| 1. |
Die Wes-Kaap Onderwysdepartement (WKOD) is deur die Departement van Basiese Onderwys (DBO) versoek om alle skole wat tegniese vakke aanbied oor die tussentydse riglyne vir die implementering van die tegniese spesialiseringsvakke, insluitend Tegniese Wiskunde en Tegniese Wetenskap, in te lig. |
| 2. |
In Maart 2016 is Omsendbrief S1 van 2016 deur die DBO gepubliseer om duidelikheid oor implementeringsdatums na die promulgering van Staatskoerant 39435 van 20 November 2015 en DBO-omsendbrief S15 van 2015 te gee. |
| 3. |
Omsendbrief S1 van 2016 bied duidelikheid oor die wysigings gelys in Omsendbrief S15 van 2015 en die implementeringsdatums gepromulgeer in Staatskoerant 39435. |
| 4. |
Ondersteunende Omsendbrief S1 van 2016 was die tussentydse riglyndokument oor die implementering van tegniese vakke, insluitend Tegniese Wiskunde en Tegniese Wetenskap.
|
| 5. |
Die doel van die tussentydse riglyndokument was om duidelikheid aan distrikte en skole te gee oor die implementering van nuwe tegniese spesialiseringsvakke, insluitend Tegniese Wiskunde en Tegniese Wetenskap. |
| 6. |
Daar was egter verskillende interpretasies van die voorskrifte van beleid en regulasie in die Staatskoerant en die riglyndokument as gevolg hoe tegniese vakke tans aangebied word. |
| 7. |
'n Hersiene implementeringsriglyndokument is opgestel. Dit is op 21 Julie 2016 gepubliseer en moet saam met die volgende beleidsdokumente gelees word:
- Nasionale Beleid betreffende die Program- en Bevorderingsvereistes van die Nasionale Kurrikulumverklaring vir graad R tot12;
- Regulasies met betrekking tot die Nasionale Kurrikulumverklaring vir graad R tot 12;
- Nasionale Beleid betreffende die Afneem, Administrasie en Bestuur van die Nasionale Senior Sertifikaat-eksamen;
- Regulasies betreffende die Afneem, Administrasie en Bestuur van die Nasionale Senior Sertifikaat-eksamen;
- Kurrikulum- en Assesseringsbeleidsverklaring (KABV); en
- Omsendbrief S15 van 2015.
Die bovermelde nasionale beleidsdokumente en regulasies is op die DBO se webwerf by www.education.gov.za onder "Resources - Policies" beskikbaar.
|
| 8. |
Prinsipale moet seker maak dat vakkombinasies vir tegnies gefokusde skole met die Nasionale Beleid betreffende die Program- en Bevorderingsvereistes van die Nasionale Kurrikulumverklaring vir graad R tot 12, soos gewysig, ooreenstem. Binne die regulasies is . voorbehoudsbepaling dat . fokusskool met . tegniese rigting . kombinasie van die volgende behoort aan te bied:
- Wiskunde en Fisiese Wetenskap;
- Tegniese Wiskunde en Tegniese Wetenskap; of
- Wiskunde en Tegniese Wetenskap.
Let wel:
- 'n Leerder kan nie Tegniese Wiskunde saam met Fisiese Wetenskap neem nie.
- Wiskundige Geletterdheid sal nie as deel van die pakket vir fokusskole met 'n tegniese rigting aangebied word nie.
- Leerders wat 'n tegniese rigting volg, moet Ingenieursgrafika en -ontwerp as 'n verpligte vak neem.
|
| 9. |
Bring asseblief die inhoud van hierdie minuut onder die aandag van alle onderwysers in u skool. |
GETEKEN: BK SCHREUDER
WAARNEMENDE HOOF: ONDERWYS
DATUM: 2016:10:22
|
 |