| 1. |
Hierdie minuut moet saamgelees word met Assesseringsbestuurminuut 0022/2015, gedateer 20 November 2015, wat die vordering van leerders in grade 10 en 11 verduidelik. Weens die hoe volumes navrae aan die Provinsiale Onderwysdepartemente oor die vorderingskriteria in grade 10 en 11, het die Departement van Basiese Onderwys (DBO) Omsendbrief E22 van 2016 uitgereik, wat meer duidelikheid en riglyne in hierdie verband verskaf. |
| 2. |
Die doel van Assesseringsbestuurminuut 0022/2015 was om die regulasies met die minimum vereistes van die Nasionale Senior Sertifikaat in lyn te bring om te verseker dat 'n leerder wat bevorder word, aan die basiese kriteria voldoen wat die leerder sal help om die eise van die volgende graad te hanteer. |
| 3. |
Die kriteria wat in Assesseringsbestuurminuut 0022/2015 ingesluit is, word hieronder verduidelik: |
| 3.1 |
Die leerder MOES gedruip het om aan die bevorderingsvereistes van of graad 10 of graad 11 te voldoen en of graad 10 of graad 11 herhaal het. |
| 3.2 |
Die leerder MOES 30% in ten minste vier vakke behaal het wat die taal van leer en onderrig (TLO) van die skool insluit. |
| 3.3 |
Die leerder MOES skool op 'n gereelde basis bygewoon het. Afwesigheid van meer as 20 dae sonder 'n geldige rede sal die leerder diskwalifiseer om bevorder te word. |
| 3.4 |
Die leerder MOES aan die voorgeskrewe skoolgebaseerde assesseringsvereistes (SGA) vir die betrokke akademiese jaar voldoen het. |
| 4. |
Die Minister van Basiese Onderwys het daarbenewens goedkeuring gegee dat bevorderde leerders toegelaat word om die Meervoudige Eksamengeleentheid (MEG)-opsie by die skryf van die Nasionale Senior Sertifikaat-eksamen te kies. Dit hou in dat bevorderde leerders na die voorlopige voorbereidingseksamen in September, en gebaseer op hulle prestasie in die voorlopige eksamen, kan kies om al ses vakke of minder as die pakket van ses vakke in die November 2016-eksamen te skryf. Die oorblywende vakke sal in 2017 tydens die Junie-eksamen geskryf word. |
| 5. |
Prinsipale MOET seker maak dat die geaffekteerde leerders en ouers oor die MEG-opsie geraadpleeg word. Dit is ook belangrik om daarop te let dat die MEG-opsie slegs op bevorderde leerders van toepassing is. |
| 6. |
Prinsipale word versoek om op te hou om kandidate wat tydens die voorafeksamens swak gevaar het, te deregistreer aangesien hierdie kandidate outomaties die SGA-punte wat hulle reeds versamel het, sal verloor. |
| 7. |
Die Riglyne vir die Implementring van Bevordering en Vorderingsvereistes vir Grade 10 tot 11 (2016), is by hierdie minuut aangeheg. |
| 8. |
U word vriendelik versoek om die inhoud van hierdie minuut onder die aandag van alle graad 12-leerders, onderwysers en ouers by u skool te bring. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:09:02
|
 |