| 1. |
Die nasionale Departement van Basiese Onderwys (DBO), in samewerking met "South African History Online", nooi hiermee alle skole uit om aan die 2016 Nasionale Mondelinge geskiedenis-kompetisie vir die Nkosi Albert Luthuli-toekenning vir Jong Geskiedkundiges deel te neem. |
| 2. |
Hierdie kompetisie wat sedert 2005 plaasvind, vorm deel van die DBO se bydrae tot die versterking van die onderrig en leer van Geskiedenis in skole. |
| 3. |
Dit is ook deel van die DBO se voortgesette inisiatief om alle leerders aan te moedig om nie net 'n begrip van die bre geskiedenis van Suid-Afrika te ontwikkel nie, maar ook die belangrikheid van die geskiedenis van hulle plaaslike gemeenskappe te ervaar. Dit is ook 'n geleentheid vir jong leerders om ondervinding op te doen in die ontwikkeling van belangrike navorsingsvaardighede. |
| 4. |
Die kompetisie is oop vir alle leerders van graad 8 tot graad 11, sowel as alle Sosiale Wetenskappe- en Geskiedenis-onderwysers van sekondre skole. |
| 5. |
Leerders en onderwysers word aangeraai om die South African History Online se webwerf te besoek by www.sahistory.org.za vir inligting oor mondelinge geskiedenisnavorsing, sowel as die Suid-Afrikaanse Geskiedenisargief se webwerf by www.saha.org.za |
| 6. |
Kompetisie vir leerders
Daar sal van leerders verwag word om navorsing te doen en 'n mondelinge voorlegging oor een van die volgende onderwerpe voor te berei: |
| 6.1 |
Vryheid, demokrasie en die geskiedenis van hulle skool: Hoe hulle skool apartheid ervaar het sowel as die veranderinge sedert die koms van demokrasie in 1994. Daar word van leerders verwag om 'n onderhoud te voer met lede van die gemeenskap, sowel as voormalige leerders en onderwysers wat deel was van die skool tydens die apartheidsera. Hulle moet ook vasstel hoe die skool sedert die koms van demokrasie in 1994 verander het. Leerders kan ook bespreek of die skool deur die Soweto-jeugopstand in 1976 beinvloed is, en hoe dit die skool verander het. |
| 6.2 |
Die lewensverhaal van 'n voormalige leerder in die 1970fs en hoe die Bantoe-onderwys/Wet op Bantoe-onderwys van 1953 toegang tot gehalte onderrig vir Afrikane beinvloed het. Hoe het die Wet op Bantoe-onderwys van 1953 bygedra tot 16 Junie 1976 se Soweto-jeugopstand? Daar word ook van leerders verwag om 'n onderhoud te voer met 'n leerder wat aan die 1976 Soweto-jeugopstand deelgeneem het om uit te vind hoe Bantu-onderrig hulle toegang tot onderrig beinvloed het en hoe die tot die 1976-opstand gelei het. Leerders moet ook aandui of die 16 Junie-opstand die toegang tot kwaliteit onderrig van vandag beinvloed het. |
| 6.3 |
'n Geslagsaktivis in hulle gemeenskap wat aan die 1956-vroue-optog deelgeneem het. Hoe het die 1956-vroue-optog die strewe na geslagsgelykheid in Suid-Afrika gevorm. Daar word van leerders verwag om 'n onderhoud te voer met 'n geslagsaktivis in hulle gemeenskap wat in die 1956-vroue-optog deelgeneem het en uitvind hoe die optog die kwessie van geslagsgelykheid in Suid-Afrika verander het. |
| 6.4 |
Sosiopolitieke bibliografie van 'n plaaslike held of heldin in my gemeenskap en hoe die Grondwet van Suid-Afrika hulle lewens verander het na die aanpassing op 08 Mei 1996. Daar word ook van leerders verwag om 'n onderhoud te voer met 'n individu in hulle gemeenskap wat 'n plaaslike held of heldin was gedurende die apartheidsera, en by hulle uit te vind hoe die Grondwet hulle lewens asook alle Suid-Afrikaners geraak het. |
| 7. |
Let asseblief op die volgende:
- Die projek moet op mondelinge geskiedenis-navorsing gebaseer wees.
- Leerders moet gehelp word in hulle keuse van persone met wie onderhoude gevoer moet word en moet sterk aangemoedig word om 'n persoon of persone uit hulle plaaslike gemeenskap te kies.
- Leerders moet aangeraai word om onderhoude met ten minste 3 tot 4 persone te voer.
- Beoordeling sal hoofsaaklik geskied op grond van die navorsing wat gedoen is.
- Die leerders kan hulle projek in enige van die amptelike tale aanbied.
