1. Die Minister van Basiese Onderwys het wysigings aan die beleid en regulasies met betrekking tot die Nasionale Kurrikulumverklaring graad R tot 12 en oor die Afneem, Administrasie en Bestuur van die Nasionale Senior Sertifikaat-eksamen gepromulgeer. Daarin is gestipuleer dat Wiskunde met Rekeningkunde of Fisiese Wetenskappe verpligtend is.

2. Die Departement van Basiese Onderwys (DBO) het nietemin die implementeringsdatum vir die infasering van hierdie wysigings uitgestel.

3. Die nuwe implementeringsdatums vir die verpligte aanbieding van Wiskunde met Rekeningkunde of Fisiese Wetenskappe is soos volg:

  • Graad 10 in 2017;
  • Graad 11 in 2018; en
  • Graad 12 in 2019.
4. Skole wat reeds die wysigings geimplementeer het, moenie hul vakkombinasies verander nie. Die uitsteltydperk is toegestaan om skole te akkommodeer wat nie die wysigings in 2016 kon implementeer nie.

5. Prinsipale word vriendelik versoek om hierdie inligting onder die aandag van die huidige graad 9 en 10 leerders en onderwysers te bring.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:05:13