1. Die Wes-Kaap Onderwysdepartement het ‘n boekie, genaamd Wenke vir Sukses, voorberei vir elkeen van die Wes-Kaapse 2016 Nasionale Senior Sertifikaat (NSS) kandidate om hulle te help met voorbereiding vir die eksamen. Die boekie verskaf studiewenke, eksamenwenke, beursinligting, wenke vir sukses en ander nuttige inligting.
2. Die boekie moet aan elke graad 12-leerder gegee word tydens Januarie 2016.
3. Behalwe die boekies vir kandidate, sal addisionele boekies per skool ingesluit word vir elke graad 12 onderwyser. Die boekies sal teen 25 Januarie 2016 deur distriksbeamptes by alle hoërskole afgelewer word.
4. Indien die verkeerde getal boekies by die skool afgelewer word, kontak asseblief u distrikskantoor. Oortollige boekies moet aan die distrikskantoor terugbesorg word.
5. Om te verseker dat hierdie boekies die verlangde effek het om kandidate met hulle eksamenvoorbereidings te help, word dit sterk aanbeveel dat onderwysers die inhoud van die boekie met hulle graad 12-klasse bespreek en kandidate aanmoedig om dit te lees en te gebruik.
6. Vorige eksamenvraestelle en nasienmemorandums kan verkry word by http://wced.school.za
7. Bring asseblief die inhoud van hierdie minuut onder die aandag van alle lede van u personeel.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:01:12