| 1. |
Die Departement van Basiese Onderwys (DBO) het op 02 Desember 2016 Nasionaleassesseringsomsendbrief 3 van 2016 vrygestel waarin aangedui word dat 'n spesiale kondonering goedgekeur is om leerders, wie se bevordering na die volgende graad ernstig benadeel mag word as gevolg van die vereiste om vlak 3 (40%) vir Wiskunde te behaal, te akkommodeer. |
| 2. |
Indien die leerder al die vereistes ten opsigte van bevordering van een graad na die volgende (bv. graad 7, 8 en 9) nagekom het, maar nie 'n vlak 3 (40%) in Wiskunde behaal het nie en daarom teruggehou moet word, moet sodanige leerders ten opsigte van Wiskunde gekondoneer word, mits hulle 'n minimum van 20% in Wiskunde behaal. |
| 3. |
Die proses van puntaanpassings soos uiteengesit in Assesseringsbestuursminuut 0020/2015 bly van toepassing. Dit beteken dat die puntaanpassings soos beskryf in Assesseringsbestuursminuut 0020/2015 eers toegepas moet word en daarna kan hierdie spesiale kondonering in werking tree. |
| 4. |
Daar word aanbeveel dat skole wat van die WKOD se rekordering- en rapporteringsprogramme vir graad 7, 8 en 9 gebruik maak, die proses moet volg wat hieronder beskryf word: |
| 4.1 |
Skole word verplig om nuwe programme vir graad 7, 8 en 9 van SOBIS af te laai en dan hul bestaande leers by die nuwe weergawes in te voer. |
| 4.2 |
Daar moet dan een keer op die knoppie op die Skeduleblad van die program gekliek word om die aanpassing sowel as die kondoneringproses te voltooi. |
| 4.3 |
Die skedule, verifikasieproses en verslagkaart sal dan outomaties die veranderinge weerspieel. |
| 4.4 |
Dit sal net nodig wees om die skedule, verifikasieblad en verslagkaart weer uit te druk vir die leerders wat deur die spesiale kondonering geraak word. |
| 5. |
Skole met leerders wat deur hierdie spesiale kondonering geraak word en wat van hul eie programme gebruik maak, moet die proses voltooi soos beskryf in die aangehegte DBO Nasionale-assesseringsomsendbrief 3 van 2016 (Bylae A).
|
| 6. |
Die bygewerkte skedule, aanpassingslys en verifikasieblad moet uitgedruk en aan die Kringbestuurder gestuur word. |
| 7. |
Waar nodig, moet die bevorderingstatus van leerders op SOBIS as "Promoted with Mathematics condonation" vasgele word. |
| 8. |
Let asseblief daarop dat hierdie kondonering net in 2016 op graad 7, 8 en 9 van toepassing is. |
| 9. |
In die geval van graad 9-leerders, moet daarop gelet word dat leerders wat 'n minimum punt van 20% behaal, nie toegelaat sal word om Wiskunde in Graad 10 te neem nie. Die DBO het opdrag gegee dat hulle slegs vir Wiskundige Geletterdheid mag inskryf. 'n Minimum punt van 30% is nodig indien 'n leerder Wiskunde in Graad 10 wil neem. Hierdie besluit sal vanselfsprekend ook 'n impak op vakkombinasies he (Fisiese Wetenskap en Rekeningkunde wat Wiskunde vereis). |
| 10. |
Die WKOD vra om verskoning vir die laat kennisgewing vanaf die DBO. |
| 11. |
Prinsipale word versoek om die inhoud van hierdie minuut onder die aandag van alle graad 7, 8 en 9-onderwysers te bring. |
GETEKEN: P BEETS
WAARNEMENDE ADG: KURRIKULUM- EN ASSESSERINGSBESTUUR
DATUM: 2016:12:05
|
 |