1. Behoorlike bestuur en administrasie van eksamens by alle inrigtings is noodsaaklik om die integriteit en geloofwaardigheid van die eksamenuitslae te verseker. Ingevolge nasionale en provinsiale beleide is skoolhoofde en sentrumbestuurders verantwoordelik vir alle eksamens wat by hul skole afgeneem word.
2. Hoewel ons nie verwag dat die skryf van die NSS- of OOV Vlak 4-eksamens in 2016 ontwrig sal word nie, is dit noodsaaklik dat 'n omvattende risikobestuursplan deur elke inrigting ontwikkel word om enige ontwrigting wat die bestuur en afneem van hierdie eksamens mag beinvloed, die hoof te bied.
3. In die geval van 'n ontruiming, moet die kringbestuurder of distriksdirekteur onmiddellik van die voorval in kennis gestel word. Die kringbestuurder of 'n ander aangewese amptenaar van die distrikskantoor sal poog om die skool onmiddellik te besoek om hom/haar te vergewis van die prosedures wat deur die skool gevolg is. Die aangewese amptenaar van die distrikskantoor moet die situasie noukeurig monitor van die tyd dat hy of sy by die skool aankom.
4. Versuim om die ontruiming volgens die vasgestelde prosedures te doen, sal die geloofwaardigheid van die eksamen in gedrang bring en kan daartoe lei dat alternatiewe reelings getref moet word, soos die herskedulering van die eksamen op 'n latere datum.
5. Prinsipale moet kandidate inlig aangaande die skool se gebeurlikheidsplan, Bylae A, vir ontruiming en die ernstige gevolge indien so 'n ontruiming nie ooreenkomstig die beleid uitgevoer word nie.
6. In die onwaarskynlike geval dat 'n nasionale of provinsiale eksamen oorgeskryf moet word, sal die WKOD alle prinsipale onmiddellik in kennis stel nadat die besluit geneem is.
7. Prinsipale mag gebruik maak van die meegaande kontrolelys, Bylae B, om hulle te help om potensiele risikofs vir die doeltreffende afneem van die eksamens te identifiseer en om hulle risikobestuursplan ooreenkomstig te ontwikkel.
8. Enige ontwrigting van die eksamenproses of die oopmaak van die verkeerde vraestel moet onmiddellik by een van die volgende WKOD-amptenare gerapporteer word:

Mnr HJ. Swart, tel 021 467 2057, selnommer 082 409 8820
Mnr AP Clausen, tel 021 467 2945, selnommer 082 773 9980
Me T Singh, tel 021 467 2541, selnommer 084 312 8333
Mnr BK Schreuder, tel 021 467 2519, selnommer 082 373 5989
9. Die WKOD wens u alles van die beste toe vir die komende eksamen.


GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:09:24

Bylae A: Gebeurlikheidsplan om noodgevalle te hanteer  (grootte: 52 KB)
Bylae B: Riskobestuur-kontrolelys vir die Nasionale Senior Sertifikaat- en OOV Vlak 4-eksamen  (grootte: 55 KB)