| 1. |
Die Wes-Kaap Onderwysdepartement (WKOD) is deur die Departement van Basiese Onderwys versoek om alle skole wat tegniese vakke in die Wes-Kaap Provinsie aanbied, in te lig van die implementering van die gespesialiseerde tegniese vakke, insluitend Tegniese Wiskunde en Tegniese Wetenskappe vir tegniese skole. |
| 2. |
Alle skole is via Minuut DCF 0005/2015 van die implementeringsdatum ingelig. |
| 3. |
Die sukses van die implementering van die nuwe tegniese vakke, sowel as Tegniese Wiskunde en Tegniese Wetenskappe, is afhanklik van mensekapitaal met die nodige vaardighede en inhoudskennis. |
| 4. |
Daar is dus ’n behoefte om die vaardighede en inhoudkennis van opvoeders wat die nuwe tegniese vakke sal aanbied, te ontwikkel. Die WKOD het goed toegeruste inrigtings geïdentIfiseer wat geskik is vir die opleiding van hierdie opvoeders. |
| 5. |
Dit is dus noodsaaklik dat alle opvoeders by tegniese skole wat Siviele, Elektriese en Meganiese Tegnologie aanbied, insluitend die onderwysers wat geïdentifiseer is om Tegniese Wiskunde en Tegniese Wetenskappe onderrig, twee, vyf dae lange opleidingsessies van Maandag tot Vrydag gedurende die Junie- en Septemberskoolvakansie bywoon. Die presiese datums en opleidingslokale sal binnekort deurgegee word. |
| 6. |
Die KABV se tegniese spesialiseringsvakke, Tegniese Wiskunde en Tegniese Wetenskappe word tans in graad 10 geïmplementeer en sal in 2017 in graad 11 ingevoer word. Oriëntering en vaardigheidsopleiding vir graad 11-opvoeders moet dus in 2016 plaasvind. |
| 7. |
Bring asseblief die inhoud van hierdie minuut onder die aandag van alle onderwysers by u skool. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:03:09
|
 |