- Leerders moet 'n portefeulje voorlê waarin al hulle navorsing gedokumenteer is.
|
| 8. |
Kriteria - Daar sal van leerders verwag word om TWEE dinge te doen: |
| 8.1 |
'n Mondelinge voorlegging aanbied (die oogmerk is dat dit nie 'n dramatiese voorlegging of gedigte moet wees nie). Berei 'n portefeulje in geskrewe formaat voor wat die volgende moet insluit: |
| 8.1.1 |
Bewys van navorsing. Leerders moet onderhoude voer met lede van die gemeenskap en moet in staat wees om bewyse van onderhoude te kan toon, byvoorbeeld, briewe aan persone met wie onderhoude gevoer word, transkripsies van onderhoude of klankopnames, met inbegrip van die lys vrae wat aan die persone gestel is met wie hulle onderhoude gevoer het asook hulle response - óf op skrif of digitale klankopname. |
| 8.1.2 |
Onderhoude mag in enige van die amptelike tale gevoer en opgeneem word. |
| 8.1.3 |
Portefeuljes moet ook bewyse lewer van nadenke en moet aandag gee aan die volgende:
- Leerders moet dit duidelik stel hoekom hulle die persone gekies het vir onderhoude, 'n duidelike begrip toon van die historiese konteks waarin die individu gewerk het en hoe die inligting uit die onderhoud verband hou met die historiese konteks of hoe dit ons help om die gebeure uit 'n persoonlike perspektief te verstaan.
- Leerders moet 'n persoonlike nabetragting insluit oor wat hulle geleer het aangaande die moontlikhede vir individue om verandering in die samelewing mee te bring, en oor wat hulle persoonlik gedurende die navorsing geleer het en oor die waarde van mondelinge geskiedenisnavorsing om ons te help om ons verlede te verstaan.
- Leerders moet alle bronne erken wat in die portefeuljes gebruik is. Bibliografiee moet ingesluit word. Plagiaat sal swaar gepenaliseer word.
|
| 9. |
Kompetisie vir Onderwysers |
| 9.1 |
Onderwysers van sekondere skole wat vir die kompetisie inskryf, moet 'n werkplan indien oor hoe hulle die mondelinge geskiedenis-projek beplan het en hoe hulle te werk gegaan het om die geskiedenis-projek in klaskamer te implementeer. |
| 9.2 |
Daar sal van elke onderwyser verwag word om 'n aanbieding te lewer voor 'n paneel beoordelaars oor sy of haar portefeulje, en moet bereid wees om 'n paneelbespreking oor sy of haar portefeulje te voer. |
| 9.3 |
Onderwysers moet die volgende in 'n portefeulje vir die kompetisie insluit:
- Hoe die mondelinge geskiedenis-projek in die klaskamer bekendgestel is.
- Leerders kan plakkate vir die erfenisterrein ontwikkel.
- Watter verduideliking is aan leerders gegee oor die kies en benadering van moontlike persone om mee onderhoude te voer, voorbereiding vir en afneem van onderhoude en die gebruik van die onderhoud as bewys waaruit afleidings oor die deelname van daardie individu gemaak kan word.
- Watter intervensies die onderwysergemaak het om die leerders by te staan om die projek te voltooi.
- Wat die leerders na die onderwyserse mening geleer het uit die mondelinge geskiedenis-projek.
- 'n Reeks voorbeelde van leerders se werk moet ingesluit word.
|
| 10. |
Provinsiale beoordelingsproses |
| 10.1 |
Onderwysers moet leerders identifiseer en voorberei vir die uitdunrondes binne die distrikte en die provinsiale geleentheid en verseker dat alle leerders wat ingeskryf het, teenwoordig en gereed is vir die provinsiale geleentheid en dat die nodige vervoer na en van die geleenthede gereel is. Die distrik se eliminasie rondtes en lokale sal aan alle deelnemers gekommunikeer word. |
| 10.2 |
Leerders moet:
- Hulle navorsing, vraelyste, onderhoude en transkripsies betyds voltooi;
- Seker maak dat hulle die portefeuljes van bewys saamgestel het;
- Hulle aanbiedinge voltooi;
- Enige vrae oor hulle projekte en navorsing kan beantwoord; en
- In staat wees om hulle persoonlike ervarings te reflekteer en te deel.
|
| 10.3 |
Die provinsiale beoordelingsproses sal op 20 Augustus 2016 plaasvind. Voorlopige werksessies vir onderwysers en leerders sal deur die vakadviseurs binne die distrikte gereel word. Die tye en lokale sal, via die vakadviseurs vir Sosiale Wetenskappe en Geskiedenis, bevestig word. |
| 10.4 |
Beoordelingsroosters vir onderwysers en leerders (Bylaag A), 'n toestemmingsvorm vir persone met wie onderhoude gevoer gaan word (Bylaag B) en 'n beoordelingsvorm vir persone met wie onderhoude gevoer gaan word (Bylaag C) moet ook
|
| 10.5 |
Die DBO sal verantwoordelik wees vir reis- en verblyfkostes vir deelnemende leerders en onderwysers tydens die nasionale kompetisie in Pretoria wat vanaf 30 September tot 03 Oktober 2016 sal plaasvind. |
| 11. |
Vir verdere inligting, kontak asseblief Bridget Tobin by tel. no. 021 467 2727 of e-pos by Bridget.Tobin@westerncape.gov.za. Prinsipale word vriendelik versoek om die inhoud van hierdie minuut onder die aandag van die skoolbestuurspan en die betrokke onderwysers te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:05:09
|
 |