wat uit 53 lidstate bestaan, het die vasteland van Afrika byeen gebring om saam aandag te skenk aan die verskillende uitdagings waarvoor dit te staan gekom het, soos gewapende konflik, klimaatsverandering, rassisme en armoede.
3. Die doel van die herdenking van Afrikadag is om Afrika-eenheid en kultuur te vier.
4. Die herdenking sal aan individue die geleentheid bied om te besin en bewustheid oor diversiteit, inklusiwiteit en rassisme binne gemeenskappe en leerinrigtings te wek.
5. Prinsipale en opvoeders word versoek om 'n geskikte tyd gedurende die week van Afrikadag te vind om leerders bewus te maak van hul rolle en verantwoordelikhede as burgers.
6. 'n Bylae met voorgestelde aktiwiteite is ingesluit.
7. Die volksliedleers van die Afrika-unie kan ook van ons webwerf afgelaai word by: http://www.wcedcurriculum.westerncape.gov.za/index.php/student-parent-support/africa-day-celebrations
8. Vir meer inligting, skakel asseblief vir Bridget Tobin, AHO: Geskiedenis, by e-posadres Bridget.Tobin@westerncape.gov.za of telefoonnommer 021 467 2251.
9. Bring asseblief die inhoud van hierdie minuut onder die aandag van die betrokke personeel.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:04:18

Voorgestelde aktiwiteite  (grootte: 112 KB)
"African Union Anthem"  (grootte: 29 KB)