| 1. |
Die Kaapse Onderrig- en Leierskapinstituut (KOLI) Wiskunde-onderwysers vir graad R tot 7 uit om of as aanbieders of deelnemers aan die Wiskundeoplossingskonferensie deel te neem. |
| 2. |
Doel
Die doel van hierdie Wiskundekonferensie is om voorbeelde te voorsien van maniere waarop Wiskunde effektief onderrig kan word. |
| 3. |
Datum, tyd en plek
Die konferensie sal op Dinsdag, 04 Oktober 2016, vanaf 08:00 tot 15:00, en op Woensdag, 05 Oktober 2016, vanaf 08:00 tot 13:00 by die Kaapse Onderrig- en Leierskapinstituut, Nooiensfonteinweg, Kuilsrivier plaasvind. |
| 4. |
Inligting vir aanbieders |
| 4.1 |
Partye wat geinteresseerd is om 'n Wiskundeles, 'n referaat oor Wiskundeonderrig of 'n "beste klaskamer praktyk"-werkswinkel by die konferensie aan te bied, moet deur die volgende gelei word:
- Die les of referaat of "How I teach"-werkswinkel moet op die nasionale Kurrikulum- en Assesseringsbeleidsverklaring (KABV) vir graad R tot 12 gebaseer wees.
- Die les moet 'n aspek van die Wiskunde-sillabus vir 'n bepaalde graad leer.
- Deelnemers aan die konferensie moet by die les of werkswinkel betrek word, d.w.s dit moet op 'n interaktiewe wyse aangebied word.
- Dit behoort nie langer as 60 minute te duur nie. Laat 5 tot 10 minute toe vir groepbesprekings of vrae.
- Lokale sal draagbare tafels en stoele, 'n dataprojektor, 'n oorhoofse projektor, interaktiewe witbordtoestelle (Mimio en Compujector), 'n dokumentbesigtiger (AVER visualiser) en 'n en blaaibordstaander met papier hê. Lokaalmeubels sal op sodanige wyse gereel word om groepaanbiedinge vir 'n maksimum van 30 deelnemers per lokaal te fasiliteer.
- KOLI het ook WiFi-toegang in die opleidingslokale beskikbaar.
- Alle werkblaaie vir die konferensie sal bymekaargesit en in boekvorm uitgedruk word. Dit beteken dat aanbieders nie addisionele afskrifte van gedrukte materiaal hoef te bring nie, tensy van deelnemers verwag word om bladsye van werkblaaie te knip of te vou.
- Elektroniese kopiee of hardekopiee moet dus voor of op 16 September 2016 na die programkoordineerder aangestuur of oorhandig word.
|
| 4.2 |
Die konferensie soek ook aanbieders wat "beste praktyk" vir die gebruik van Inligtings- en Kommunikasietegnologie (IKT) in die onderrig en leer van Wiskunde in die klaskamer kan deel. |
| 4.3 |
Indien u geinteresseerd is om 'n item by die konferensie te lewer, voltooi asseblief die aangehegte Bylae A en besorg dit teen 19 Augustus 2016 terug aan me N Fouche by faksnommer 086 443 6276 of e-posadres Natasha.Fouche@westerncape.gov.za |
| 5. |
Inligting vir deelnemers |
| 5.1 |
Onderwysers wat die konferensie as deelnemers wil bywoon, word versoek om hul besonderhede op die inskrywingsvorm in Bylae B in te vul. |
| 5.2 |
Die voltooide Bylae B moet teen Vrydag, 02 September 2016 aan me Gaynor Matthews by e-posadres Gaynore.Matthews@westerncape.gov.za of faksnommer 086 601 4232 of 021 900 5013 of 021 900 5027 terugbesorg word. |
| 5.3 |
Inskrywings sal sluit sodra die eerste 300 aansoeke deur KOLI ontvang is. |
| 5.4 |
Die konferensieprogram sal 'n hoofsessie en parallelle sessies insluit. |
| 6. |
Logistiek
Deelnemers of aanbieders uit die landelike distrikte wat meer as 120 km retoer afle, kan vir die koste van die WKOD op Maandag, 03 Oktober en Dinsdag 04 Oktober 2016 in die Kaapse Onderrig- en Leierskapinstituut se koshuis oornag. Koshuisgangers mag vanaf 13:00 tot 16:00 op Maandag, 03 Oktober by die koshuise inteken. |
| 7. |
Die WKOD vertrou dat hierdie konferensie 'n verrykende ervaring vir alle Wiskunde-onderwysers wat dit bywoon, sal wees. |
GETEKEN: BK SCHREUDER
ADJUNK-DIREKTEUR-GENERAAL: KURRIKULUM- EN ASSESSERINGSBESTUUR
DATUM: 2016:08:05
|
 |