1. Poetry FOR LifeTM is 'n inisiatief deur 'n groep Suid-Afrikaners wat deur poësieentoesiaste in ander lande geinspireer is, en 'n herlewingsveldtog ("drive to revive") begin het om die antieke kuns om poësie te leer en voor te dra, te laat herleef.
2. Die afgelope paar jaar het passievolle mense in die Verenigde State van Amerika, Kanada, Ierland en Engeland elk nasionale poësie-sprekende kompetisies bekendgestel. Hierdie kompetisies vind jaarliks plaas en loop uit op 'n internasionale kompetisie tussen die deelnemende lande. In elke land vind die poësie-kompetisie onder 'n ander naam plaas, maar die doel bly dieselfde; om senior skoolstudente aan te moedig om poësie te leer en oor te dra.
3. Hierdeur geinspireer, het Cambridge University en die Statebond Opvoedkundige Trust in samewerking met die Suid-Afrikaanse poësie Projek (SAPP), 'n Poetry FOR LifeTM in Suid Afrika gestig. Daar word gehoop dat dit 'n jaarlikse nasionale kompetisie sal word wat oop is vir graad 10 tot 12 leerders wat Engels Huistaal en Eerste Addisionele Taal regoor die land neem.
4. Die kompetisie sal bestaan uit twee afdelings, en van elke deelnemer sal verwag word om twee gedigte vanuit 'n lys gedigte wat deur die organiseerders saamgestel is, te leer en voor te dra. Vir 2017 is daar 55 internasionale Engelse gedigte vanuit die lys wat deur die poësie programme in Engeland gebruik word en 55 Suid-Afrikaanse gedigte wat deur die SAPP gekies is (die aangehegte bylaag bevat die programbesonderhede, lys gedigte en 'n inskrywingsvorm.
5. Alle skole word aangemoedig om te registreer en aan hierdie opwindende kompetisie deel te neem.
6. Bring asseblief die inhoud van hierdie minuut onder die aandag van alle betrokke onderwysers.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:10:04

Bylae A: "Important dates and details for the competition"  (grootte: 44 KB)
Bylae B: "Poetry FOR LifeTM ANTHOLOGY – 2017"  (grootte: 58 KB)
"Registration form – 2017"  (grootte: 47 KB)