1. Die Wes-Kaap Onderwysdepartement (WKOD) bied lesuitsendings aan via die interaktiewe telematikaplatform, (lesse via satelliet-tegnologie uitgesend), gedurende die periode van Februarie-November 2016.

2. Die lesse gedurende Februarie en Maart sal die huidige graad 12 leerders van 2016 en kandidate wat die aanvullende Nasionale Senior Sertifikaat-eksamen (NSS) skryf, akkommodeer.

3. Kandidate wat die aanvullende eksamens skryf, kan die uitsending by 'n telematies-toegeruste skool naaste aan hulle woonplek bywoon (sien Bylae B vir die ligging van hierdie skole). Hierdie kandidate word versoek om hulle eie skryfbehoeftes na die lesse te bring. Kandidate wat nie toegang het tot enige skool wat in Bylae B genoem is nie, kan ondersteuningslesse op DVD's teen 'n nominale prys by die WKOD aankoop deur EDUMEDIA te kontak by 021 689 9536. Sien katalogus aangeheg as Bylae C.

4. Die lesse sal die verskillende grade soos volg akkommodeer:

Februarie en Maart Huidige graad 12 en die wat die aanvullende eksamen skryf
April tot September Graad 12
Oktober en November Graad 11

5. Die volgende vakke sal aangebied word:

  • Wiskunde
  • Fisiese Wetenskappe
  • Rekeningkunde
  • Geografie
  • Lewenswetenskappe
  • Besigheidstudies
  • Geskiedenis
6. Die aangehegte Bylae A verskaf die rooster van lesse sowel as die onderwerpe.

7. Die onderwerpe van die lesse sal ook in die leerderboeke, wat aan elke leerder in elk van die sewe vakke verskaf word, gedruk word. Prinsipale moet by die VOO-koördineerder in hulle distrik navraag doen indien die boekies nie teen Vrydag, 22 Januarie 2016 by hulle skole afgelewer is nie.

8. Die aanbieders is leidende onderwysers wat gekies is vir hulle kundigheid in hulle vakke.

9. Aangesien lesse na skoolure gedurende die week aangebied word, is dit uiters noodsaaklik dat prinsipale reëlings met die ouers van graad 11- en 12-leerders asook met hulle beheerliggame bespreek.

10. Die bywoning van leerders sal gereeld deur hoofkantoor- en distriksbeamptes gemonitor word.

11. Daar word van prinsipale verwag om kwartaalliks verslag te doen van bywoning van leerders, sowel as van die suksesse of probleme wat met die program ondervind word.

12. Indien u enige navrae oor hierdie inisiatief het, neem die vrymoedigheid om Dr G Schreuder te kontak by telefoon 021 467 2576 of e-posadres Glynis.Schreuder@westerncape.gov.za

13. Prinsipale van nie-telematiese skole word versoek om kandidate wat die aanvullende eksamen skryf, aan te moedig en te help om van hierdie geleentheid gebruik te maak.

14. Prinsipale word versoek om die inhoud van hierdie minuut onder die aandag van alle betrokke personeel, graad 11- en 12-leerders en hulle ouers of toesighouers te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:01:13

Bylae A: "Telematics schedule for 2016"  (grootte: 58 KB)
Bylae B: "Schools presenting lessons on Telematics platform"  (grootte: 21 KB)
Bylae C: "Telematics catalogue and order form"  (grootte: 868 KB)