| 1. |
Die Letterkundeondersteuningskomitee (LOK) nooi hiermee alle Graad 10-, 11- en 12-Afrikaansonderwysers na die 2016-simposium, wat op Saterdag, 20 Februarie 2016 vanaf 08:00 tot 14:30 by die Hoërskool Durbanville in Durbanville aangebied sal word. |
| 2. |
Die hoofdoel van die simposium is om die onderrig van letterkunde te ondersteun, maar daar sal ook 'n fokus wees op ander dissiplines, soos skryf en grammatika. |
| 3. |
Die simposiumprogram sal teen 22 Januarie 2016 op die WKOD se Kurrikulumontwikkelingswebtuiste, http://www.wcedcurriculum.westerncape.gov.za/, beskikbaar wees. Klik op FET: Further Education and Training; in die tuimelkieslys kies u "Languages"; kies dan "Afrikaans"; klik dan op "Downloads"; kies dan "Onderwysbronne". |
| 4. |
Die registrasiegeld vir die 2016-simposium is R100,00 vir onderwysers en R75,00 vir voltydse studente. Persone wat belangstel, kan hierdie bedrag inbetaal in die Nedbanktjekrekening van die Letterkundeondersteuningskomitee (LOK), rekeningnommer 1089131240. Tjeks moet uitgemaak word aan die Letterkundeondersteuningskomitee (LOK). Gebruik asseblief die akroniem "LOK" en die naam van die skool as 'n verwysing wanneer u die deposito betaal. Die Afrikaansvakadviseurs en die Departement Afrikaans & Nederlands aan die Universiteit van Wes-Kaapland sal verantwoordelik wees vir die administratiewe en logistieke reëlings van die LOK-simposium. |
| 5. |
Voornemende deelnemers moet die registrasievorm wat hierby ingesluit is (Bylae A) voltooi en dit, saam met die bewys van betaling, faks aan me Janine Pekeur van die Universiteit van Wes-Kaapland by faksnommer 021 959 1249 teen nie later nie as 5 Februarie 2016. Indien u Me Pekeur wil kontak, kan u die telefoonnommer 021 929 2112 en of e-posadres lokfeb@2015@gmail.com gebruik. Ons herinner u daaraan om asseblief die akroniem LOK en die naam van die skool as verwysing te gebruik. |
| 6. |
Onderwysers wat 250 km of verder (enkelrit) na die simposium reis, sal volgens die WKOD-tariewe en prosedures vir vervoer vergoed word. (Sien Bylaes B – D vir die vervoereis vorms). Alle onderwysers wat vir vervoer wil eis, word versoek om asseblief die BAS-vorm (Bylae D) by die betrokke bank te voltooi. Slegs een voertuig per skool mag vir vervoer eis. |
| 7. |
Om die organiseerders van die LOK-simposium te help, word onderwysers versoek om by die bogenoemde sperdatum te hou, aangesien geen laat inskrywings aanvaar sal word nie. |
| 8. |
Bring asseblief die inhoud van hierdie minuut onder die aandag van almal wat betrokke is. |
GETEKEN: PAD BEETS
WNDE ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:01:26
|
 |